2024 წლის ზაფხულის სანავიგაციო სეზონზე, საქართველოსა და ევროპის ქვეყნებს შორის 2500-მდე ავიარეისი შესრულდება. საქართველოს სამოქალაქო ავიაციის სააგენტოში ავიაკომპანიების მიერ დამტკიცებული განრიგების და წარმოდგენილი განაცხადების შესაბამისად, მიმდინარე წლის ზაფხულის აქტიურ სანავიგაციო სეზონზე, სულ 13 600 ავიარეისის შესრულებაა დაგეგმილი.
აღსანიშნავია, რომ ივნისი-ოქტომბრის პერიოდში, საქართველოდან ყველაზე მეტი – 2 480 რეისი ევროპის მიმართულებით შესრულდება, რაც დაგეგმილი ფრენების საერთო რაოდენობის 18%-ს შეადგენს.
ასევე, იზრდება ფრენის სიხშირე გალფის ქვეყნების – საუდის არაბეთის, არაბთა გაერთიანებული საემიროების, ბაჰრეინის, ქუვეითის, ომანის და კატარის მიმართულებითაც. 2024 წლის ივნის-ოქტომბერში, საქართველოსა და გალფის ქვეყნებს შორის დაგეგმილია 2255 რეისის შესრულება, რაც ფრენების საერთო რაოდენობის 17%-ია.
ზაფხულის სანავიგაციო სეზონის იგივე პერიოდში, საქართველოსა და რუსეთის ფედერაციას შორის 1761 რეისის განხორციელება იგეგმება, რაც რეისების საერთო რაოდენობის 13%-ს შეადგენს. საქართველოსა და რუსეთის ფედერაციას შორის ფრენებს 3 ავიაკომპანია ახორციელებს და რეისები მხოლოდ იმ ავიაკომპანიების მიერ სრულდება, რომლებიც არ იმყოფებიან ევროკავშირის შავ სიაში. ფრენები არ ხორციელდება ასევე, იმ თვითმფრინავებით, რომელთაც საჰაერო ხომალდების მწარმოებლებმა შეუწყვიტეს ტექნიკური მხარდაჭერა, რაც გულისხმობს როგორც ტექნიკურ და საფრენოსნო დოკუმენტაციაზე წვდომის შეზღუდვას, ისე მარაგი ნაწილების მოწოდებას.
პირდაპირი ფრენები თბილისიდან
| მიმართულება | გამგზავრების თარიღი | დაბრუნების თარიღი | ავიაკომპანიის ლოგო | ავიაბილეთების მოძებნა |
|---|---|---|---|---|
| სოჭი | 23 დეკემბერი 2026 | 15 იანვარი 2027 |  | ავიაბილეთები 161 -დან |
| ალმათი | 31 დეკემბერი 2026 | 3 იანვარი 2027 |  | ავიაბილეთები 1 000 -დან |
| ამსტერდამი | 1 ივლისი 2027 | 8 ივლისი 2027 |  | ავიაბილეთები 665 -დან |
| ანკარა | 23 ნოემბერი 2026 | 30 ნოემბერი 2026 |  | ავიაბილეთები 342 -დან |
| ათენი | 21 მარტი 2027 | 5 აპრილი 2027 |  | ავიაბილეთები 443 -დან |
| აბუ-დაბი | 20 ნოემბერი 2026 | 23 ნოემბერი 2026 |  | ავიაბილეთები 932 -დან |
| ანთალია | 6 მაისი 2027 | 10 მაისი 2027 |  | ავიაბილეთები 439 -დან |
| ბაჰრეინის კუნძული | 7 ნოემბერი 2026 | 14 ნოემბერი 2026 |  | ავიაბილეთები 1 819 -დან |
| ბაქო | 1 იანვარი 2027 | 11 იანვარი 2027 |  | ავიაბილეთები 379 -დან |
| ბელგრადი | 31 იანვარი 2027 | 4 თებერვალი 2027 |  | ავიაბილეთები 754 -დან |
აღნიშნული მონაცემების მიხედვით, 2024 წლის ზაფხულის სანავიგაციო სეზონზე დაგეგმილი 13 600 რეისიდან:
- საქართველოდან ევროპაში და პირიქით განსახორციელებელი ფრენები 18%-ს შეადგენს,
- საქართველოდან გალფის ქვეყნებში და პირიქით განსახორციელებელი ფრენები 17%-ს,
- საქართველოდან რუსეთში და პირიქით განსახორციელებელი ფრენები – 13%-ს,
- ხოლო დანარჩენ ქვეყნებთან კი ჯამურად 52%-ს შეადგენს.
აღსანიშნავია, რომ 2024 წელს, საავიაციო ბაზარზე შემოვიდა ნიდერლანდების სამეფოს დაბალბიუჯეტური ავიაკომპანია Transavia, რომელმაც რეგულარული საჰაერო მიმოსვლის განხორციელება ამსტერდამიდან თბილისის აეროპორტი -ს მიმართულებით დაიწყო. ასევე, დიდხნიანი პაუზის შემდეგ, საქართველოში ოპერირება ავსტრიულმა ავიაკომპანია Austrian Airlines -მა ვენიდან თბილისის საჰაერო ხაზზე განაახლა. რეგულარული რეისების განხორციელება დაიწყო თურქულმა დაბალბიუჯეტურმა ავიაკომპანია AJET -მაც.
ზაფხულის სეზონზე საქართველოსა და ევროკავშირს შორის ფრენებს 11 ავიაკომპანია 38 მიმართულებით განახორციელებს.
2024 წლის იანვარ-აპრილის თვეში, საქართველოს საერთაშორისო აეროპორტები, რეგულარული და არარეგულარული რეისებით, 1 946 881 მგზავრს მოემსახურა, რაც 31%-ით აღემატება 2023 წლის ანალოგიურ პერიოდში მიღებული მგზავრების რაოდენობას.
