კანადის ვიზის მისაღებად საჭირო პროცედურა

კანადის ვიზის გაცემა ხდება ქალაქ ანკარაში, თურქეთის რესპუბლიკის ტერიტორიაზე განთავსებული კანადის საელჩოს საკონსულო სამსახურის მიერ. ​

რას მოიცავს კანადაში გასამგზავრებელი ვიზის აღების პროცედურა?

სამწუხაროდ კანადის სახელმწიფოს არ გააჩნია საქართველოს ტერიტორიაზე საკონსულო განყოფილება, შესაბამისად იმ საქართველოს მოქალაქეებს, რომლებსაც სურთ კანადის ვიზაზე განაცხადის გაკეთება, ემსახურებათ ანკარაში განთავსებული კანადის საელჩოს საკონსულო განყოფილება.

ვიზაზე განაცხადის გაკეთების ნებისმიერ მსურველს ამჟამად შეუძლია პირადადაც გამოცხადდეს ანკარაში არსებულ საკონსულოში და თვითონ გააკეთოს განაცხადი ვიზის აღების თაობაზე.

ასევე, შეგიძლიათ მიმართოთ ალტერნატიულ ვარიანტს და გააკეთოთ ვიზაზე განაცხათი ონლაინ ფორმით. აღნიშნული გზა გულისხმობს სპეციალური არხით ყველა საჭირო დოკუმენტის გადაგზავნას საკონსულოს მისამართზე და შემდეგ პასუხის მოსვლის დრომდე დალოდებას.

თუკი თქვენ მიიღებთ ვიზის აღების აპლიკაციაზე დადებით პასუხს, მაშინ მოგიზევთ საფოსტო სერვისის საშუალებით გადააგზავნოთ თქვენი ორიგინალი პასპორტი კანადის საკონსულოში, შემდეგ კი რამდენიმე დღის ვადაში, დაახლოებით 3-4 დღის შემდეგ მიიღებთ უკან ვიზიან პასპორტს.

რა დოკუმენტებია საჭირო კანადაში სამოგზაუროდ წასასვლელად?

ვიზის მიღების პროცესში თქვენი აპლიკაციის განხილვისას პირველ რიგში ყველაზე დიდი ყურადღება ენიჭება თქვენს ფინანსურ მდგომარეობას. აღნიშნული საკითხი გულისხმობს აპლიკანტის სოციალური და ეკონომიკური კავშირების განხილვას, რა შემთხვევაშიც მათი სიმყარე და სოლიდურობა დადებითად ადგება თანხმობის მიღების შანსს. აუცილებელია წარმოადგინოთ ისეთი დოკუმენტები, რომლებიც ამ საკითხში თქვენს პოზიციას გაამყარებს.

რეგისტრაციისათვის დაგჭირდებათ მოქმედი საზღვარგარეთის პასპორტი და პირადობის მოწმობა, ასევე უნდა წარადგინოთ ძველი პასპორტებიც, თუკი მათში ვიზა გაქვთ ჩარტყმული. ასევე საჭიროა სამსახურის ცნობა თქვენი დამსაქმებლისგან.

თუკი თქვენ ფლობთ ბიზნესს, მაშინ უნდა წარადგინოთ საჯარო რეესტრიდან ამონაწერი მეწარმეობის შესახებ. საჭიროა ასევე ბოლო 4 თვის ბანკის ამონაწერი და ცნობა დანაზოგის შესახებ.

დაქორწინებულმა პირებმა უნდა წარადგინონ ქორწინების მოწმობაც. ასევე დაგჭირდებათ საკრედიტო ბარათი საკონსულო მოსაკრებლის გადასახდელათ, რაც ტურისტული ვიზის მოსაკრებლის შემთხვევაში შეადგენს 100 კანადურ დოლარს.

დისტანციურ რეჟიმში შეგიძლიათ გააკეთოთ განაცხადი ტურისტულ ვიზაზე და კერძო ვიზიტორის ვიზაზე, ასევე საქმიან და სასწავლო ვიზებზეც. სხვა სახის ვიზის აღების მსურველებს დასჭირდებათ საკონსულოში პირადად გამოცხადება.

​საკონსულოში საბუთების გადაგზავნის და მოსაკრებლის გადახდის შემდეგ საბუთების განხილვა ხდება მაქსიმუმ 1 კვირის ვადაში.

Unfortunately we don't have actual data for flights from Tbilisi to Ottawa. Find tickets from Tbilisi to Ottawa

შენიშვნა: აღნიშნული ინფორომაცია არის სარეკომენდაციო ხასიათის და AVIA.GE ამ ეტაპზე არ სთავზობს მომხმარებლს სავიზო მომსახურებას

samogzauro dazgveva