თბილისის საერთაშორისო აეროპორტი 2023 წლის ივლისში 403 474 მგზავრს მოემსახურა, რაც 2019 წლის ივლისის თვის მონაცემებს 5%-ით აღემატება, ხოლო 2022 წლის იმავე პერიოდის მონაცემებთან შედარებით, 14%-იანი ზრდაა.
როგორც თბილისისა და ბათუმის საერთაშორისო აეროპორტების ოპერატორ კომპანია TAV Georgia-ში განმარტავენ, 2023 წლის ივლისში ბათუმის აეროპორტი 99 803 მგზავრს მოემსახურა, რაც 2022 წლის იმავე თვის მაჩვენებელს 3%-ით აღემატება, ხოლო 2019 წლის ანალოგიური პერიოდის მონაცემებთან 1%-იანი კლებაა.
ქუთაისის საერთაშორისო აეროპორტი -დან კი ივლისში ფრენების ჯამური რაოდენობა 517 ერთეულს შეადგენს. აღსანისნავია, რომ ივლისის 27 რიცხვში, ქუთაისის აეროპორტიდან ყველაზე მეტი ფრენა შესრულდა. კერძოდ, დღე-ღამის განმავლობაში 22 ჩამოფრენა და 22 გაფრენა, ანუ ჯამში 44 ფრენა განხორციელდა.
