იაფი ფრენები კატოვიცეში

სილეზიის მუზეუმი კატოვიცეს ერთ-ერთ ყველაზე მნიშვნელოვან შენობას წარმოადგენს. იგი მე20 საუკუნეში აშენდა და დიდი ისტორიაც განვლო. ნაცისტური გერმანიის შემოსევის პერიოდში მუზეუმი დაზარალდა, თუმცა 80-იან წლებში რეკონსტრუქცია გაუკეთდა. აქ ინახება გამოჩენილი პოლონელი მხატვრების ნამუშევრები.

თუ გსურთ, უფრო მეტი გაიგოთ ქალაქის განვითარების შესახებ და მე13 საუკუნიდან დღევანდელობამდე კატოვიცეს ისტორია შეისწავლოთ, აუცილებლად ეწვიეთ ამ მუზეუმს. შეუძლებელია, აღფრთოვანება არ გამოიწვიოს იმაზე დაკვირვებამ, თუ რამხელა ისტორია განვლო ქალაქმა და როგორაა მისი განვითარების ყველა სტადია ერთ სივრცეში ასახული. კატოვიცეს ისტორიის მუზეუმი თავისი კრეატიული გამოფენებით ყველა ტურისტს აღაფრთოვანებს.

თუ არქიტექტურა თქვენი საყვარელი სახელოვნებო ფორმაა, აუცილებლად ნახეთ სილეზიის პარლამენტის შენობა კატოვიცეში ვიზიტისას. იგი 7 სართულიანია და ძალიან დიდი ხნის განმავლობაში პოლონეთის უდიდეს შენობას წარმოადგენდა. შენობა მოგხიბლავთ თავისი გრანდიოზულობით, გამორჩეული არქიტექტურითა და სიმბოლური მნიშვნელობით.

სილეზიის თეატრი, რომელიც პოლონელების თეატრის სახელითაცაა ცნობილი, კატოვიცეს ერთ-ერთი ღირსშესანიშნაობაა. გარდა იმისა, რომ შენობას დიდებული არქიტექტურა აქვს, მის წინ ულამაზესი ბაღი იშლება, სადაც სეირნობას შეძლებთ.

კატოვიცე დაგიმსხვრევთ სტერეოტიპს სუფებზე. ეს კონკრეტული სუფი რამდენიმე სახის ხორცისა და ბოსტნეულისაგან შედგება. იგი განსაკუთრებით დღესასწაულებზე მზადდება და ადგილობრივების ერთ-ერთ ფავორიტ კერძს წარმოადგენს. თუ გსურთ, ადგილობრივების კვების რაციონი უკეთ შეისწავლოთ, აუცილებლად დააგემოვნეთ ეს კერძი.

ეს კერძი ასევე ერთ-ერთი ყველაზე ცნობილია კატოვიცეში. იგი წარმოადგენს გულსართიან ცომს. როგორც წესი, ცომიც სპეციალური რეცეპტით მზადდება. შიგთავსი კი თქვენს გემოვნებაზეა დამოკიდებული – შეგიძლიათ მიირთვათ ხორცით, კარტოფილითა და ბრინჯით.

კატოვიცე არც დესერტების მოყვარულებს დაგწყვეტთ გულს. შეგიძლიათ გასინჯოთ ეს სადღესასწაულო კერძი, რომელიც ყაყაჩოს თესლისაგან მზადდება. იგი სერვირდება დიდ ქვაბში, რაც ერთიანობის განცდას აძლიერებს. დასერვირებამდე დესერტი კრემით იფარება. მისი გემო აუცილებლად დიდხანს დაგამახსოვრდებათ.

პიეროგი პოლონეთის მთავარი კერძია. პოლონეთის არც ერთი ქალაქი არ უნდა დატოვოთ მის დაუგემოვნებლად, რადგან ყველგან სხვადასხვა ტექნიკით ამზადებენ. პიეროგი ცომში ჩადებული სხვადასხვა შიგთავსია, ძირითადად ხორცი.