მას შემდეგ, რაც მსოფლიო პანდემიის გამო ქვეყნებმა საზღვრები ჩაკეტეს და ავიაკომპანიებმა ფრენები შეწყვიტეს, გაჩნდა კითხვა, რომელიც დღეს ყველაზე ხშირად დაისმის და მოსახლეობა მოუთმენლად ელოდება ამ კითხვაზე პასუხს.

როდის აღდგება ფრენები?

საბედნიეროდ, დღეისათვის უკვე დანამდვილებით შეგვიძლია ვთქვათ, რომ 1 ივლისიდან საქართველოში საჰაერო მიმოსვლა აღდგება. ქვეყანა მზად იქნება მიიღოს საერთაშორისო ტურისტები და ამასთანავე, საქართველოს მოსახლეობაც შეძლებს სხვა ქვეყნებში გამგზავრებას.

დღევანდელი მონაცემებით, 20-მდე ავიაკომპანიამ გამოთქვა მზადყოფნა და სურვილი, რომ დაუბრუნდნენ საქართველოს საავიაციო ბაზარს და განაახლონ რეგულარული ფრენები სხვადასხვა ქვეყნების მიმართულებით.

რომელი ავიაკომპანიები იწყებენ ოპერირებას ?

ჯერჯერობით უცნობია ყველა ავიაკომპანიის ჩამონათვალი, თუმცა შეგვიძლია ვთქვათ, რომ ყველასათვის ცნობილი დაბალბიუჯეტური ავიაკომპანიები Wizz Air-ი და Ryanair-ი ნამდვილად დაიწყებენ ოპერირებას საქართველოში.

ქართული ავიაკომპანიები Georgian Airways და MyWay Airlines-იც განაახლებენ ფრენებს 1 ივლისიდან.

ასევე, მზადყოფნა საქართველოში ფრენების აღდგენასთან დაკავშირებით გამოთქვა მსოფლიოში ერთ-ერთმა წამყვანმა ავიაკომპანიამ, Qatar Airways-მა.

Turkish Airlines-იც იმ ავიაკომპანიების რიცხვს მიეკუთვნება, რომელიც ივლისიდან დაუბრუნდება საქართველოს საავიაციო ბაზარს და მოგზაურებს თავის მაღალი ხარისხის სერვისს ისევ შესთავაზებს.

აღსანიშნავია, რომ უკრაინული ავიაკომპანია YanAir-ი დაუბრუნდება ბათუმის საერთაშორისო აეროპორტს. ის ჯერჯერობით ერთადერთი უკარაინული ავიაკომპანიაა, რომელსაც უკვე ჩანიშნული აქვს ფრენები საქართველოს მიმართულებით.

პოლონური ავიახაზები LOT Airlines-ი, ასევე, ივილისიდან საქართველოს მიმართულებით ფრენების აღდგენას ვარაუდობს.

ლატვიურმა ავიაკომპანია Airbaltic-მაც დააანონსა საქართველოს მიმართულებით რეისების განახლება.

გერმანული ავიაკომპანია Lufthansa-ც ბრუნდება თბილისის საერთაშორისო აეროპორტში. აღსანიშნავია, რომ საქართველოდან გერმანიაში ჩასულ მგზავრებს კარანტინის გავლა არ მოუწევთ.

რომელი მიმართულებებით იწყება ფრენები?

სრული ინფორმაცია იმ მიმართულებებზე, სადაც ივლისიდან შესაძლებელი გახდება საქართველოდან გამგზავრება, ჯერჯერობით არ არის ცნობილი. თუმცა, იმ ავიაკომპანიების მიხედვით, რომლებიც ბრუნდებიან საქართველოს აეროპორტებში, შეგვიძლია მიმართულებების მცირე ნაწილი გაგაცნოთ.

ავიაკომპანია Ryanair-ის განრიგის მიხედვით, თბილისიდან მილანის მიმართულებით 3 ივლისიდან, ხოლო კიოლნის მიმართულებით 5 ივლისიდან შესრულდება რეისები.

ოფიციალური ინფორმაციით, ავიაკომპანია Wizz Air-ი ვილნიუსის და ბუდაპეშტის მიმართულებებს განაახლებს.

Myway Airlines-ი 1 ივლისიდან თელ-ავივის მიმართულებით დაიწყებს რეგულარულ რეისებს.

