ანტალია – გზამკვლევი მოგზაურობის დაგეგმვისთვის

კალეჩი (Kaleiçi (Old Town & City Center) – ეს უბანი თავის ვიწრო, მოკირწყლულ ჩიხებში ბერძნული, რომაული და ოსმალური ისტორიის ნაშთებს წარმოაჩენს. დღისით აქ შეგიძლიათ დაათვალიეროთ ისეთი ღირსშესანიშნაობები, როგორიცაა ადრიანეს კარიბჭე და საათის კოშკი, ხოლო ღამით ძველი ნავსადგური ცოცხლდება სანაპირო კაფეებითა და ბარებით, სადაც ადგილობრივები და ტურისტები ერთობიან. პირველად მოგზაურობისათვის უბანი საუკეთესოა.

ლარას სანაპირო (Lara Beach & Eastern Antalya) – ლარა ანტალიის ცნობილი ქვიშიანი პლაჟის მონაკვეთია ქალაქის აღმოსავლეთ მხარეს. იგი ცნობილია დიდი ოქროსფერი ქვიშიანი სანაპირო ზოლითა და სასტუმროების მრავალფეროვნებით. თუ კლასიკურ კურორტულ დასვენებას ეძებთ, ლარა სწორედ თქვენთვისაა. აქაური პლაჟი თურქეთში ერთ-ერთი ულამაზესია – რბილი ქვიშისა და სუფთა, არაღრმა წყლის ფართო სივრცე იდეალურია ცურვისთვის.

ოლიმპოსი (Olympos ) – სრულიად განსხვავებული ტიპის ტერიტორიაა. იგი ანტალიის  სამხრეთ-დასავლეთით მდებარე რეგიონია. ის ერთ-ერთი საუკეთესო ადგილია ბუნების მოყვარული მოგზაურებისთვის. უბანი მდებარეობს ულამაზეს დაცულ სანაპიროზე და უძველეს ნანგრევებზე, ფიჭვნარით გარშემორტყმულ ხეობაში.

კონიაალთის სანაპირო (Konyaaltı Beach Area) – კონიაალთი ანტალიის მთავარი სანაპირო უბანია ქალაქის დასავლეთ მხარეს. აქ ნახავთ ხმელთაშუა ზღვის გასწვრივ გრძელ კენჭებიან პლაჟს. კონიაალთი გთავაზობთ ადგილობრივი ქალაქის ცხოვრებისა და კურორტის შეგრძნების ნაზავს: დღისით შეგიძლიათ იცურაოთ ულამაზეს წყლებში, ხოლო ღამით უბნის კაფეებში ხელმისაწვდომ ფასად მიირთვათ. ეს ადგილი იდეალურია მათთვის, ვისაც სურს სანაპიროზე დასვენება, ქალაქის ცენტრთან მარტივად წვდომით და უფრო მშვიდი ატმოსფეროთი.

ბელეკი (Belek ) – ადგილი, სადაც უნდა დარჩეთ, თუ გსურთ ქალაქის ხმაურისგან მოშორებით მაღალი დონის ყველაზე კომფორტული დასვენება. ბელეკი ცნობილია, როგორც თურქეთის გოლფის დედაქალაქი, რომელიც ფიჭვნარში განლაგებული რამდენიმე მსოფლიო დონის გოლფის მოედნით გამოირჩევა. მწვანე ტყეებთან ერთად, აქ ნახავთ სანაპირო ზოლს, რომელიც მოფენილია ექსკლუზიური 5-ვარსკვლავიანი სასტუმროებით.

ანტალიის აკვარიუმი ცოცხალი სახეობების კოლექციაზე მეტია, ის გთავაზობთ წყალქვეშა საფარის დათვალიერებას უნიკალური თემატური ზონებით, რომლებიც მარჯნის რიფების, ტროპიკული ტყეების, დაკარგული ქალაქი ატლანტიდისა და სხვა ობიექტების მიხედვითაა შექმნილი.

სელფის პარკი სახალისო თავგადასავალს გპირდებათ. აქ 50-ზე მეტი ფოტოგენური ადგილი მდებარეობს, სადაც გადაიღებთ უამრავ ფოტოს თქვენი სოც-მედია გვერდებისათვის.

ანტალიის მუზეუმი საუკეთესო გამოცდილება იქნება ისტორიის მოყვარულთათვის. აქ გამოფენილი ღირსშესანიშნაობები ძირითადად არქეოლოგიური სამუშაოების დროს აღმოჩენილ მასალებს შეიცავს. მუზეუმში სტუმრობა დაგეხმარებათ თურქეთის ისტორიის კარგად გაცნობაში, უძველესი დროიდან წინა საუკუნეებამდე.

