იაფი ფრენები შტუტგარტში

როგორც უკვე გითხარით, შტუტგარტი მდიდარია ბუნებრივი სილამაზით. აქ შეგიძლიათ ეწვიოთ ქალაქის ბოტანიკურ პარკსა და ზოოპარკს. იგი ტურისტებისთვის ერთ-ერთი საყვარელი ადგილია. თანაც, ვილჰელმა გაშენებულია ისტორიული სასახლის ნანგრევებზე.

დარწმუნებული ვარ, სოციალურ ქსელში ერთხელ მაინც შეგხვედრიათ შტუტგარტის ბიბლიოთეკის ფოტო. იგი გასაოცარია არა მხოლოდ თავისი ფუნქციური მნიშვნელობით, არამედ ულამაზესი არქიტექტურითაც. აქ ვიზიტი თავს ნამდვილ ჯადოსნურ სამყაროში ამოგაყოფინებთ, ამიტომ არ გამოტოვოთ ეს გამოცდილება შტუტგარტში ყოფნისას.

თუ გსურთ ის შესანიშნავი კულტურული მნიშვნელობა დაინახოთ ტექნოლოგიური პროგრესისა, რაც გერმანელებმა შესძინეს ავტო-ინდუსტრიას, აუცილებლად ეწვიეთ მერსედესის მუზეუმს შტუტგარტში. აქ ავტომობილთა რიგს აღიქვამთ არა მხოლოდ როგორც მექანიკურ ქმნილებას, არამედ როგორც ისტორიულ მოცემულობას.

შტუტგარტის ტელევიზორის კოშკი ქალაქის ერთ-ერთი უმაღლესი შენობაა. თანაც, შეგიძლიათ ლიფტით მაღლა ახვიდეთ და ქალაქს ზემოდან გადმოხედოთ. აქ ვიზიტი აუცილებლად ღირს შტუტგარტის ულამაზესი პანორამული ხედით ტკბობისათვის.

ტურისტებისთვის განსაკუთრებით საყვარელია ეს კერძი. იგი წარმოადგენს იტალიური რავიოლის ერთგვარ ვარიაციას. კერძი არის მოხარშულ ცომში მოთავსებული ხორცი ან ყველი. თქვენს გემოვნურ თავისებურებებზე მორგებული ვარიანტის პოვნა ნამდვილად არ გაგიჭირდებათ. თითქმის ყველა რესტორანში იპოვით ამ კერძს.

შტუტგარტი სუფებზე გავრცელებულ წარმოდგენასაც შეგაცვლევინებთ. ეს კონკრეტული სუფი ხორცისა და კარტოფილისგან მზადდება. იგი განსაკუთრებით პოპულარულია შობას, თუმცა ნებისმიერ სეზონზე შეძლებთ მის დაგემოვნებას.

ეს კერძი გახლავთ სხვადასხვა ინგრედიენტთან ერთად სერვირებული პელმენი. იგი შეიძლება მომზადდეს ბეკონთან, ყველთან, სოკოსთან ან სხვა პროდუქტებთან ერთად. მისი მირთმევა შეგიძლიათ შუადღეს, მთავარ კერძად.

ეს კერძი არის პასტა, რომელიც ყველში მზადდება და ზემოდან კარამელიზებული ნიორი აქვს. პასტა ნებისმიერი გემოვნების მქონე ტურისტს მოეწონება. იგი უგემრიელესი და თანაც ნოყიერია.