სტამბოლი – გზამკვლევი მოგზაურობის დაგეგმვისთვის

სულთანაჰმეტი (Sultanhahmet) – ისტორიულ უბანს თუ ეძებთ, სულთანაჰმედი ნამდვილად სწორი არჩევანი იქნება. აქედან ბევრ ისტორიულ ღირსშესანიშნაობასთან მარტივად მოხვდებით. თავად უბანიც ძველ დროშია ჩაძირული. სულთანაჰმედის მოედანზე ნახავთ სტამბოლის იპოდრომსა და ტოპოკაპის სასახლეს. ამ უბანში მრავალნაირი სასტუმრო შეგხვდებათ.

კადიკოი (Kadikoy) – ეს უბანი სანაპიროსთან ახლოს მდებარეობს. აქ დარჩენა მათთვისაა რეკომენდირებული, ვინც ღამის ცხოვრებისა და გართობის მოყვარულია. ამ ქუჩის ატმოსფერო ლაღი და თავისუფალია. თანაც, მრავლად ნახავთ სასტუმროებსაც.

ბეშიქთაში (Besiktas) – ეს უბანი პირდაპირ ბოსფორის სრუტეს გადაჰყურებს. ულამაზესი ხედების გარდა, აქ ნახავთ ბევრ კაფე-ბარსა და ახალგაზრდულ სივრცეს. ბეშიქთაშში ბევრ საუკეთესო დონის სასტუმროს ნახავთ.

ბეიოღლუ (Beyoglu) – ეს უბანი კი უფრო თანამედროვე არქიტექტურის მოყვარულებს მოეწონებათ. აქ ბევრ თანამედროვე ხელოვნების მუზეუმსა და გალერეას ნახავთ. თანაც, ეს უბანი ახლოსაა გალატას სასახლესთან. აქ უამრავ ევროპულ სტილზე აშენებულ შენობას შეხვდებით.

თავისუფლების უბანი (Freedom square) – აქ უფრო მშვიდად დასვენებას შეძლებთ. ეს უბანი ქალაქის ცენტრიდან ცოტა მოშორებით მდებარეობს. იგი სავსეა ძველი ისტორიული უბნებით, ადგილობრივი საცხობებითა და რესტორნებით. ადგილობრივების ცხოვრების წესის უკეთ გასაცნობად, აქ დარჩენას გირჩევდით.

აია სოფიას ტაძარი მე-6 საუკუნის კულტურული ძეგლია. იგი ბიზანტიის იმპერატორმა იუსტინიანე პირველმა ააშენა და დღემდე ღირსშესანიშნაობად რჩება. ტაძარი მეჩეთად გადაკეთდა დროთა განმავლობაში. მისი გუმბათებისა და სვეტების წყობა საოცარი არქიტექტურულ სტილს ქმნის.

ბაზილიკა ცისტერნა ბიზანტიის ძლევამოსილი იმპერატორის იუსტინიანე პირველის მიერ აშენდა მე-6 საუკუნეში. ბაზილიკა ცისტერნის ადგილას მდებარეობს, სწორედ აქედან ხდებოდა სტამბოლის მოსახლეობის წყლით მომარაგება. დღეს ბაზილიკაში 12 წყვილად განლაგებული სვეტები იდეალურ, ჰარმონიულ გარემოს ქმნის.

თოფქაფის სასახლე ოსმალეთის სულთნის მეჰმედ მეორის ბრძანებით აშენდა. აქედან იშლება ბოსფორის სრუტეზე ულამაზესი ხედი. სასახლე თავად შენობის გარდა 4 მოედნისა და სხვადასხვა შენობებისაგან შედგება. აქ სულთანი მეჰმედის ნივთებია შენონახული. სასახლეს გარს არტყია ულამაზესი ბაღები.

სულეიმან პირველის მმართველობის დროს აშენდა გრანდიოზული მეჩეთი. იგი ისლამური მე-16 საუკუნის ნაგებობაა და დღეს ტურისტულ ღირსშესანიშნაობას წარმოადგენს.

