კვიპროსის რესპუბლიკაში დაფუძნებული ავიაკომპანია Cyprus Airways -ი თბილისი -დან ლარნაკას მიმართულებით პირდაპირ რეგულარულ ავიამიმოსვლას იწყებს.
სამოქალაქო ავიაციის სააგენტოში ავიაკომპანიის მიერ წარმოდგენილი განაცხადის შესაბამისად, თბილისსა და ლარნაკას შორის ფრენები 2023 წლის 2 ივლისიდან დაიწყება. ავიარეისები ყოველ ორშაბათს, ოთხშაბათს და კვირას განხორციელდება.
საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტომ კვიპროსის ავიახაზებს აღნიშნული მიმართულებით ოპერირების ნებართვა 21 ივნისს მიანიჭა.
