თურქული დაბალბიუჯეტური ავიაკომპანია Pegasus Airlines – ი საქართველოდან ახალი მიმართულებით იწყებს ოპერირებას.
ავიაკომპანია ზაფხულის სანავიგაციო სეზონიდან რეგულარულ რეისებს იწყებს იზმირი – თბილისი – იზმირის საჰაერო ხაზზე. სამოქალაქო ავიაციის სააგენტოს ინფორმაციის თანახმად, Pegasus Airlines – ი იზმირსა და თბილისს შორის ფრენებს 4 მაისიდან 29 ოქტომბრის ჩათვლით შეასრულებს. რეისები კვირაში ორი სიხშირით, ყოველ ოთხშაბათს და კვირას განხროციელდება.
საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტოს მიერ, ავიაკომპანიას აღნიშნული მიმართულებით ოპერირების ნებართვა 22 თებერვალს მიენიჭა.
