საქართველოს სამოქალაქო ავიაციის სააგენტომ ჩინურ ავიაკომპანია Air China-ს საქართველოსა და ჩინეთის დედაქალაქებს შორის რეგულარული ფრენების შესრულებაზე ნებართვა მიანიჭა. გადაწყვეტილება სააგენტოში წარდგენილი განაცხადის საფუძველზე დღეს გახდა ცნობილი.
ახალი რეისები, რომლებიც თბილისსა და პეკინს დააკავშირებს, მიმდინარე წლის 2 დეკემბრიდან დაიწყება. ფრენები ქალაქ ურუმჩის გავლით განხორციელდება და მგზავრებს კვირაში ორი სიხშირით მოემსახურება. განრიგის მიხედვით, რეისები ყოველ სამშაბათსა და შაბათს შესრულდება.
Air China ფრენები თბილისიდან
| დანიშნულების ადგილი | გამგზავრება | დაბრუნება | ავიაკომპანია | ბილეთების პოვნა |
|---|---|---|---|---|
| პეკინი | 6 დეკემბერი 2025 | 20 დეკემბერი 2025 |  | ავიაბილეთები 1 427 -დან |
| ურუმჩი | 2 იანვარი 2026 | 9 იანვარი 2026 | | ავიაბილეთები 1 087 -დან |
ეკონომიკისა და მდგრადი განვითარების სამინისტროში მიიჩნევენ, რომ ორ დედაქალაქს შორის საჰაერო კავშირის დამყარება დადებით გავლენას მოახდენს საქართველო-ჩინეთის ურთიერთობების შემდგომ განვითარებაზე.
აღსანიშნავია, რომ Air China საქართველოს საავიაციო ბაზარზე ახალი მოთამაშე არ არის. ავიაკომპანია 2024 წლის დეკემბრიდან ოპერირებს და ამჟამად ასრულებს ფრენებს თბილისი ურუმჩი ურუმჩი თბილისი -ს საჰაერო ხაზზე (ასევე კვირაში 2 სიხშირით). სტატისტიკის მიხედვით, ავიაკომპანიამ მიმდინარე წლის 10 თვის განმავლობაში უკვე 25 035 მგზავრის გადაყვანა უზრუნველყო.
Avia.ge – 8 წელი თქვენს სამსახურში! საიმედო პარტნიორი მოგზაურობაში. დაგვირეკე: 551 907 907
