ყაზახური დაბალბიუჯეტიანი ავიაკომპანია FlyArystan ქუთაისის აეროპორტი -დან პირდაპირ რეისებს 4 ივნისიდან შემოგვთავაზებს. ფრენები ქუთაისი-ალმათი-ქუთაისის საჰაერო ხაზზე, კვირაში ორჯერ, ოთხშაბათსა და კვირას შესრულდება, რომელიც A320 ტიპის საჰაერო ხომალდით განახორციელდება.
საქართველოს აეროპორტების გაერთიანების დირექტორის, ირაკლი ქარქაშაძის განცხადებით, ახალი ყაზახური მიმართულება, ისეთივე მოთხოვნადი იქნება, როგორც დანარჩენი ოთხი. მისივე თქმით, ავიაკომპანია ზაფხულში კვირაში 15 სიხშირით იფრენს.
დღეისათვის, ავიაკომპანია ქუთაისდან ყაზახეთის მიმართულებით პირდაპირ რეგულარულ ფრენებს ასტანას, ატირაუს, აქტაუს და შიმკენტის მიმართულებით ასრულებს.
ფლაი არისტანი Air Astana-ს შვილობილი და ცენტრალური აზიის წამყვანი ავიაკომპანიაა. ფრენების განხორციელება მან 2019 წლის მაისიდან დაიწყო ყაზახეთის შიდა და გარე მიმართულებებზე.
ავიაკომპანია რეისებს ალმათის, ასტანას, ატირაუს, აქტაუს და შიმკენტის ბაზებიდან A320 CEO და NEO თვითმფრინავების თანამედროვე ფლოტით ახორციელებს.
თუ გსურთ მოინახულოთ ეს მრავალფეროვანი ქალაქი, არ გაუშვათ შანსი ხელიდან და შეიძინეთ ავიაბილეთები ახლავე. ყაზახეთის ყოფილი დედაქალაქი, დღეს ეკონომიკურ და კულტურულ ცენტრს წარმოდგენს, რომელიც გამოირჩევა არაერთი ღირსშესანიშნაობით, უამრავი ულამაზესი შენობითა და შესანიშნავი ბუნებით.