ანტალია თავისი ბუნებრივი სილამაზეებითაც მოგხიბლავთ. დუდენის ჩანჩქერს აუცილებლად უნდა ეწვიოთ. აქედან ულამაზესი ფოტოების გადაღებას შეძლებთ. ჩანჩქერი განსაკუთრებით პოპულარულია ტურისტებში, რადგან განსხვავებულ, უნიკალურ ემოციებს აღვიძებს მნახველში.

ქალაქის ცენტრიდან ერთ საათზე ნაკლებ მანძილზე იპოვით ტერმესოსს, ერთ-ერთ საუკეთესო ადგილს ხედებით დასატკბობად, სალაქშროდ თუ ისტორიული აღმოჩენებისათვის. ტერმესოსი დაახლოებით ძვ.წ. 333 წლით თარიღდება.

თურქული აბანოები თურქეთის ისტორიულ დროში გამოგზაურებთ. აქ შეგეძლებათ დაისვენოთ, განიტვირთოთ, ჩაიტაროთ სხვადასხვა პროცედურები და მოწყდეთ ყოველდღიურობას.

ძველი ქალაქი ანტალიის ისტორიული მხარეა. აქ ნახავთ წითლად გადახურულ სახლებს, რომლებიც ოსმალეთის იმპერიის ხანას გვახსენებს. ცენტრალურ მოედანზე იხილავთ გალერეებს, მაღაზიებს, რესტორნებს. ასევე აუცილებლად ნახეთ ძველი ჭიშკარი და კოშკის ფორმის საათი. ძველ ქალაქში აუცილებლად ეწვიეთ ძველ მეჩეთსაც.

ადრიანეს კარიბჭე ძველი რომაელი იმპერატორის ადრიანეს სახელთანაა დაკავშირებული. იგი არქიტექტურული მნიშვნელობითაც დიდებულია. დააკვირდით ჭიშკრის ზედა ნაწილს, თაღებს. ადრიანეს ჭიშკარი ძველი რომაული დიდებულების ერთგვარი გადმონაშთია და სპირიტუალური დატვირთვაც აქვს.

ასპენდოსი  – მთელი ანტალიის ტერიტორია სავსეა უძველესი ნანგრევებითა და ისტორიით, რომლის აღმოჩენაც ყოველთვის სასიამოვნოა. ასპენდოსი ერთ-ერთი ასეთი ყველაზე ისტორიული ადგილია – ძველი ქალაქიდან 10 წუთზე ნაკლები მანძილითაა დაშორებული. აქ ისტორიული ნანგრევები და ძველი არტეფაქტები დაგხვდებათ.

ანტალიაში ბევრი სახალისო რამის გაკეთება შეიძლება, მაგრამ ერთ-ერთი ყველაზე უნიკალური გამოცდილება სენდლენდის მონახულებაა. ყოველწლიურად აქ ახალი გამოფენები იმართება – აქ შეგიძლიათ ნახოთ ქვიშის ქანდაკებები, რომლებიც შესრულებულია სხვადასხვა ქვეყნებიდან ჩამოსული ნიჭიერი არტისტების მიერ.

7 Mehmet – ანტალიაში ყველაზე პოპულარული ადგილია ტრადიციული კერძების გასასინჯად. ის გთავაზობთ თურქული და ხმელთაშუა ზღვის სამზარეულოს ფართო არჩევანს, მათ შორის გემრიელ შემწვარ ხორცს, ზღვის პროდუქტებსა და მეზეს. რესტორანი სანაპიროს ფანტასტიკურ ხედებს გთავაზობთ, ამიტომ თქვენი სადილი თუ ვახშამი განსაკუთრებულ მნიშვნელობას შეიძენს ამ ადგილას.

Vahap Usta Et Restaurant – რესტორნის მენიუში ტრადიციული თურქული კერძების ყველანაირ ვარიანტს აღმოაჩენთ, მთავარი ღირსება კი წვნიანი ხორცის კერძებია. სამზარეულო უმაღლესი ხარისხისაა, ატმოსფერო კი მშვიდი და მყუდროა. შეგიძლიათ აირჩიოთ როგორც შენობაში, ასევე დაჩრდილულ, ხიან ტერასაზე ვახშამი.