რაც შეეხება Georgian Airways-ს, ავიაკომპანიის წარმომადგენლობის განცხადებით, ისინი ყველა მიმართულებას აღადგენენ, რომლებზეც პანდემიამდე ასრულებდნენ რეისებს.

ფრენები აღდგება უკრაინასა და საქართველოს შორის. ავიაკომპანია YanAir-ი ბათუმიდან კიევის, ოდესის და ხარკოვის მიმართულებით ისევ მოემსახურება მგზავრებს.

Turkish Airlines-ი თბილისსა და სტამბოლს, ხოლო Qatar Airways-ი თბილისსა და დოჰას ისევ დააკავშირებს ერთმანეთს.

LOT Airlines-ი ვარშავა-თბილისის მიმართულებით განაახლებს პირდაპირ მიმოსვლას.

Airbaltic-ს 9 ივლისიდან ჩანიშნული აქვს ფრენა თბილისი-რიგას მიმართულებით.

Lufthansa თბილისი-მიუნხენის მიმართულებით პირველ რეისს, სავარაუდოდ, 3 ივლისს შეასრულებს.

 

 

იაფი ავიაბილეთები ქუთაისიდან

დანიშნულების ადგილიგამგზავრებადაბრუნებაავიაკომპანიაბილეთების პოვნა
ალმაატა9 ივნისი 202411 ივნისი 2024Air Astanaავიაბილეთები 637 -დან
ათენი27 ივნისი 202430 ივნისი 2024Wizz Airავიაბილეთები 552 -დან
აბუ დაბი17 ივლისი 202424 ივლისი 2024Wizz Airავიაბილეთები 264 -დან
ბარსელონა5 ივნისი 20247 ივნისი 2024Wizz Airავიაბილეთები 563 -დან
ბერლინი7 ივნისი 202414 ივნისი 2024Wizz Airავიაბილეთები 551 -დან
ბრიუსელი11 ივნისი 202415 ივნისი 2024Wizz Airავიაბილეთები 446 -დან
ბუდაპეშტი19 მაისი 202428 მაისი 2024Wizz Airავიაბილეთები 427 -დან
კოპენჰაგენი7 ივნისი 202414 ივნისი 2024Wizz Airავიაბილეთები 403 -დან
დორტმუნდი10 ივნისი 202417 ივნისი 2024Wizz Airავიაბილეთები 428 -დან
მემინგენი29 მაისი 202417 ივნისი 2024Wizz Airავიაბილეთები 414 -დან

იაფი ავიაბილეთები თბილისიდან

დანიშნულების ადგილიგამგზავრებადაბრუნებაავიაკომპანიაბილეთების პოვნა
სოჭი23 მაისი 20243 ივნისი 2024Azimutავიაბილეთები 345 -დან
ალმაატა1 ოქტომბერი 20247 ოქტომბერი 2024Air Astanaავიაბილეთები 974 -დან
ამსტერდამი6 ნოემბერი 202413 ნოემბერი 2024Transaviaავიაბილეთები 604 -დან
ანკარა27 ივნისი 20244 ივლისი 2024Pegasus Airlinesავიაბილეთები 436 -დან
ათენი4 ნოემბერი 202417 ნოემბერი 2024Aegean Airlinesავიაბილეთები 593 -დან
აბუ დაბი23 მაისი 202430 მაისი 2024Air Arabia Abu Dhabiავიაბილეთები 797 -დან
ანტალია23 მაისი 202426 მაისი 2024Sun Expressავიაბილეთები 423 -დან
ბაჰრეინის კუნძული20 ივლისი 202427 ივლისი 2024Gulf Airავიაბილეთები 1 658 -დან
ბაქო8 აგვისტო 202428 აგვისტო 2024Azerbaijan Airlinesავიაბილეთები 281 -დან
ბერლინი10 ივნისი 202420 ივნისი 2024Eurowingsავიაბილეთები 1 050 -დან
kompensacia frenebze
kompensacia frenebze
წინა სტატიაშიWizz Air-ის რეისები ქუთაისის აეროპორტიდან პირველ მაისამდე შეჩერდა
შემდეგი სტატიაGeorgian Airways-მა ჩარტერული რეისები დანიშნა

დაკავშირებული სტატიებიმეტი ავტორი

5 1 vote
შეაფასე სტატია
Subscribe
Notify of
1 კომენტარი
Oldest
Newest Most Voted
Inline Feedbacks
View all comments