იაფი ფრენები პოზნანში

ეს ადგილი პოზნანის ერთ-ერთი ყველაზე ფერადი და არქიტექტურულად გამორჩეული ადგილია. როგორც უკვე ვთქვით, ქალაქი დაწინაურებულია მისი საბაზრო მნიშვნელობითა და ეკონომიკური მიღწევებით. ეს ადგილი სწორედ პოზნანის ასეთ სულზე მიუთითებს. მოედანზე უამრავი ხალხი იკრიბება, აქ ჩამწკრივებულია ბარები და კაფეები, იმართება ბაზრობები.

პოზნანის კათედრალი პოლონეთის მე10 საუკუნის ისტორიული შენობაა. იგი ქალაქის ცენტრში მდებარეობს, ამიტომ მისი მიგნება არ გაგიჭირდებათ. რელიგიური მნიშვნელობის გარდა, მას კულტურული და ისტორიული ფუნქციაც აქვს. ტურისტები მუდამ აღფრთოვანებულნი რჩებიან ტაძრის უზარმაზარი მინებით, დიდი სვეტებითა და ფერადი ექსტერიერით.

ალბათ სასაცილოდ და უცნაურად ჟღერს კრუასანების მუზეუმის არსებობა. პოზნანი სწორედ ამგვარი არაორდინალური გამოცდილებების მიღების საშუალებას მოგცემთ. შეგიძლიათ ეწვიოთ კრუასანების მუზეუმს, რომელშიც არა მხოლოდ კლასიკური კრუასანის მომზადების საიდუმლოს გაიგებთ, არამედ – ქალაქის ისტორიის შესახებაც მოისმენთ.

თუ ხელოვნების მოყვარული ხართ, მაშინ ამ მუზეუმს აუცილებლად ესტუმრეთ. აქ დაგხვდებათ ლამაზი ნახატები სხვადასხვა ეპოქიდან. აქ ასევე ნახავთ ევროპულ ტილოებსაც.

“პეროგი” პოლონელების საყვარელი საჭმელია. იგი წარმოადგენს ცომისა და გულსართის ერთიანობას. გულსართის რაობა კი მხოლოდ მზარეულის ინტერპრეტაციებზეა დამოკიდებული. შეიძლება გასინჯოთ ტკბილი ან მარილიანი “პეროგები”. შიგთავსი ხშირად არის ხორცის, ან სულაც რაიმე ტკბილეულის ან ხილის, მაგალითად მოცვისა და მარწყვის.

ეს ჩიზქეიქი მე-17 საუკუნიდან მოყოლებული მზადდება პოლონეთში და დიდი ისტორია აქვს. ჩიზქეიქის მოყვარული თუ ხართ, მისი უნიკალური რეცეპტის აღმოჩენის საშუალება გექნებათ პოზნანში მოგზაურობით. სხვადასხვა რესტორანში მის სხვადასხვა ვარიაციას ნახავთ, თუმცა არცერთი მათგანი გაგიცრუებთ იმედებს.

პოზნანი სუფზე გავრცელებული ნეგატიური დამოკიდებულების შეცვლაში დაგეხმარებათ. ჩვენ შემოგთავაზებთ ერთ-ერთ მათგანს – ეს კონკრეტული სუფი წარმოადგენს ხორცისა და ბოსტნეულის სუფს. მისი მირთმევა პოლონელებს განსაკუთრებით ზამთარში უყვართ.

ზურეკი ცნობილი პოლონური კერძია. იგი ბოსტნეულის სუფია, რომელიც კვერცხთან და ძეხვთან ერთად სერვირდება. ზურეკი ადგილობრივების საყვარელი სუპია. მის დაგემოვნებას განსაკუთრებით ზამთრის ცივ დღეებში გირჩევდით.