იაფი ფრენები ანტალიაში

ძველი ქალაქი ანტალიის ისტორიული მხარეა. აქ ნახავთ წითლად გადახურულ სახლებს, რომლებიც ოსმალეთის იმპერიის ხანას გვახსენებს. ცენტრალურ მოედანზე იხილავთ გალერეებს, მაღაზიებს, რესტორნებს. ასევე აუცილებლად ნახეთ ძველი ჭიშკარი და კოშკის ფორმის საათი. ძველ ქალაქში აუცილებლად ეწვიეთ ძველ მეჩეთსაც.

ანტალიის მუზეუმი საუკეთესო გამოცდილება იქნება ისტორიის მოყვარულთათვის. აქ გამოფენილი ღირსშესანიშნაობები ძირითადად არქეოლოგიური სამუშაოების დროს აღმოჩენილ მასალებს შეიცავს. მუზეუმში სტუმრობა დაგეხმარებათ თურქეთის ისტორიის კარგად გაცნობაში, უძველესი დროიდან წინა საუკუნეებამდე.

ადრიანეს ჭიშკარი ძველი რომაელი იმპერატორის ადრიანეს სახელთანაა დაკავშირებული. იგი არქიტექტურული მნიშვნელობითაც დიდებულია. დააკვირდით ჭიშკრის ზედა ნაწილს, თაღებს. ადრიანეს ჭიშკარი ძველი რომაული დიდებულების ერთგვარი გადმონაშთია და სპირიტუალური დატვირთვაც აქვს.

ანტალია თავისი ბუნებრივი სილამაზეებითაც მოგხიბლავთ. დუდენის ჩანჩქერს აუცილებლად უნდა ეწვიოთ. აქედან ულამაზესი ფოტოების გადაღებას შეძლებთ. ჩანჩქერი განსაკუთრებით პოპულარულია ტურისტებში, რადგან განსხვავებულ, უნიკალურ ემოციებს აღვიძებს მნახველში.

ტოროსის სალათა თურქების ერთ-ერთი საყვარელი კერძია. იგი შედგება კვერცხისაგან და ბოსტნეულისაგან. შეზავებულია სანელებლებში. მას განსაკუთრებით საუზმისას მიირთმევენ ხოლმე. სალათების მოყვარულებს ეს რეცეპტი ნამდვილად არ დაგწყვეტთ გულს.

ამ კერძმა შესაძლოა ქართული კულინარიული შედევრი ხინკალი მოგაგონოთ, იმის მიუხედავად რომ მომზადების ტექნიკა და ვიზუალური დეტალები განსხვავდება. ყოველ შემთხვევაში ეს კერძი გულისხმობს ცომში ჩადებულ ხორცს ან ყველს. როგორც წესი ყველიანი შიგთავსით უფრო მეტად საუზმისთვის მზადდება ხოლმე.

ნაყინის სპეციფიკური ტექნიკა ცნობილია მხოლოდ ანტალიელებისთვის. ნაყინი მზადდება თხის რძისაგან და დამწვარი ეწოდება იმიტომ რომ მომზადებისას რძეს დიდხანს აჩერებენ. მისი გემო ნამდვილად არასოდეს დაგავიწყდებათ. ანტალიის ნაყინი მთელს მსოფლიოში სახელგანთქმულია.

ხორცის მოყვარულებს გეცოდინებათ, რომ თურქული ქალაქები სახელგანთქმულია შაურმით. აქ შეძლებთ მსოფლიოში პოპულარული შაურმის დაგემოვნებას. იგი სწრაფი კვების ობიექტებში შეგიძლიათ გასინჯოთ.