2024 წლის ზაფხულის სანავიგაციო სეზონზე, კორეის რესპუბლიკასა და საქართველოს შორის სეზონურ ჩარტერული ავიამიმოსვლას ავიაკომპანია Korean Air -ი იწყებს. ავიაკომპანიის მიერ სამოქალაქო ავიაციის სააგენტოში წარმოდგენილი განაცხადის შესაბამისად, პირდაპირი ავიამიმოსვლა ინჩეონსა და თბილისის აეროპორტს შორის 22 მაისს, 5 და 20 ივნისს შესრულდება.
აღსანიშნავია, რომ კორეან ეარ -მა საქართველოს მიმართულებით არარეგულარული ფრენები 2018 და 2019 წლებშიც განახორციელა. საქართველოს სამოქალაქო ავიაციის სააგენტომ, კორეულ ავიაკომპანიას საქართველოს საჰაერო ხაზზე მიმოსვლის შესრულებისათვის აუცილებელი ნებართვა 2024 წლის 2 მაისს მიანიჭა.
Korean Air დაარსდა 61 წლის წინ – 1962 წლის ივნისსში და წარმოადგენს სამხრეთ კორეის უდიდესს ავიაკომპანიას ფლოტის ზომის, საერთაშორისო მიმართულებებისა და საერთაშორისო ფრენების მიხედვით. ავიაკომპანია ოპერირებს სეულის გიმპოს საერთაშორისო აეროპორტიდან და სეული ინჩეონის საერთაშორისო აეროპორტიდან.