(Maiden’s Tower) – ამ კოშკს მრავალი ლეგენდა უკავშირდება. ყველაზე ცნობილი გადმოცემის თანახმად, ეს კოშკი მამამ აუშენა ქალიშვილს, რათა უბედურებისაგან დაეცვა, თუმცა მაინც ვერ მოხერხდა მისი გადარჩენა. კოშკში შესვლა უფასოა, ამიტომ აუცილებლად ეწვიეთ მას.

აია-სოფიას მეჩეთთან ახლოს მდებარეობს სულთან აჰმედის მეჩეთი, ან ლურჯი მეჩეთი. იგი მე-17 საუკუნეში აიგო და მდებარეობს სტამბოლის ცენტრში. მეჩეთს ტიპური ისლამური არქიტექტურა აქვს. მისი უდიდესი გუმბათები და სვეტები ნებისმიერ მნახველს აღაფრთოვანებს. ყურადღებამისაქცევია ტაძრის ფრესკებიც.

გალათას კოშკი სტამბოლის ჩრდილოეთ ნაწილში მდებარეობს, იგი ფაქტობრივად მთელ ქალაქს გადმოჰყურებს, ამიტომ თუ ქალაქის ხედებით ტკბობა განგიზრახავთ, აუცილებლად ეწვიეთ მას. ბოლო სართულზე კაფე და რესტორანია, საიდანაც სტამბოლის პანორამული ხედებით დატკბებით. კოშკის შენობაში ღამის კლუბიც კია გახსნილი.

დოლმაბაჰჩეს სასახლე (Dolmabahce Palace) ოსმალეთის იმპერიის ადმინისტრაციული ცენტრი იყო. იგი მე-19 საუკუნეში აშენდა ბაროკოს სტილში. ფაქტობრივად, დოლმაბაჰჩემ თოფქაფის სასახლის ფუნქცია შეითავსა.

პრინცის კუნძულები არის ცხრა კუნძულისგან შემდგარი არქიპელაგი, რომელიც მდებარეობს მარმარილოს ზღვაში, სტამბოლის სამხრეთით. ბიზანტიურ ეპოქაში კუნძულები გამოიყენებოდა მთავრებისა და სამეფო ოჯახის წევრების გადასახლების ადგილად, რაც მათ სახელწოდებას უკავშირდება. მოგვიანებით, ოსმალეთის პერიოდში, ისინი სტამბოლის მდიდარი ოჯახების პოპულარულ დასასვენებელ ადგილად იქცა.

ბოსფორის ხიდი სტამბოლის ერთ-ერთი მთავარი ღირსშესანიშნაობაა. იგი ბოსფორის სრუტეზეა გადებული და გრანდიოზულ ნაგებობას წარმოადგენს. ქალაქის მრავალი წერტილიდან შეგიძლიათ მისი დანახვა. აქ თუ ტრანსპორტით გადაივლით, აუცილებლად კარგად დააკვირდით თქვენ თვალწინ გადაშლილ სტამბოლის ხედებს.

სტამბოლში ბევრ კაფეს ნახავთ. აქ ძირითადად საუზმისათვის შედიან ადგილობრივები. სტამბოლის მყუდრო კაფეებში თქვენს მოსაწონ კერძებს აუცილებლად ნახავთ.

Kale Cafe – სტამბოლში საუზმე მნიშვნელოვანია. აქ სიმითის კულტურაა პოპულარული. ამ კაფეში კი უგემრიელესი სიმითისა და სხვა ცომეულის დაგემოვნებას შეძლებთ. საუზმის კულტურა სტამბოლში საკმაოდ პოპულარულია, ამიტომ ნუ გამოტოვებთ მას და ისაუზმეთ ნამდვილი ადგილობრივივით.

Mandabatmaz – არ უნდა გამოტოვოთ ადგილობრივი ყავის დალევის შესაძლებლობა ამ პატარა და მყუდრო კაფეში. აქ ყავა თქვენ თვალწინ იხარშება. ამ კაფეში სტუმრობა არა მხოლოდ კულინარიული, არამედ კულტურული თვალსაზრისითაც საინტერესოა.

