რა ღირს ყველაზე იაფი ფრენა ლონდონში?
ლონდონის მიმართულებით ფრენებს ნახავთ თბილისის, ქუთაისისა და ბათუმის საერთაშორისო აეროპორტებიდან. თბილისიდან ნახავთ პირდაპირ ფრენებსაც, ქუთაისიდან და ბათუმიდან კი მხოლოდ გადაჯდომით შეძლებთ მგზავრობას.
იაფი ავიაბილეთები ლონდონში თბილისიდან შეგიძლიათ 244 ლარიდან ზემოთ შეიძინოთ, ქუთაისიდან – 178, ხოლო ბათუმიდან 309 ლარიდან ზემოთ. თბილისიდან ლონდონში პირდაპირი ფრენებისთვის შემოგთავაზებთ ბრიტანული დაბალბიუჯეტური ავიაკომპანია EasyJet-ის ფრენებს, ან მაღალი დონის British Airways-ის ბილეთებს. გადაჯდომით კი დაფრინავს შემდეგი ავიაკომპანიები: Ajet Airlines, Turkish Airlines, Pegasus. ისინი სამივე თურქული ავიაკომპანიებია, რომლებიც სტამბოლში გადაჯდომით დაფრინავენ ლონდონში.
ქუთაისიდან ლონდონის მიმართულებით შემოგთავაზებთ Pegasus Airlines -ის ფრენებს. პეგასუსი ქუთაისიდან ლონდონის მიმართულებით სტამბოლის საბიჰა გოქჩენის გადაჯდომით დაფრინავს და საკმაოდ ხელმისაწვდომ ფასებს გვთავაზობს ავიაბილეთებზე. ხოლო ბათუმიდან შეგვიძლია შემოგთავაზოთ თურქეთის ავიახაზების ავიაბილეთები, ასევე სტამბოლში გადაჯდომით.
ლონდონში 6 დიდი აეროპორტია, ამიტომ ეს ავიაკომპანიები სხვადასხვა მათგანში ახორციელებენ ფრენებს. მაგალითისთვის, იზიჯეტი ჩაფრინდება ლონდონის ლოტუნის აეროპორტში, რომელიც ქალაქიდან 1 საათის სავალ მანძილზე მდებარეობს, თუმცა მატარებლით მარტივად შეძლებთ ლონდონის ცენტრამდე მისვლას.
ბრიტანეთის ავიახაზების თვითმფრინავები კი დაეშვება ლონდონის ჰითროუს აეროპორტში, რომელიც ქალაქის ცენტრიდან 22 კილომეტრში მდებარეობს, თუმცა ასევე მარტივად მოსახერხებელია მატარებლით მგზავრობისათვის. აჯეტი და პეგასუსი შედარებით შორს, სტანსტედის აეროპორტში დაეშვებიან, რომელიც 68 კილომეტრითაა მოშორებული ლონდონის ცენტრს, თუმცა მატარებლები აქაც ხშირად დადიან. ვიზიარი და თურქეთის ავიახაზები კი სხვადასხვა აეროპორტებში ასრულებენ რეისებს, ამიტომ გირჩევთ წინასწარ შეამოწმოთ, რომელ აეროპორტში გიწევთ ჩაფრენა.
დაბლა იხილავთ ავიაბილეთების ცხრილს ლონდონის მიმართულებით თბილისიდან, ქუთაისიდან და ბათუმიდან.
