იაფი ფრენები ჰამბურგში

თუ გართობის მოყვარული ხართ, ეს ნამდვილად ის ადგილია, რომელსაც უნდა ეწვიოთ. ამ უბანში მიყოლებითაა განლაგებული კლუბები და ბარები. აქ უამრავ საინტერესო ადამიანს შეხვდებით, რომლებიც აწყობენ სხვადასხვა ტიპის პერფორმანსებს.

წითელი ნათების უბანი თავისი განსაკუთრებული ატმოსფეროთი დაგამახსოვრებთ თავს, აქ ყველა ერთობა და ყველგან მხიარულებაა. შეგიძლიათ სხვა ტურისტებიც გაიცნოთ ამ უბანში, რადგან როგორც წესი ყოველდღიურად იყრიან აქ თავს. შეგიძლიათ ტურიც კი დაჯავშნოთ წითელი ნათების უბანში დროის გასატარებლად და ადგილობრივივით იგრძნოთ თავი.

წმინდა მიქაელის ეკლესია ბაროკოს ტიპის ლუთერანული ეკლესიაა. ჰამბურგში როგორც წესი კათოლიკური ეკლესიები შეგხვდებათ, წმინდა მიქაელის ეკლესია კი ერთ-ერთი გამონაკლისია. აუცილებლად მოგხიბლავთ როგორც მისი ექსტერიერი, ისე-ინტერიერი. ეკლესიის თავზე ქანდაკებაა, რომელიც წარმოადგენს წმინდა მიქაელის მიერ ეშმაკის დამარცხების სიმბოლოს.

ჰამბურგის მერიის შენობა არა მხოლოდ ფუნქციური დატვირთვითაა მნიშვნელოვანი, არამედ მისი ბრწყინვალე არქიტექტურითაც. იგი ნეო-რენესანსული ტიპის შენობაა, რაც მის ექსტერიერზე აისახება. აშენებულია მე-19 საუკუნეში, როდესაც პრუსია განსაკუთრებით ძლიერი იყო და საკუთარი დიდებულების დასტურად ეს გრანდიოზული შენობა აღმართეს ადგილობრივებმა.

დღეს ჰამბურგში ვიზიტისას მოგზაურები მართლაც აღფრთოვანდებიან ამ შენობის გრანდიოზულობით და როგორც მშენებლობის ჩანაფიქრში იყო, ქალაქის დიდებულებაც ცალსახად იგრძნობა გარშემო მისი არქიტექტურული სიდიადის წყალობით.

თუ კულტურული სანახაობები გიყვართ, ფილარმონიის შენობას აუცილებლად უნდა ეწვიოთ. მისი უდიდესი დარბაზი, განათებები და უდიდესი სივრცე აუცილებლად მონუსხავს ყველა მნახველს.

თევზის ერთგვარი ხვეულები ჰამბურგის მთავარ სასუსნავს წარმოადგენს. როგორც წესი, იგი ბოსტნეულისაგან, თევზისგან და სოუსისგან მზადდება. თევზის ხვეულებს ჰამბურგის ბაზარზე იპოვით. თევზი ჰამბურგის ცნობილი პორტის წყალობით მრავლადაა ქალაქში.

ეს კერძი ჰამბურგის მეთევზეებისთვის საუკუნეების განმავლობაში საუკეთესო საკვები იყო. იგი მზადდება ხორცისა და ხახვისგან, გარნირად კი კარტოფილი და კვერცხი მოყვება. ამ კერძს ჰამბურგის ყველა კვების დაწესებულებაში მარტივად იპოვით. მისი მრავალფეროვანი გემო თქვენი გემოვნების რეცეპტორებზე ნამდვილად დადებითად იმოქმედებს.

ჰამბურგი არც ტკბილეულის მოყვარულებს დაგწყვეტთ გულს. ეს კონკრეტული ფუნთუშა კრუასანისგან ინსპირირებულია. მას ისტორიულად ნაპოლეონის ჯარისკაცები მიირთმევდნენ ჰამბურგის ოკუპაციის პერიოდში. იგი მზადდება კარაქისა და დარიჩინისგან, თუმცა შეიძლება შოკოლადი ან თხილეულიც ერიოს ზოგ ვარიაციაში, გემოვნების მიხედვით. მისი გასინჯვის შემთხვევაში აუცილებლად გაიგებთ თუ რა იზიდავდათ ფრანგ ჯარისკაცებს ამ კერძში. დღეს მას ძირითადად ყავასთან ერთად მიირთმევენ ხოლმე.

თუ ხორცის მოყვარული ხართ, ჰამბურგში ყოფნისას გირჩევთ დააგემოვნოთ მისი ძეხვეული. მას ადგილობრივები ლუდთან ერთად მიირთმევენ. ამ უნიკალური გამოცდილების მიღების შესაძლებლობას გერმანულ კაფე-ბარებში ნუ გამოტოვებთ.