Turkish Airlines -მა ყველა მგზავრისთვის, ვინც დარეგისტრირდება Miles&Smiles ლოიალობის პროგრამაში, ფრენის დროს ინტერნეტის გამოყენება უფასო გახადა. მოგზაურებს რეგისტრაციის შემდეგ მყისიერად შეეძლებათ გამოიყენონ მესინჯერები, რათა გაცვალონ შეტყობინებები ადამიანებთან მსოფლიოს ნებისმიერ წერტილში.
Miles&Smiles ლოიალობის პროგრამაში რეგისტრაცია უფასოა, ამის შემდეგ კი მოგზაურს დაუყოვნებლივ ენიჭება Miles&Smiles Classic სტატუსი.
თუ მგზავრებს სურთ ვიდეოების ყურება ან ახალი ამბების წაკითხვა, საჭირო იქნება ინტერნეტთან წვდომის გადასახადის გადახდა.
- ეკონომ კლასის მგზავრებისთვის 100 მბ-ის ფასი 8 დოლარია, ხოლო 250 მბ-ის 15 დოლარი. საშუალო მანძილის ფრენებზე მონაცემთა შეუზღუდავი პაკეტები 15 დოლარი ღირს და გრძელვადიან მარშრუტებზე – 35 დოლარი.
- ბიზნეს კლასის ყველა მგზავრი იღებს უფასო ბონუს პაკეტს 1 გბ ტრაფიკით. მისი ამოწურვის შემდეგ სისტემა მგზავრებს წვდომის პაკეტის გადახდას შესთავაზებს.
თურქეთის ავიახაზები ფრენის დროს ინტერნეტთან წვდომას ყველა შორ მანძილზე მფრინავ თვითმფრინავზე უზრუნველყოფს, ასევე ზოგიერთ საშუალო მანძილის თვითმფრინავზეც. მგზავრს სერვისზე წვდომისთვის თვითმფრინავის ბორტზე Wi-Fi ქსელთან დაკავშირება სჭირდება.
თურქეთის ავიახაზები საქართველოში ერთ-ერთი ყველაზე პოპულარული და მოთხოვნადი ავიაკომპანია. პირდაპირ ფრენებს საქართველოს ორი აეროპორტიდან – თბილისის და ბათუმის საერთაშორისო აეროპორტებიდან სტამბოლის საბიჰა გოქჩენსა და ახალ აეროპორტში ასრულებს.
