როგორც იცით, ქართული ავიაკომპანია Georgian Wings -ი რეისებს 31 ივლისიდან, თბილისი-ბათუმი-თბილისის მიმართულებით ყოველდღიურად, კვირაში კვირაში 12 სიხშირით ასრულებს. თუმცა, შიდა რეისებთან ერთად ის მალე საერთაშორისო ფრენებსაც შემოგვთავაზებს.
6 სექტემბრიდან ავიაკომპანია თბილისი – ბაქო – თბილისის საჰაერო ხაზზე იწყებს ოპერირებას. ფრენები კვირაში სამი სიხშირით, ყოველ ოთხშაბათს, პარასკევს და კვირას შესრულდება. ავიაბილეთების შეძენაჯერ-ჯერობით არ არის შესაძლებელი.
დღეისათვის პირდაპირ ფრენებს თბილისიდან ბაქოს მიმართულებით და უკან, აზერნაიჯანული ავიაკომპანია AZAL -ი ყოველდღე გვთავაზობს. ფრენის ხანგრძლივობა კი 1სთ და 10წთ-ია.
აღსანიშნავია, რომ ჯეორჯიან ვინგს -ს კიდევ ერთი იტალიურ-ფრანგული წარმოების, 70 მგზავრზე გათვლილი ATR-72 ტიპის საჰაერო ხომალდი შეემატა. ეს კი ავიაკომპანიას საშუალებას აძლევს, რომ შიდა რეგიონალური ფრენების გარდა, მგზავრებს დამატებითი ავიარეისები და ახალი მიმართულებები შესთავაზოს.
