იაფი ფრენები დუსელდორფში

რაინის კოშკი 240 მეტრი სიმაღლის სატელეკომუნიკაციო ანძაა და დუსელდორფის ერთ-ერთი მთავარი სიმბოლო. მის ღერძზე მოწყობილი სინათლის ინსტალაცია მსოფლიოში ყველაზე დიდ ციფრულ საათად ითვლება. კოშკის ზედა ნაწილში სადამკვირვებლო მოედანი და რესტორანია, საიდანაც მთელი ქალაქი და მდინარე რაინი ჩანს.

კაიზერსვერტის იმპერატორის სასახლის ნანგრევები XII საუკუნით თარიღდება. ციხე-სასახლე იმპერატორ ფრიდრიხ ბარბაროსას დროს გამაგრდა და რაინის ნაპირზე, კაიზერსვერტის ისტორიულ უბანში მდებარეობს. ამ შუასაუკუნეების ძეგლის ნახვა დროში მოგზაურობის საუცხოო შეგრძნებას შეგიქმნით.

დუსელდორფი არც სეირნობის მოყვარულებს დაგწყვეტთ გულს. აქ შეგიძლიათ უზარმაზარ ბულვარში სეირნობა, რომელიც გამოირჩევა თავისი მშვიდი გარემოთი. ბულვარი ქალაქის ცენტრს უკავშირდება და პირდაპირ ამოგაყოფინებთ თავს იმ მდიდრულ ქუჩებში, რომლითაც დუსელდორფია ცნობილი. სეირნობის შემდეგ ამიტომ შოპინგსაც შეძლებთ.

წმინდა ლამბერტის ბაზილიკა XIII-XIV საუკუნეების გოთიკური ტაძარი და ქალაქის ერთ-ერთი უძველესი შენობაა. იგი ძველ ქალაქში, რაინის ნაპირთან ახლოს დგას და ცნობილია თავისი გრეხილი შპილით. ბაზილიკის შიგნით არსებული ჰარმონიული გარემო და ულამაზესი არქიტექტურა არცერთ მნახველს არ დატოვებს გულგრილს.

დუსელდორფი ვეგეტარიანელების გულსაც მოიგებს. ჰალვე ჰან ჭვავის ფუნთუშაა, რომელსაც ჰოლანდიური ყველის სქელ ნაჭერთან, მდოგვთან და ხახვთან ერთად მიირთმევენ. ის ადგილობრივ ლუდხანებში ტრადიციული წასახემსებელია და მის დაგემოვნებას აუცილებლად გირჩევთ.

ეს ხორცის მოყვარულებისთვის განკუთვნილი მთავარი კერძია. ხორცი რამდენიმე დღე ძმრიან მარინადში ჩერდება და შემდეგ ნელ ცეცხლზე იხრაკება. კლასიკური რაინული რეცეპტი ცხენის ხორცს გულისხმობდა, დღეს კი უმეტესად საქონლის ხორცით მზადდება. კერძი ქიშმიშიან სოუსთან და კარტოფილის გარნირთან ერთად სერვირდება.

რაიბეკუხენი გახეხილი კარტოფილისგან, ხახვისა და კვერცხისგან მომზადებული შემწვარი ბლინებია. რაინის მხარეში მას ხშირად ვაშლის პიურესთან ან ჭვავის პურთან ერთად მიირთმევენ. თუ მსუბუქი და მარტივი საკვები გსურთ, აუცილებლად გასინჯეთ.

ამ კერძის სახელი ასე ითარგმნება: „სამოთხე და დედამიწა“. იგი კარტოფილის პიურესა და ვაშლის პიურეს აერთიანებს: ვაშლი ხეზე იზრდება („სამოთხე“), კარტოფილი კი მიწაში („დედამიწა“). კერძს შემწვარ ხახვსა და შემწვარ სისხლის ძეხვთან ერთად მიირთმევენ. აუცილებლად გირჩევთ დაგემოვნებას.