როგორც ცნობილია, დიდი ბრიტანეთის მიმართულებით საქართველოდან პირდაპირი ფრენები არ ხორციელდება, თუმცა 2024 წლის 31 მარტიდან, AZAL -ი ლონდონის გეტვიკის აეროპორტის მიმართულებითაც იწყებს ოპერირებას, რაც საქართველოს მოქალაქეებს საშუალებას მისცემს ლონდონში უფრო მარტივად გაემგზავრონ.
საყურადღებოა, რომ აზერბაიჯანის ავიახაზები პირდაპირ რეისებს ბაქოდან შეასრულებს, ეს კი გულისხმობს, რომ საქართველოდან, კერძოდ თბილისის საერთაშორისო აეროპორტი -დან ლონდონში გამგზავრება აზერბაიჯანის დედაქალაქის გავლით იქნება შესაძლებელი.
აზალი რეისებს კვირაში სამი სიხშირით, კვირას, ოთხშაბათს და პარასკევს შეასრულებს.
აღსანიშნავია, რომ აღნიშნულ მიმართულებაზე პირდაპირი ავიამიმოსვლა ამ დროისათვის არ ხორციელდება, თუმცა ერთი გადაჯდომით ფრენებს ავიაკომპანია პეგასუსი -ც გვთავაზობს.
აზალის ავიახაზები აზერბაიჯანის წამყვან ავიაკომპანიად ითვლება, რომელსაც სათაო ბაზა ბაქოში, ჰეიდარ ალიევის აეროპორტის მიმდებარე ტერიტორიაზე აქვს განთავსებული. ამასთან მისი საჰაერო ფლოტი მსოფლიოში ერთ–ერთ ყველაზე მოდერნიზებულ სატრანსპორტო ხაზად ითვლება.
შეგახსენებთ, რომ AZAL -მა ცოტა ხნის წინ დაამატა ახალი რეისები დოჰასა და პეკინის მიმარტულებით.
