იაფი ფრენები ლარნაკაში

ლარნაკა რამდენიმე განსაკუთრებულ სანაპიროს გთავაზობთ. მაგალითისთვის, ჩაინიშნეთ Finikoudes სანაპირო, რომელიც ქვიშიან სანაპიროს წარმოადგენს, პალმის ხეებითაა გაწყობილი და ბარებიდან და კაფეებიდან მუდამ მხიარულება ისმის. ანდაც, Mackenzie სანაპირო, რომლის კრისტალურად გამჭვირვალე წყალი აუცილებლად აღგაფრთოვანებთ. ლარნაკას სანაპიროებზე მუდამ მეგობრული ატმოსფერო და მხიარულებაა.

თუ არქიტექტურისა და ხელოვნების მოყვარული ხართ, აუცილებლად მოგხიბლავთ წმინდა ლაზარეს ბიზანტიური ტიპის ეკლესია. გარდა იმისა, რომ იგი ისტორიული ძეგლი და კვიპროსის მთავარი ღირსშესანიშნაობაა, მართლმადიდებლური ტრადიციისთვის დიდ და მნიშვნელოვან ძეგლს წარმოადგენს, აქ ინახება წმინდა ლაზარეს სამარხიც. ეკლესიაში არსებული ფრესკები, მისი ქრისტიანული მოწყობა მყუდრო გარემოს ქმნის. კვიპროსში ვიზიტისას ამ ეკლესიის ნახვა არ უნდა დაგავიწყდეთ.

ლარნაკა მხოლოდ ზღვის სანაპიროებით არ იწონებს თავს, აქ შეგიძლიათ ესტუმროთ მარილიან ტბებს. ტბების გარშემო თოვლიანი მთებია, რაც მაგიურ ატმოსფეროს ქმნის. ტბებთან აუცილებლად შეხვდებით ჩიტებს, რომლებიც დამსვენებლების ერთგული კომპანიონები იქნებიან. თუ სიმშვიდე და ყოველდღიური ცხოვრებისაგან დასვენება გსურთ, მარილიანი ტბების სანაპიროზე დაგეგმეთ გასვლა და დატკბით აქ არსებული ბუნებით.

ლარნაკას სასახლე შუასაუკუნეების შენობაა. იგი ოსმალეთის იმპერიის ისტორიიდან იღებს სათავეს. ითვლება, რომ ლარნაკას ციხესიმაგრე აიგო პორტის მტრებისაგან თავდასაცავად. მეორე სართულზე მუზეუმიცაა განთავსებული და აუცილებლად ეწვიეთ მას.

თუ ხორცის მოყვარული ხართ, მთავარ კერძად აუცილებლად გასინჯეთ Kleftiko. იგი მზადდება ბატკნის ხორცითა და ბოსტნეულით. გარნირად კი მოყვება კარტოფილი. Kleftiko ტრადიციული ბერძნული კერძია, მისი მომზადება საკმაოდ მარტივია და ნებისმიერ რესტორანში შეძლებთ გასინჯვას. თუ ხორცის მოყვარული ხართ, Kleftiko ნამდვილად მოგეწონებათ.

ბერძნული კულინარია გამორჩეულია სალათებით. ალბათ ამიტომაც ვეგეტარიანელებისათვის განსაკუთრებით კომფორტულია ლარნაკაში მოგზაურობა. აქ შეხვდებით სალათების მარტივ თუმცა გენიალურ რეცეპტებს, მათი გემო კი ნამდვილად დიდხანს გემახსოვრებათ. მაგალითისთვის გასინჯეთ პომიდვრისა და გრილზე შემწვარი ყველის სალათა. არ დაგავიწყდეთ ბერძნული ზეითუნის ზეთის გამოყენება სალათებში.

ლარნაკა პასტას განსხვავებული ვერსიითაც შეძლებს თქვენ გაკვირვებას. მაგალითისთვის, ეს კერძი მზადდება ქათმის ხორცითა და პასტით, მას ზემოდან ასხამენ ლიმონის წვენს. ასევე, შეგიძლიათ მასთან ერთად მიირთვათ ყველიც. როგორც წესი, პასტას პიტნით, დარიჩინით ან ლიმნით მიირთმევენ. აუცილებლად გირჩევდით ბერძნული პასტას დაგემოვნებას.

აუცილებლად უნდა გასინჯოთ ტრადიციული ბერძნული კერძი სუვლაკი. იგი პიტაში გახვეული ხორცისა და ბოსტნეულის ერთობას წარმოადგენს. თუმცა, შეგიძლიათ ხორცის გარეშეც მიირთვათ.