Mermeli Restaurant – შესანიშნავი ადგილია თურქული სამზარეულოთი დასატკბობად. თანაც აქედან ანტალიის ძველი ქალაქის, ნავსადგურისა და ოკეანის ვრცელი ხედი იშლება. აუცილებლად უნდა გასინჯოთ ქაბაბები, სტეიკები და სხვა ადგილობრივი კერძები. თუმცა ადგილობრივები ხშირად აქ დღის განმავლობაში დაჭერილი ნადავლის დასაგემოვნებლად ჩამოდიან, რაც შეიძლება მოიცავდეს ზღვის ქორჭილას, კალმარსა და კრევეტებს.

Günaydın Kebap & Kasap Steakhouse Antalya – ერთ-ერთი საუკეთესო რესტორანია მაღალი ხარისხის სტეიკებით, შემწვარი კერძებითა და დონერ ქაბაბებით. ის მორგებულია თურქულ და ხმელთაშუა ზღვის რეცეპტებზე, თუმცა მენიუში ასევე ნახავთ არგენტინულ სტეიკებსა და ვეგეტარიანულ ვარიანტებს. აქ უგემრიელეს თურქულ ქაბაბს გასინჯავთ.

Paşa Bey Kebap – Lahmacun – Antalya – თუ ადგილობრივი ქაბაბის ყველაზე სრულყოფილი ვერსიის დაგემოვნება გსურთ, აუცილებლად ეწვიეთ ამ ადგილს. აქაური სერვისი და ქაბაბების უგემრიელესი გემო მთელი დღის დაღლილობას გაგიქარწყლებთ.

Sultanyar Kebap – ეს ადგილი ყველაზე მაღალი შეფასებებით სარგებლობს ანტალიაში. აუცილებლად ეწვიეთ მას და დააგემოვნეთ მათი საფირმო ქაბაბი.

Lara Balık –  ანტალიის საუკეთესო ზღვის პროდუქტების რესტორნებს შორისაა, სადაც შეგიძლიათ დატკბეთ ადგილობრივების მიერ დღისით მოპოვებული თევზების კერძებით. ტერასიდან ოკეანის ულამაზესი ხედები იშლება. მენიუს ფავორიტებს შორისაა შემწვარი ზღვის ქორჭილა, კალმარი და კრევეტები. ასევე გირჩევთ არტიშოკისა და ავოკადოს მადისაღმძვრელის დაგემოვნებას.

Arma Restaurant – მაღალი კლასის თურქული ზღვის პროდუქტების რესტორანი. იგი ფერად ისტორიულ მქონე შენობაშია განთავსებული – ოდესღაც ის ქარხანას, ფქვილის წისქვილსა და საწყობს წარმოადგენდა, რაც მის ინტერიერის დეკორშიც კარგად აისახება. მის ღია ტერასაზე შეგიძლიათ დააგემოვნოთ კარგად გაფორმებული კერძები, საიდანაც ანტალიის ძველი ქალაქის, ნავსადგურისა და დაღლარის მთის ქედის შესანიშნავი ხედები იშლება.

Yemenli Meyhanesi –  ანტალიის ძველ ქალაქში, ისტორიული ქვის შენობაში მდებარე ტრადიციული თურქული რესტორანი.  მას ქუჩაზე გადაჭიმული სასადილო მაგიდები აქვს. შეგიძლიათ მოუსმინოთ ცოცხალ მუსიკას და დააგემოვნოთ გემრიელი ადგილობრივი კერძები, განსაკუთრებით კი ზღვის პროდუქტები.

Justacandy Sweet Factory – ამ საკონდიტროში ლამაზად გაფორმებულ ტკბილეულს ნახავთ. თუ გსურთ სხვა ადამიანის გული მოიგოთ, აუცილებლად წაიყვანეთ აქ და ტკბილეული გაასინჯეთ.

Milklaç Işıklar – აქ უგემრიელეს თურქულ ტკბილეულს დააგემოვნებთ. აქაური დესერტები აუცილებლად დაიკავებს თქვენს ტოპ კერძებს შორის საპატიო ადგილს.

Bitte Chocolate & Patisserie – ამ ადგილას ასევე უგემრიელეს თურქულ დესერტებს დააგემოვნებთ. არ დაგავიწყდეთ ბაქლავას დაგემოვნება ანტალიაში მოგზაურობისას.

