აეროპორტის მუშაობის შეფერხების მიზეზი დასავლეთ საქართველოში უამინდობა და ძლიერი წვიმა იყო. უხვი ნალექის გამო შეფერხდა აეროპორტის სამგზავრო ტერმინალის მუშაობა.
საქართველოს აეროპორტების გაერთიანებისა და ქუთაისის საერთაშორისო აეროპორტი -ს გუნდის ოპერატიული მუშაობის შედეგად, ქუთაისის აეროპორტის გახსნა დაგეგმილზე ადრე მოხერხდა და პირველი რეისები დორტმუნდის და ბარსელონას მიმართულებით 11 ივლისს, 04:00 საათზე გაფრინდა. 07:30 საათზე ასევე განხორციელდა ქუთაისი-სალონიკის მიმართულებით რეისიც.
როგორც უკვე ავღნიშნეთ, აეროპორტის მუშაობის დროებით შეჩერება გადაუღებელმა წვიმებმა და უხვმა ნალექმა გამოიწვია. აეროპორტის ტერიტორიაზე ამ ეტაპზე აქტიურად მუშაობს ექსპერტთა ჯგუფი, რომლებიც ვითარებას ადგილზე სწავლობენ.
