უზბეკური ავიაკომპანია Centrum Air -ი თბილისი -ტაშკენტის მიმართულებით იწყებს ოპერირებას.
პირდაპირ ჩარტერულ ავიარეისებს აღნიშნული მიმართულებით, ავიაკომპანია მიმდინარე წლის ზაფხულის სანავიგაციო სეზონზე, 13 მაისიდან, კვირაში ერთი სიხშირით შეასრულებს.
დღეისათვის საქართველოსა და უზბეკეთის დედაქალაქებს შორის რეგულარულ რეისებს ავიაკომპანია Uzbekistan Airlines -ი ახორციელებს. ავიაკომპანია თბილისი-ტაშკენტი-თბილისის მიმართულებით კვირაში სამჯერ დაფრინავს.
არ გაუშვათ შანსი ხელიდან და გაემგზავრეთ ამ არაჩვეულებრივი დანიშნულების ადგილზე. ტაშკენტი ცენტრალური აზიის უდიდესი ქალაქია, რომელიც მოგზაურებს თავისი შესანიშნავი კულტურით, არქიტექტურით, ისტორიითა და უგემრიელესი კერძებით მსოფლიოს სხვადასხვა კუთხიდან იზიდავს.
