ინდურმა ავიაკომპანია IndiGo Airlines -მა თბილისი -დელი-თბილისის მიმართულებით ფრენების დასაწყებად ნებართვა მოიპოვა. ოპერირების დასაწყებად აუცილებელი ნებართვა ინდიგო -ს 2023 წლის 29 მაისს მიენიჭა.
სამოქალაქო ავიაციის სააგენტოს განცხადებით, ავიაკომპანია საქართველოსა და ინდოეთის დედაქალაქებს შორის პირდაპირ რეგულარულ რეისებს 18 აგვისტოდან, კვირაში 3 სიხშირით – ყოველ ოთხშაბათს, პარასკევს და კვირას შემოგვთავაზებს.
ინდიგო ინდოეთის ყველაზე მსხვილი ავიაკომპანიაა, რომელიც ამჟამად ფრენებს 140-მდე მიმართულებით ახორციელებს, აქედან 77 ადგილობრივი მიმართულებაა, დანარჩენი კი – საერთაშორისოა.
ამ დროისათვის თბილისიდან დელის მიმართულებით ხორციელდება ტრანზიტული რეისები, რომელსაც არაერთი ავიაკომპანია გვთავაზობს, მათ შორისაა: ყველასთვის კარგად ნაცნობი თურქული ავიაკომპანია Turkish Airlines -ი, ყაზახური ავიაკომპანია Air Astana, ყატარის ავიახაზები, Air Arabia და სხვა.