Antalya Migros Shopping Mall – ანტალიის ყველაზე დიდი და პოპულარული საშოპინგო ცენტრი. იგი საკმაოდ მოსახერხებელ ადგილას მდებარეობს. მოლში ბევრი ცნობილი ბრენდის მაღაზიაა, აქ ნახავთ ტანსაცმელს, ფეხსაცმელს, აქსესუარებს, საოჯახო ტიპის ნივთებსა თუ ტექნიკას. თანაც, მოლი დილის 10-დან საღამოს 10 საათამდე მუშაობს.

Deepo Outlet Center Antalya – აქ ბიუჯეტურად შეძლებთ ცნობილი ბრენდების ტანსაცმლის, ფეხსაცმლისა და ტყავის ნივთების შეძენას. მოლში სათამაშოებისა და ტექნიკის მაღაზიებიც მდებარეობს.

Erasta Shopping Mall Antalya – ასევე ძალიან ცნობილი მოლი ანტალიაში. აქ ნახავთ ტანსაცმელს, აქსესუარებს, თავის მოვლისა და სილამაზის პროდუქტებს, წიგნის მაღაზიებსა და მოსასვენებელ სივრცეებს.

Kaleici –  კალეიჩი ანტალიის ძველი ქალაქია. უბანი ცნობილია თავისი მოკირწყლული ქუჩებით, რომლებიც სუვენირების მაღაზიებითაა სავსე. ეს მაღაზიები ცნობილია სხვადასხვა ხელნაკეთი ნივთებით, ჩანთებითა და სამკაულებით, ანტიკვარიატით, ტანსაცმლით, ნახატებითა თუ მაღალი ხარისხის ხალიჩებით. გარდა ამისა, ასევე შეგიძლიათ უბანში უბრალოდ გაისეირნოთ და აღფრთოვანდეთ მისი ლამაზი ოსმალური სტილის ხის სახლებით.

Lara Street Market – ბაზარი მხოლოდ შაბათობით არის გახსნილი.  აქ თითქმის ყველაფერს დაბალ ფასებში ყიდიან, განსაკუთრებით ახალ ხილს, ბოსტნეულს, არომატულ სანელებლებს და სხვადასხვა სახის ყველს. ასევე ნახავთ რამდენიმე დახლს, სადაც სუვენირები და ტანსაცმელიც იყიდება, მათ შორის ბევრი მეორადია. არ დაგავიწყდეთ საკვების დახლთან გაჩერება და გემრიელი გიოზლემეს – ფეტა ყველით, ისპანახით, ფარშით და კარტოფილით სავსე ბრტყელი პურის – გასინჯვა.

Manavgat Market – ანტალიის უდიდესი ბაზარი, მანავგატის ბაზარი, დახურული დაწესებულებაა, რომელიც ნამდვილი თურქული შოპინგის გამოცდილებას გპირდებათ. აქ მოგყიდიან ყველანაირ საქონელს, მათ შორის ტანსაცმელს, სუვენირებს, სახლის ნივთებს და საკვებ პროდუქტებს, როგორიცაა სანელებლები, ჩაი, ყავა და ა.შ. ეს შესანიშნავი ადგილია ახალი ხილისა და ბოსტნეულის შესაძენადაც. არ დაგავიწყდეთ ვაჭრობა!

Tosmur Bazaar – ტოსმურის ბაზარი კვირაში მხოლოდ ერთხელ იხსნება და მრავალ დახლს მოიცავს, სადაც მრავალფეროვანი პროდუქცია იყიდება. აქ შეგიძლიათ შეიძინოთ ისეთი ნივთები, როგორიცაა ტანსაცმელი, ჩანთები, ფეხსაცმელი, სუვენირები და სამკაულები დაბალ ფასებში. გარდა ამისა, აქ ასევე იყიდება ხილი და ბოსტნეული, ყავა, ჩაი, სანელებლები, ხორცი და საყოფაცხოვრებო ნივთები.

• ტანსაცმელი და აქსესუარებიტყავის ტანსაცმელი და აქსესუარები (ჩანთები, ქამრები, საფულეები). თურქეთი ცნობილია შედარებით იაფი ტყავის ნაწარმით, რომლის ფასი 5-10-ჯერ ნაკლებია ორიგინალის ღირებულებაზე.
• ნაქსოვი ტანსაცმლისა და ფეხსაცმლის ბრენდების ნაწარმი თურქეთში გაცილებით იაფად შეგიძლიათ ნახოთ
• საიუველირო ბრენდები ასევე იაფ პროდუქციას შემოგთავაზებენ
• ზეთისხილი – თურქეთი ზეთისხილის ერთ-ერთი უდიდესი მწარმოებელია მსოფლიოში, ამიტომ გასაკვირი არ არის, რომ ზეთისხილი და ზეითუნის ზეთი პოპულარული სუვენირებია.
• სასაჩუქრე პროდუქცია – თურქული თხილი და ხილი რძის შაქრის სიროფში,
  ჰალვა, ბაქლავა და კადაიფი, თაფლი, ვარდის ფურცლების მურაბა.