სტამბოლში ზღვის პროდუქტების კერძები ძალიან უყვართ. რამდენიმე ცნობილ რესტორანს ჩვენც შემოგთავაზებთ.

CIBALIKAPI BALIKCISI HALIC – ამ ადგილის შინაარსს მისი სახელიც გამოხატავს. აქ შეგიძლიათ ტრადიციული საკვებით გაუმასპინძლდეთ საკუთარ თავს ან თქვენს ახლობლებს. თუ ზღვის პროდუქტები გიყვართ, ეს ადგილი აუცილებლად მოგეწონებათ.

Fish Home Ahhir Kapi Restaurant – რესტორნის შინაარსს მისი სახელი თავადვე ამხელს. აქ შეგეძლებათ სტამბოლის თევზისგან მომზადებული კერძები დააგემოვნოთ.

სტამბოლი ცნობილია, როგორც ტკბილეულის ქალაქი. ერთად განვიხილოთ რამდენიმე პოპულარული ადგილი ტკბილეულის დასაგემოვნებლად.

Hafiz Mustafa 1864 – აქ არა მხოლოდ ცნობილ ბაკლავას, არამედ სხვა უგემრიელეს ნამცხვრებსა თუ ფხვიერ ტკბილეულს დააგემოვნებთ.

Patisserie de Pera – გარდა იმისა, რომ აქ უგემრიელეს ტკბილეულსა და ყავას დააგემოვნებთ, ეს შენობა ულამაზესია და მისი ინტერიერი მდიდრულად გაფორმებულია.

სტამბოლში უამრავ რესტორანს ნახავთ ღირსშესანიშნაობების ირგვლივ. აქ არა მხოლოდ ადგილობრივ, არამედ მსოფლიო კულინარიულ შედევრებს დააგემოვნებთ.

Deraliye Terrace – ეს რესტორანი სულთან აჰმედის ტაძართან ახლოს მდებარეობს. შეგიძლიათ აია სოფიას ტაძრის ყურებითაც დატკბეთ მსოფლიო დონის კერძების დაგემოვნებისას.

Carlos Terrace – ამ რესტორანში სტამბოლის პანორამული ხედებით დატკბებით. იგი ასევე სულთან აჰმედის ტაძართან ახლოს მდებარეობს. მნიშვნელოვანი თარიღების აღსანიშნავად ეს რესტორნები საუკეთესო ვარიანტია.

საღამოს კი შეგიძლიათ ბარებში განიტვირთოთ. სტამბოლში მხიარულება არანაკლებ უყვართ.

Noh Radio Bar – ეს ბარი ცნობილია თავისი მუსიკით, ტერასითა და უგემრიელესი კოქტეილებით. თუ გართობის მოყვარული ხართ, აუცილებლად ეწვიეთ მას.

Just Bar – აქ ადგილობრივები და ტურისტები ხშირად იკრიბებიან. შეგიძლიათ ეწვიოთ ამ ადგილს და სხვა დამსვენებლებთან ერთად იმხიარულოთ.

U2 Istanbul Irish Pub – აქ გართობას ძალიან კარგად შეძლებთ. ირანულ პაბში ცოცხალ მუსიკასაც ხშირად მოუსმენთ. თანაც აქ შეგიძლიათ დააგემოვნოთ უგემრიელესი ლუდი.

ალბათ ყველას გვინახავს, სტამბოლის ცნობილი ჩიზქეიქი სოციალურ ქსელებში. იგი განსაკუთრებით პოპულარული ბოლო დროს გახდა. სან სებასტიანის ბასკური ჩიზქეიქი ბევრ ტურისტს იზიდავს.

სად ვჭამოთ ყველაზე გემრიელი ბასკური ჩიზქეიქი?

Block – ეს პატარა საცხობი დიდ მოწონებას იმსახურებს სოციალურ ქსელებში. ცდად აუცილებლად ღირს აქ მისვლა

Galata Sanat Restaurant – კი თავისი ბრწყინვალე ხედისა და ისტორიულობის გარდა ცნობილია სწორედაც რომ შესანიშნავი ბასკური ჩიზქეიქით.

