თბილისის აეროპორტი TBS

თბილისის შოთა რუსთაველის საერთაშორისო აეროპორტი მდებარეობს საქართველოს დედაქალაქის ცენტრიდან 17 კმ-ის დაშორებით. აეროპორტიდან რეისები ხორციელდება მსოფლიოს სხვადასხვა მიმართულებით. 2005 წლის 31 ოქტომბრიდან თბილისის საერთაშორისო აეროპორტი TAV Urban Georgia -ს მმართველობის ქვეშაა. 2007 წელს დასრულდა ახალი სამგზავრო ტერმინალის მშენებლობა, რომლის მეშვეობით სწრაფად განვითარდა და სტრატეგიული მნიშვნელობა მიიღო. აეროპორტს გააჩნია ფართო ასაფრენ- დასაფრენი ბილიკი, ბაქანი და სამიმოსვლო გზა.

აეროპორტს ქალაქის სხვადასხვა ნაწილთან აკავშირებს 37 ნომერი ავტობუსი, რომლის გაჩერებაც ახლოსაა და ყოველ ნახევარ საათში ემსახურება მგზავრებს. ღირებულა 50 თეთრს შეადგენს.

გარდა ავტობუსისა დღის ნებისმიერ მონაკვეთში, 24 საათის განმავლობაში აეროპორტს ემსახურება ტაქსებიც და ტარიფი ქალაქის ცენტრამდე დაახლოებით 25 ლარს შეადგენს.

პარკინგის ადგილს ორი შესასვლელი და გასასვლელი აქვს, რომელიც გათვლილია 370 ავტომობილზე. არ უნდა დაგვავიწყდეს რომ პარკინგის ადგილით სარგებლობა ფასიანია და ბილეთის აღება შესასვლელშივე შეგვიძლია.

აეროპორტი განვითარების ხაზს ყოველწლიურად ავითარებს, ასე მაგალითად თუ 2007 წელს მოემსახურა 600 000 მგზავრს, 2013 წლისთვის ეს ციფრი 1, 436 046 – მდე გაიზარდა.

თბილისის აეროპორტის მიმდებარედ მოქმედებს სატვირთო მომსახურების სამი კერძო კომპანია, ესენია : კარგო სერვისი, ლასარე და საქართველოს კარიბჭე. სპეციალური ტექნიკის მეშვეობით ეს კომპანიები უზრუნველყოფენ ბარგის საიმედო გადაადგილებას.

აეროპორტიდან ფრენებს 37-მდე ავიაკომპანია ასრულებს მსოფლიოს მიმართულებით. მათ შორის: აეროფლოტი, belavia ავიაზახები, airbaltic-ი, flydubai, LOT პოლონური ავიახაზები, Lufthansa და ა.შ.

თბილისის საერთაშორისო აეროპორტში შეგიძლიათ მიიღოთ გზამკვლევი, რომლის დახმარებით გადაადგილება ბევრად მარტივია. აეროპორტშივე შეგიძლიათ ისარგებლოთ სუვენირების მაღაზიით, კაფე-ბარებითა და სხვადასხვა მოსასვენებელი ადგილით.

აეროპორტს შოთა რუსთაველის სახელი, 2015 წელს მიანიჭა თბილისის საკრებულომ.