ანტალიას ძალიან განვითარებული ტრამვაის სისტემა აქვს. აქ ტრამვაი დილის 7-დან ღამის 11 საათამდე მოგემსახურებათ და ქალაქის ძირითად ქუჩებს მოგატარებთ. ყველაზე პოპულარულია ანტალიის ცნობილი “ნოსტალგიური ტრამვაი”, რომელიც ისტორიულ უბნებში გამოგზაურებთ.

ბორანით გასეირნება პოპულარულია თურქეთში. არ გამოტოვოთ უნიკალური შესაძლებლობა, აღმოაჩინოთ თურქეთი სხვა პერსპექტივიდან. ბორნის ფასი ზრდასრულ ადამიანზე 30 თურქული ლირადან იწყება. ბორნით თურქეთის სხვა ქალაქებამდე გამგზავრებას შეძლებთ.

ავტობუსი გადაადგილების ყველაზე პოპულარული საშუალებაა ანტალიაში, სწორედ ამიტომ ისინი ხშირად ხალხითაა სავსე. ავტობუსი ნომერი 600 აეროპორტის მიმართულებით მოძრაობს. ავტობუსის ფასი 3 ლირამდეა, ერთჯერადი ბილეთით სარგებლობისას.

თურქეთის ქალაქები ფეხით მარტივად შემოვლადია. ანტალიაში აუცილებლად გირჩევდით, ფეხით ბევრი ისეირნოთ და მის სანაპიროებს ეწვიოთ. ქალაქი სასიამოვნოდ გაგაოცებთ ფეხით სეირნობისას.

ანტალია ტრადიციული გაგებით „სანაპირო ქალაქი“ არ არის, მაგრამ მაინც თურქეთის საუკეთესო პლაჟების სამშობლოა. მერმერლის სანაპირო, რომელიც ძველი ქალაქის ნავსადგურში მდებარეობს, ქალაქის საუკეთესო სასტუმროებიდან რამდენიმე ნაბიჯშია.

კლეოპატრას სანაპირო ანტალიის ერთ-ერთი ყველაზე პოპულარულია, საფუძვლიანი მიზეზით. იგი იდეალური ადგილია ქალაქის აურზაურისგან თავის დასაღწევად. ამ სანაპიროზე ნახავთ კაფე-რესტორნებსაც, ასევე სანაპიროზე შეგიძლიათ წყლის აქტივობებითაც დატკბეთ.

18 კილომეტრიანი პატარას სანაპირო თურქეთის ერთ-ერთი ყველაზე გრძელი ქვიშიანი მონაკვეთია. იგი ანტალიაში მდებარეობს. სატრანსპორტო კვანძებთან და ავტოსადგომებთან ახლოს მდებარე ტერიტორიები ცოტა ხალხმრავალია, თუმცა უფრო ქვემოთ ჩასვლისას იქ მშვიდი ადგილი გექნებათ დასასვენებლად თუნდაც ზაფხულის პიკში. ზოგიერთ ადგილას ზღვის კუები ბუდეებში ძრომიალობენ.

მყუდრო პლაჟია, რომელიც პარკის უფრო დიდი ტერიტორიის ნაწილია, განსაცვიფრებელი მწვანე სივრცეებითა და ხავერდოვანი ქვიშებით. პარკში ასევე ნახავთ საზოგადოებრივ აუზს.

სარისუს პლაჯი მხოლოდ ქალებისთვისაა განკუთვნილი, სადაც დაგხვდებათ ხავერდოვანი ქვიშა, სუფთა წყალი და მოსახერხებელი კეთილმოწყობა, რაც თქვენს ვიზიტს მარტივსა და სასიამოვნოს გახდის.

კოპრულუს კანიონის ეროვნული პარკი (Köprülü Canyon National Park) – ქალაქის ცენტრიდან დაახლოებით 1 საათის სავალზე დაგხვდებათ კიოპრულუს კანიონის ეროვნული პარკი, რომელიც ანტალიაში ერთ-ერთი ყველაზე უნიკალური რეკრეაციული ზონაა. თუ ექსტრემალური სპორტის მოყვარული ხართ, ეს ასევე შესანიშნავი ადგილია წასასვლელად – თუ თქვენი გამბედაობის გამოცდა გსურთ, ჯომარდობა ბრწყინვალე იდეაა.