სტამბოლის მოლებში ყველაფერს ნახავთ. უზარმაზარი შენობები თავიანთ სივრცეში მოგაქცევენ და თქვენზე მორგებულ საშოპინგო სესიას გაჩუქებენ.

Mall of Istanbul (სტამბოლის მოლი) – თურქეთის უდიდესი სავაჭრო ცენტრია. აქ ყველაფერს იპოვით, ტანსაცმლისა თუ აქსესუარების ჩათვლით. მოლში არის მოსასვენებელი სივრცეებიც და თუ შოპინგისაგან დაიღლებით, მარტივად შეძლებთ განტვირთვას.

İstanbul Cevahir Shopping Mall (სტამბული ჯევაჰირის სავაჭრო ცენტრი) – ეს მოლი ათათურქის მუზეუმთან ახლოს მდებარეობს. იგი სავაჭრო და გასართობი სივრცეა. ამ გრანდიოზულ არეალში ბევრ მაღაზიასა და მოსასვენებელ სივრცეს ნახავთ.

Kanyon Shopping Mall (კანიონის შოპინგ ცენტრი) – ამ შოპინგ ცენტრში ყველაფერია : კოსმეტიკა, აქსესუარები, თავის მოვლის საშუალებები, სათამაშოები, საბავშვო სივრცე, ჯანმრთელობისათვის საჭირო პროდუქცია თუ სასაჩუქრე განყოფილებები.

დაბოლოს, თუ ადგილობრივი კულტურის უკეთ გაცნობა გსურთ, აუცილებლად ეწვიეთ გრანდ ბაზარს. იგი თურქეთის უდიდეს ბაზარს წარმოადგენს, სადაც ძველი დროიდან მოყოლებული იკრიბებიან თურქები და საქონელს ცვლიან ერთმანეთში. გრანდ ბაზარი თურქეთის ერთ-ერთი მთავარი ღირსშესანიშნაობაა თავისი დიდი ისტორიული ღირებულებიდან გამომდინარე.

Kadikoi casisi (კადიკოის ბაზარი) – ეს ადგილი სტამბოლელების თავშეყრის ადგილია. აქ ადამიანები სეირნობენ, ვაჭრობენ ან უბრალოდ ტკბებიან აქაური ატმოსფეროთი. ამ ადგილას ყველაფერს ნახავთ, ტანსაცმელს, საჭმელს, სთრით ფუდს და სხვა.

Arasta Bazaar (არასტას ბაზარი) – ამ ადგილას ასევე მრავალფეროვან პროდუქციას ნახავთ. აუცილებლად გირჩევთ ასეთ ფლი მარკეტებზე გასეირნებას, რადგან უამრავ საინტერესო ნივთს აღმოაჩენთ.

ტრამვაი სტამბოლის ყველაზე პოპულარული გადასაადგილებელი საშუალებაა. იგი ძალიან სწრაფია და ქალაქის უმეტეს ქუჩებში შეგხვდებათ. ტრამვაის სამი ხაზი აქვს, ამიტომ მისით მგზავრობა ძალიან მარტივია. თანაც, სტამბოლის ტრამვაი თანამედროვე და სუფთაა. იგი მოგემსახურებათ დილის 6-დან ღამის 12 საათამდე 5-10 წუთიანი შუალედებით.

მეტრო ასევე სწრაფი საშუალებაა გადაადგილებისათვის. არ დაგავიწყდეთ სამოგზაურო ბარათის გამოყენება საზოგადოებრივი ტრანსპორტით გადაადგილებისას. სტამბოლის მეტრო მსოფლიოში უძველესია ლონდონის შემდეგ. იგი 11 ხაზისა და 133 გაჩერებისაგან შედგება. სტამბოლის მეტრო მკაცრი გრაფიკით მუშაობს, ამიტომ მისით გადაადგილება დროს საკმაოდ დაგაზოგინებთ.

მეტი კომფორტისთვის გამოიყენეთ ტაქსი. იგი ძალიან იაფია სტამბოლში და დანიშნულების ადგილას ყველაზე სწრაფად მიგიყვანთ. ტაქსის დაჯავშნა ონლაინაც შეგიძლიათ.

