მოძებნე და შეადარე ყველა ფრენა, რომელიც თბილისის აეროპორტიდან სრულდება.
იპოვე იაფი ავიაბილეთები თბილისის აეროპორტიდან ნებისმიერი მიმართულებით

დაჯავშნე ავიაბილეთები სწრაფად და მარტივად
სტამბოლი, 103 ლარი
ოქტომბერი
სტამბოლი
Turkish Airlines
აღმოაჩინე ფრენები თბილისის აეროპორტიდან და ისარგებლე საუკეთესო შეთავაზებებით. ქვემოთ მოცემულია იმ ავიარეისების ცხრილი, რომლებიც თბილისის აეროპორტიდან სრულდება.
თბილისის აეროპორტიდან ყველაზე პოპულარული მიმართულებაა სტამბოლი – ქალაქის მიმართულებით კვირაში 52 ფრენა სრულდება. შემდეგ ადგილს კი იკავებს თელ-ავივი – კვირაში 23 ფრენით.
თბილისის აეროპორტიდან 64 მიმართულებით სრულდება პირდაპირი რეისები. მათ შორის არიან: პარიზი, რომი, ამსტერდამი, ბერლინი, ლონდონი, მილანი, ჟენევა, დუბაი, დოჰა, დელი, ტაშკენტი, ასტანა, ერევანი, ბაქო, გუანჯოუ და სხვ.
ყველაზე გრძელი რეისი თბილისის აეროპორტიდან მუმბაის აეროპორტამდე სულდება 3,637 კმ-ის დაშორებით. პირდაპირი რეისი დაახლოებით 6 საათსა და 30 წუთს გრძელდება, მას IndiGo Airlines ასრულებს.
თბილისის აეროპორტიდან 53 ავიაკომპანია დაფრინავს. მათ შორის: Aegean Airlines, Turkish Airlines, Air Baltic, British Airways, Flydubai, LOT, Lufthansa და სხვა.
რეკომენდირებულია, რომ აეროპორტში ფრენამდე 2-3 საათით ადრე გამოცხადდეთ.
თბილისის შოთა რუსთაველის საერთაშორისო აეროპორტი (TBS) არა მხოლოდ საქართველოს, არამედ მთელი კავკასიის სტრატეგიული მნიშვნელობის აეროპორტია. იგი საქართველოს მთელს მსოფლიოსთან აკავშირებს და მეზობელ ქვეყნებს შორის უსაფრთხო და კომფორტულ მიმოსვლას უწყობს ხელს. აეროპორტი ქვეყნის დედაქალაქის სამხრეთ-აღმოსავლეთით მდებარეობს, 17 კილომეტრის მოშორებით.
თბილისის აეროპორტი ჯერ კიდევ 1952 წელს აშენდა პირველად და წარმოადგენდა მე-12 ყველაზე დიდ აეროპორტს საბჭოთა კავშირში. დროთა განმავლობაში იგი დაიხვეწა, გაფართოვდა და მოერგო საერთაორისო სტანდარტებს. აეროპორტი 2005 წლიდან TAV Urban Georgia-ს მფლობელობაში იმყოფება. მას შემდეგ ყოველწლიურად ნახევარ მილიონზე მეტ ადამიანს ემსახურება. განსაკუთრებით ბოლო წლებში, პანდემიის შემდეგ, მგზავრთა ნაკადი გაიზარდა და 4 მილიონსაც კი გადააჭარბა. აეროპორტს მგზავრებზე მაქსიმალურად მორგებული სერვისი აქვს. 2 ტერმინალის გასწვრივ მდებარეობს 2 ავტოსადგომი, რომლით სარგებლობაც ფასიანია და იტევს 300-ზე მეტ მანქანას.
თბილისის შოთა რუსთაველის აეროპორტს დაახლოებით 53 ავიაკომპანია ემსახურება 30-ზე მეტი ქვეყნის მიმართულებით მარშრუტზე. ძირითადი მიმართულებები მოიცავს ევროპის, შუა და ცენტრალური აზიის ქვეყნებს. თავად აეროპორტში ყოფნისას შეგიძლიათ ისარგებლოთ უფასო ინტერნეტ სერვისით: Tbilisi Loves You ან Airport Free Wi-Fi და დაისვენოთ ლაუნჯში გამგზავრებამდე ან ჩამოფრენის შემდეგ. მეორე სართულზე დაგხვდებათ მაღაზიები სუვენირებისთვის თუ სხვა საჭირო ნივთების შესაძენად. შეგიძლიათ განიტვირთოთ აეროპორტის სწრაფი კვების ობიექტებში ან კაფეებში.
თბილისის აეროპორტიდან მგზავრობისას ადგილზე უნდა გამოცხადდეთ მინიმუმ 2 საათით ადრე. 1.5 საათით ადრე ფრენამდე მოგიწევთ, გაიაროთ რეგისტრაცია. აუცილებლად გათვალეთ აეროპორტამდე მისასვლელი დროც და შესაბამისად შეარჩიეთ ტრანსპორტიც. ასევე, გადაამოწმეთ ნებადართული ბარგის სიდიდე თქვენი არჩეული ავიაკომპანიისა და რეისის მიხედვით და მზად იყავით უსაფრთხოების კონტროლისათვის, რაც ტურისტულ სეზონზე დიდ დროსთანაა დაკავშირებული. თუ ფრენისათვის ვიზა გჭირდებათ, გადაამოწმეთ მისი ვალიდობა და თქვენი პასპორტიც.
თბილისის აეროპორტამდე მისვლას ქალაქის ცენტრიდან შეძლებთ ავტობუსით ან ტაქსით. №337 ავტობუსი დღე-ღამის განმავლობაში 24 საათის განმავლობაში მუშაობს. ის აეროპორტს ქალაქის ცენტრთან აკავშირებს და მგზავრობის ღირებულება 1 ლარია. ტაქსით მგზავრობა ქალაქის ცენტრიდან დაახლოებით 20-25 ლარი დაგიჯდებათ და აეროპორტში 30-40 წუთში იქნებით.