როგორც ცნობილი გახდა,ახალი ქართული ავიაკომპანია Air Iveria ოპერირებას იწყებს და პირველ პირდაპირ რეისს თბილისი ლონდონი -ს მიმართულებით შეასრულებს.
ავიაკომპანიამ ლონდონის გატვიკის აეროპორტში სლოტები უკვე დაჯავშნა, რის შესახებაც ინფორმაციას ch-aviation ავრცელებს. გამოცემის ცნობით ფრენა 2024 წლის 13 მაისსაა დაგეგმილი, ხოლო რეისები კვირაში 3 სიხშირით შესრულდება.
ამ დროისათვის თბილისი ლონდონი ლონდონი თბილისი -ს საჰაერო ხაზზე პირდაპირი ავიამომოსვლა არ ხორციელდება. აირ ივერია -ს მიერ შემოთავაზებული ფრენები კი მსურველებს გაუმარტივებს ლონდონში გამგზავრებას და ხელს შეუწყობს საქართველოში ტურიზმის განვითარებას.
აღსანიშნავია, რომ Air Iveria ახალი ეროვნული ავიაკომპანიაა, რომელიც საავიაციო ბაზარზე 2023 წელს გამოჩნდა. როგორც ავიაკომპანიის დამფუძნებლებმა თენგიზ ტყეშელაშვილმა და ირაკლი გიორგობიანმა გასულ წელს აღნიშნეს, ავიაკომპანიის მომსახურების ხარისხი მაღალი იქნება, ხოლო ფასები კი ხარისხთან შესაბამისად ადეკვატური. გარდა ამისა, როგორც დაანონსებული იყო, ავიაკომპანიას ექნება ლოიალობის პროგრამა, რაც ნიშნავს იმას, რომ მისით სარგებლობის შემთხვევაში, მგზავრები საკმაოდ შეღავათიან ფასებში შეძლებენ ფრენას.
