იაფი ფრენები ვარშავაში

თუ გსურთ, მეოცე საუკუნის მსოფლიო ისტორია თქვენ თვალწინ წამებში გადაიშალოს, გირჩევდით ვარშავას პოლონელი ებრაელების მუზეუმსა, აჯანტებისა და აღზევების მუზეუმს ეწვიოთ.  აქ გაეცნობით პოლონელი გმირების პირად ისტორიებს, დაათვალიერებთ ფოტომასალებს და მოუსმენთ აუდიოჩანაწერებს. პოლონური არმიის მუზეუმში კი 300 000-მდე არტეფაქტს ნახავთ და ფაქტობრივად დროში იმოგზაურებთ. მუზეუმების გარშემო არსებულ თავისუფლების პარკშიც თუ გაისეირნებთ, შეგეძლებათ მოინახულოთ პოლონეთის გათავისუფლების ბრძოლაში დაღპული გმირების მემორიალები.

მუსიკის მოყვარულებს არ გაგიკვირდებათ, თუ გეტყვით, რომ შოპენი სწორედ ვარშავაში ცხოვრობდა. სწორედ ამიტომ ვარშავის აეროპორტიც შოპენის სახელობისაა და თუ უკვე შეიძინეთ იაფი ფრენები ვარშავაში, სწორედ შოპენის აეროპორტში ჩაფრენა მოგიწევთ. შოპენის მუზეუმი ინახავს მის ნაწერებს, ფოტოებს, წერილებს, პიანინოს. კლასიკური მუსიკის მოყვარულებს ეს ადგილი ნამდვილად აღგაფრთოვანებთ და მუდამ გემახსოვრებათ. აქ მიღებული ემოციები აუცილებლად დიდხანს გაგყვებათ.

აუცილებლად ეწვიეთ ვარშავას სამეფო სასახლეს. იგი რენესანსისა და ბაროკოს ეპოქების არქიტექტურული სტილის ერთგვარი ნაზავია. აღგაფრთოვანებთ როგორც მისი ისტორიული მნიშვნელობა და სიდიადე, ასევე ინტერიერი თუ ექსტერიერი. ახლა იგი ეროვნული მნიშვნელობის მონუმენტსა და მუზეუმს წარმოადგენს, თუმცა დიდი ხნის წინ პოლონელი მონარქების რეზიდენცია იყო. აქ არსებული სახელოვნებო კოლექცია აუცილებლად მიიქცევს თქვენს ყურადღებას. იგი მდებარეობს ვარშავას ძველ ქალაქში, ამიტომ მისი მონახულების შემდეგ შეგიძლიათ ძველ ქალაქში გაისეირნოთ და მისი ულამაზესი ქუჩებით დატკბეთ.

თუ ბავშვებთან ერთად აპირებთ მოგზაურობას, აუცილებლად გირჩევდით ვარშავის ზოოპარკს ეწვიოთ და ქალაქის მეორე მხარეც გაიცნოთ. ზოოპარკში სხვადასხვა ცხოველსა და მცენარეს შეხვდებით და განტვირთვას იდეალურად შეძლებთ.

ვარშავა შემოგთავაზებთ სუფების უამრავ ვარიაციას. თანაც, არა მხოლოდ ცხელ სუფებს. ზაფხულის დღეებში პოლონელების საყვარელი კერძია “ხლოდნიკი”, რომელიც ცივ ბოსტნეულის სუფს წარმოადგენს, მისი მრავალი ვარიანტი შეგხვდებათ ქალაქში, მათ შორის ავოკადოთი დამზადებული. ეს ულამაზესი ფერის სუფი აუცილებლად გაგიხალისებთ ზაფხულის ცხელ დღეებს. იაფი ავიაბილეთები ვარშავაში საშუალებას მოგცემთ, სუფზე გავრცელებული სტერეოტიპები გაიქარწლოთ და წვნიანი თქვენი ერთ-ერთი საყვარელი კერძი გახდეს.

ვარშავას ერთ-ერთი გამორჩეული კერძი გახლავთ ღორის ხორცი მოთავსებული ჟელეში. ხორცი სპეციალური ტექნიკითაა გამომცხვარი ბოსტნეულთან ერთად და მოთავსებულია არომატულ ჟელესებრ მასაში. იგი სერვირდება ძმართან და პურთან ერთად. ხორცის მოყვარულებს ეს კერძი აუცილებლად მოგეწონებათ. იგი პოლონელების საყვარელი კერძია და პოლონური სუფრის განუყოფელ ნაწილს წარმოადგენს.

პოლონურ კულინარიაზე ფიქრისას, აუცილებლად უნდა გაგვახსენდეს პოლონური ტკბილეული. ვარშავაში “პეროგების” სხვადასხვა ვარიაციას იხილავთ: სოკოთი, ფეტათი, ხილით თუ კარტოფილით. “პეროგი” გულსართიან ცომს წარმოადგენს და თქვენს გემოვნებაზეა დამოკიდებული მისი შიგთავსის არჩევა. ვარშავაში მოგზაურობისას მისი გასინჯვა არ უნდა გამოგრჩეთ, რადგან პოლონური სამზარეულის ერთ-ერთი სახასიათო ელემენტია.

ვარშავა ცნობილია ხორცის პროდუქტებით. აქ შეგიძლიათ ნებისმიერ მარკეტში სხვადასხვა სახეობის სოსისის, ლორისა და სხვა პროდუქტების შეძენა.