Wizz Air მორიგ ფასდაკლებას აცხადებს. პრომოაქცია მოქმედებს მხოლოდ დღეს, 2024 წლის 5 აგვისტოს, 00:00 საათიდან 23:59 საათის ჩათვლით და ვრცელდება ქუთაისის საერთაშორისო აეროპორტი -დან აბუ-დაბის მიმართულებით (ან პირიქით) შერჩეულ ფრენებზე.
აღსანიშნავია, რომ თუ ავიაბილეთებს შემოთავაზებული აქციით შეიძენ, მგზავრობის პერიოდი შეზღუდულია და ფრენები 2024 წლის 30 ნოემბრამდე უნდა განახორციელო.
15%-იანი ფასდაკლება მოქმედებს ტარიფზე და არ მოიცავს ადმინისტრაციულ მოსაკრებელს. ფასდაკლება ვრცელდება რეისებზე, რომლებიც ხელმისაწვდომია ვიზეარის ვებ-გვერდზე და მობილურ აპში. პრომოაქცია არ ვრცელდება ჯგუფურ ჯავშნებზე.
Wizz Air, ევროპის ყველაზე სწრაფად მზარდი, ულტრა–ბიუჯეტური ავიაკომპანიაა, რომელიც ფრენებს 221 ერთეული Airbus A320 და Airbus A321 თვითმფრინავისგან შემდგარი ავიაფლოტით ასრულებს. ავიაციის ერთგული პროფესიონალების გუნდი უზრუნველყოფს უმაღლეს მომსახურებასა და დაბალ ტარიფებს, რამაც ავიაკომპანია საუკეთესო არჩევანი გახადა 62 მილიონი მგზავრისთვის.
სულ ცოტა ხნის წინ, კომპანია მსოფლიოში ყველაზე უსაფრთხო ავიაკომპანიების ათეულში დასახელდა airlineratings.com-ის, მსოფლიოში ერთადერთი უსაფრთხოებისა და პროდუქტების სარეიტინგო სააგენტოს მიერ.
Wizz Air 2020 წელს „წლის ავიაკომპანიად“ დაასახელა ATW-მ, ხოლო 2019 და 2023 წლებში ATA-მ. 2022 წელს, World Finance Sustainability Awards-ის ფარგლებში, Wizz Air აღიარეს ყველაზე მდგრად ავიაკომპანიად, ხოლო 2022 და 2023 წლებში CAPA-Centre for Aviation Awards for Excellence-მა ავიაკომპანია დაასახელა, როგორც „წლის გლობალური გარემოსდაცვითი მდგრადობის ავიახაზების ჯგუფი“.