სტამბოლი ნამდვილად არის ის ქალაქი, სადაც ფეხით სეირნობისას ტკბობა შეგიძლიათ. გირჩევთ, მოგზაურობის დრო მაქსიმალურად გამოიყენოთ და სტამბოლის ისტორიულ ქუჩებში რაც შეიძლება მეტი იაროთ. სულთანაჰმედის ტერიტორიაზე ან გალატას კოშკზე ასვლისას ფეხით სეირნობისას ულამაზესი ხედები გადაგეშლებათ თვალწინ და ამ გამოცდილების გამოტოვება ნამდვილად არ ღირს.

Caddebostan (კადებოსტანის სანაპირო) – სტამბოლის ერთ-ერთი ყველაზე პოპულარული სანაპიროა. იგი სტამბოლის მუნიციპალიტეტის მიერ კონტროლდება და ძალიან კეთილმოწყობილია. კადებოსტანის სანაპირო დიდ მანძილზეა გაშლილი. აქ ნახავთ გამოსაცვლელ არეალებსაც და კაფეებსაც.

Blue coast (ლურჯი სანაპირო) – სტამბოლის ერთ-ერთი ყველაზე მდიდრული და კეთილმოწყობილია. აქ უდიდეს აუზსაც ნახავთ. სანაპირო ზოლზე ასევე დაგხვდებათ დიდი სასადილო სივრცე, სადაც ადგილობრივი კულინარიული შედევრების დაგემოვნებასაც შეძლებთ.

Gold Coast (ოქროს სანაპირო) – ამ სანაპიროზე უამრავ სასტუმროსა და ტურისტულ ადგილს შეხვდებით. აქ შეგიძლიათ შეხვიდეთ კაფეებში, როქ-ქლაიმინგით დაკავდეთ, ივახშმოთ რესტორნებში თუ გაერთოთ ბარებში.

Burc (ბურკის სანაპირო)  – შავი ზღვის გასწვრივ მდებარე ეს ქვიშიანი სანაპირო საუკეთესოა მთელ სტამბოლში. თუ საზღვაო აქტივობებით გატაცებული ხართ, აუცილებლად ეწვიეთ მას. აქ ქვიშაში ფრენბურთსაც ხშირად თამაშობენ. სანაპიროზე მდებარეობს კაფე-ბარებიც.

Dalia (დალიას სანაპირო) – ერთ-ერთი ყველაზე ცნობილია თურქეთში. იგი კლდეებს შორის მდებარეობს და პირადი სივრცისთვის დიდი ადგილია. დალიას სანაპირო კარგია სერფინგისთვისაც. აქ ნახავთ რესტორანსაც.

Sun Coast (მზის სანაპირო) – ეს კერძო სანაპიროა. აქ შესასვლელად მოგიწევთ საფასურის გადახდა, თუმცა მასში შედის შეზლონგები და გამოსაცვლელი ოთახები. აქ ყველაფერია, შეგიძლიათ ზღვის სპორტით დაკავდეთ ან გაერთოთ კაფე-ბარებში.

გულჰანის ბაღი (Gulhane Park) –  საიმპერატორო ვარდების ბაღს წარმოადგენდა. აქ მშვიდი და ჰარმონიული გარემო დაგხვდებათ ნებისმიერ სეზონზე. სიმწვანე და ულამაზესი ყვავილებით მოკირწყლული ბილიკები აუცილებლად მოცემთ წყნარად დასვენებისა და განტვირთვის საშუალებას.

სტამბოლის აკვარიუმს (Istanbul Aquarium) –  აუცილებლად უნდა ეწვიოთ! აქ ნახავთ წყლისქვეშა უამრავ ბინადარს და თქვენც დაგეუფლებათ შეგრძნება, თითქოს წყლისქვეშ მოგზაურობთ.

ბელგრადის პარკი (Belgrade Forest) –  მთლიანად ხეებშია ჩაძირული. იგი იდეალური ადგილია საპიკნიკოდ ან უბრალოდ მშვიდი დროის გასატარებლად. აქ უამრავი სახეობის ხე-მცენარეს შეხვდებით.

