ავიაკომპანიების ზამთრის სანავიგაციო სეზონის განრიგი

საქართველოს მდგრადი განვითარების სამინისტროს სამოქალაქო ავიაციის სააგენტოს მიერ დამტკიცდა და გამოქვეყნდა 2019-20  წლების ზამთრის სანავიგაციო სეზონზე ავიაკომპანიების რეგულარული ფრენების განრიგი.

საქართველოს სამივე საერთაშორისო აეროპორტიდან კვირაში საშუალოდ 340 რეისი შესრულდება. ავიარეისებს 2 ქართული და 32 უცხოური ავიაკომპანია შეასრულებს, მათ შორის იქნება 3 სატვირთო ავიაკომპანია.

თბილისის საერთაშორისო აეროპორტიდან რეგულარული რეისები 37 მიმართულებით შესრულდება : ათენი, ალმა-ატა, ანკარა აქტაუ, ამსტერდამი, ბაქო, ბარსელონა, ბოლონია, ბრიუსელი, ბერლინი, ბუქარესტი, ბაჰრეინი, დელი, დოჰა, დუბაი, ელ-ქუვეითი, ერევანი, ვენა, ვარშავა, თეირანი, თელ-ავივი, კიევი, ლონდონი, მინსკი, მილანი, მიუნხენი, ნურ-სულთანი, პარიზი, პეკინი, ურუმჩი, პრაღა, რიგა, რიადი, სტამბოლი, ტაშკენტი, შარმ-ელ-შეიხი, შარჟა და ხარკოვი.

ქუთაისის საერთაშორისო აეროპორტიდან რეგულარული რეისები შესრულდება 29 მიმართულებით : ათენი, ბაზელი, ბარსელონა, ბერლინი, ბრიუსელი, ბოლონია, ბარი, ბუდაპეშტი, გდანსკი, დორტმუნდი, ეინდჰოვენი, ვროცლავი, ვენა, ვარშავა, ვილნიუსი, კატოვიცე, კოპენჰაგენი, კრაკოვი, ლარნაკა, ლონდონი, მარსელი, მემინგენი, მილანი, ნიცა, პოზნანი, პარიზი, პრაღა, რომი, სალონიკი და ტალინი.

ბათუმის საერთაშორისო აეროპორტიდან რეგულარული რეისები შესრულდება 6 მიმართულებით : ბაქო, თელ-ავივი, თეირანი, კიევი, მინსკი და სტამბოლი.

შეგიძლიათ უფრო სრულად და დეტალურად იხილოთ მთლიანი სეზონის განრიგი gcaa.ge- ზე და დაგეგმოთ მოგზაურობა თქვენთვის სასურველი მიმართულებით.