სენდლენდი (Sandland) – ანტალიაში ბევრი სახალისო რამის გაკეთება შეიძლება, მაგრამ ერთ-ერთი ყველაზე უნიკალური გამოცდილება სენდლენდის მონახულებაა. ყოველწლიურად აქ ახალი გამოფენები იმართება – აქ შეგიძლიათ ნახოთ ქვიშის ქანდაკებები, რომლებიც შესრულებულია სხვადასხვა ქვეყნებიდან ჩამოსული ნიჭიერი არტისტების მიერ.

ანტალიის აკვარიუმი (Antalia Aquarium) –  ცოცხალი სახეობების კოლექციაზე მეტია, ის გთავაზობთ წყალქვეშა საფარის დათვალიერებას უნიკალური თემატური ზონებით, რომლებიც მარჯნის რიფების, ტროპიკული ტყეების, დაკარგული ქალაქი ატლანტიდისა და სხვა ობიექტების მიხედვითაა შექმნილი.

სელფის პარკი (Selfie Park) – ანტალიის სელფის პარკი სახალისო თავგადასავალს გპირდებათ. აქ 50-ზე მეტი ფოტოგენური ადგილი მდებარეობს, სადაც გადაიღებთ უამრავ ფოტოს თქვენი სოც-მედია გვერდებისათვის.

ანტალიაში ყოფნისას მინიმუმ 2 დღე უნდა გათვალოთ კულტურული ძეგლების მონახულების კუთხით.

პირველ რიგში, ფრენისათვის საჭირო ნივთების წაღება არ დაგავიწყდეთ, იქნება ეს დოკუმენტები, პასპორტი თუ კომფორტული ბალიში. ასევე, შეამოწმეთ ყველა გაჯეტი და დამტენი. თურქეთში ბევრი სიარული მოგიწევთ, ამიტომ სპორტული ფეხსაცმელი და კომფორტული ტანსაცმელი აუცილებელია. ანტალიაში შეგიძლიათ ბევრი იცურაოთ და მზეზე განიტვირთოთ, ამიტომ წაიღეთ საცურაო კოსტიუმები.

რეალურად, ანტალიას უმეტესობა მხოლოდ სანაპიროებით იცნობს, თუმცა ქალაქი ისეთი უდიდესი იმპერიების შესახებ გვიყვება, როგორებიც რომის იმპერია, ოსმალეთის იმპერია და თურქეთია.

ანტალია საკმაოდ იაფია სამოგზაუროდ. აქ ბიუჯეტურად შეძლებთ დასარჩენი ადგილების მოძიებას, კერძების დაგემოვნებას თუ ფრენების შეძენას. ღირსშესანიშნაობების ნაწილს უფასოდ ან საკმაოდ მისაღებ ფასად მოინახულებთ.

ანტალია უსაფრთხო ადგილია ტურისტებისთვის, აქაურობა მოწესრიგებულია და მორგებულია დამსვენებლებზე.

აპრილიდან ივნისის ბოლომდე საუკეთესო დროა ანტალიაში სამოგზაუროდ. ამ პერიოდში არც სიცხე შეგაწუხებთ და თანაც სანაპიროებით მაქსიმალურად ტკბობას შეძლებთ. თუმცა, ნებისმიერ სეზონზე ქალაქში დიდი თავგადასავლები გელით.

AYT – ანტალიის აეროპორტი ქალაქიდან მხოლოდ 9 კილომეტრის დაშორებით მდებარეობს.

ფრენებს ნახავთ როგორც თბილისის, ასევე ქუთაისისა და ბათუმის აეროპორტებიდან. თბილისისა და ქუთაისის აეროპორტებიდან პირდაპირი ფრენები ხორციელდება.

საქართველოდან ანტალიაში ავიარეისებს ახორციელებენ შემდეგი ავიაკომპანიები: Turkish Airlines და Pegasus.

გირჩევდით, რომ ავიაბილეთები დაჯავშნოთ 1 ან 2 თვით ადრე. ასევე, უმჯობესია ფრენები შეიძინოთ კვირის დღეებში და არა შაბათ-კვირას. ყველაზე იაფი ფასის მისაღებად კი ეწვიეთ საძიებო პლატფორმა Avia.ge -ს.