ემირგანის პარკი (Emirgan Grove) – ბოსფორის სანაპიროზე მდებარეობს. აქ შეძლებთ ქალაქის ხმაურს იდეალურად დააღწიოთ თავი. პარკი სხვადასხვა ფერის ყვავილებითაა გარშემორტყმული და ულამაზესი სანახავია ნებისმიერ სეზონზე.

ბებეკის პარკი (Bebek Park) –  ბოსფორის სრუტეზე მდებარეობს. იგი მე-19 საუკუნეში აშენდა და ევროპულ ყაიდაზეა მოწყობილი. ბებეკის პარკი ამავე დასახელების უბანში მდებარეობს, ამიტომ ახლო-მახლო თუ მოხვდებით, აუცილებლად შემოიარეთ აქ.

ილდიზის პარკი (Yildize Park) –  ასევე იდეალურია საპიკნიკოდ. გარდა ულამაზესი ყვავილების მთელი რიგებისა, აქ ნახავთ რესტორანს, სადაც მსუბუქად კვებას შეძლებთ ან სასმელს მიირთმევთ. პარკთან საზოგადოებრივი ტრანსპორტით მარტივად მიხვალთ.

სტამბოლში ვიზიტი არ უნდა იყოს 3 დღეზე ნაკლები. 3 ან მეტი დღით სტუმრობის შემთხვევაში ქალაქის ძირითადი ღირსშესანიშნაობების ნახვას თავისუფლად მოასწრებთ. ამიტომ, ეს ინფორმაცია გაითვალისწინეთ, თუ აპირებთ, რომ იყიდოთ იაფი ფრენები სტამბოლში .

პირველ რიგში, ფრენისათვის საჭირო ნივთების წაღება არ დაგავიწყდეთ, იქნება ეს დოკუმენტები, პასპორტი თუ კომფორტული ბალიში. ასევე, შეამოწმეთ ყველა გაჯეტი და დამტენი. სტამბოლში ბევრი სიარული მოგიწევთ, ამიტომ სპორტული ფეხსაცმელი და კომფორტული ტანსაცმელი აუცილებელია. აქ ცვალებადი ამინდია, ამიტომ მზისგან დამცავიც უნდა გქონდეთ თან და ქოლგაც.

სტამბოლი თურქეთის ისტორიული პროვინციაა, შესაბამისად იგი ისტორიული და კულტურული დატვირთვის მქონე ქალაქია. აქ შეგიძლიათ ნახოთ სასახლეები, კოშკები, ტაძრები და მეჩეთები.

Life happens – we get it! Read more here.

სტამბოლი ევროპის ქალაქებთან შედარებით, გაცილებით იაფი ლოკაციაა. აქ იაფად შეძლებთ მგზავრობასაც, დასვენებასაც და დასარჩენი ადგილის პოვნასაც.

სტამბოლი საკმაოდ უსაფრთხო ადგილია ტურისტებისთვის, თუმცა აუცილებლად პატივი ეცით ადგილობრივების რწმენა-წარმოდგენებსა და ჩვეულებებს.

ამინდის მხრივ, შუა გაზაფხული და შემოდგომა საუკეთესოა სტამბოლში ვიზიტისთვის. ამ დროს თბილი ამინდია და სიარული ბევრად მარტივი და კომფორტული იქნება.

(IST) – სტამბოლის აეროპორტი ქალაქთან ყველაზე ახლოსაა. იგი ქალაქის ცენტრიდან 32 კილომეტრის მოშორებით მდებარეობს.

თბილისიდან, ქუთაისიდან და ბათუმიდან სტამბოლში გამგზავრებას პირდაპირი ავიარეისებით შეძლებთ.

თურქული ავიაკომპანიები Turkish Airlines, Pegasus, Ajet Airlines სტამბოლში პირდაპირ ფრენებს ახორციელებენ.

გირჩევდით, რომ ავიაბილეთები დაჯავშნოთ 1 ან 2 თვით ადრე. ასევე, უმჯობესია ფრენები შეიძინოთ კვირის დღეებში და არა შაბათ-კვირას.