საქართველოს საავიაციო ბაზარზე კიდევ ერთი ახალი ავიაკომპანია შემოდის და პირდაპირი რეისების ჩამონათვალს ახალი მიმართულება ემატება.
ამჯერად, პირდაპირი ავიამიმოსვლა თბილისსა და ბანგკოკს შორის დაიწყება, რომელსაც ტაილანდური ავიაკომპანია Thai Air Asia X შეასრულებს. ის ერთ-ერთი ყველაზე დაბალ ბიუჯეტური ავიაკომპანიაა ტაილანდში, მისი მთავარი ბაზა ბანგკოკში, დონ მიუანგის საერთაშორისო აეროპორტშია და 29 ადგილობრივ, ხოლო 66 საერთაშორისო მიმართულებაზე ახორციელებს რეისებს.
თბილისის საერთაშორისო აეროპორტში უკვე გაიმართა შეხვედრა ავიაკომპანიის წარმომადგენლობასა და ტავ ჯორჯიასა და სამოქალაქო ავიაციის სააგენტოს ხელმძღვანელობას შორის. მათ ფრენის დაწყებასთან დაკავშირებული პროცედურები განიხილეს და ავიაკომპანიის წარმომადგენლობას „ტავ ჯორჯიას“ სახმელეთო მომსახურების დეპარტამენტის სამუშაო პროცესი გააცნეს.
საქართველოს მოქალაქეებს ეგზოტიკურ და ულამაზეს ბანგკოკში პირდაპირი რეისით გამგზავრება 28 დეკემბრიდან შეეძლებათ. ჩარტერული ფრენები 3 თვის განმავლობაში შესრულდება და ავიაკომპანია კვირაში სამი სიხშირით, Airbus 330 ტიპის საჰაერო ხომალდით იფრენს.
თბილისი ბანგკოკი
| გამგზავრება | დაბრუნება | გაჩერება | ავიაკომპანია | ბილეთების პოვნა |
|---|---|---|---|---|
| 29 მაისი 2024 | 11 ივნისი 2024 | 1 Გაჩერება |  | ავიაბილეთები 1 800 -დან |
| 5 ივნისი 2024 | 12 ივნისი 2024 | 1 Გაჩერება |  | ავიაბილეთები 1 875 -დან |
| 1 ივლისი 2024 | 9 ივლისი 2024 | 2 Გაჩერება |  | ავიაბილეთები 1 821 -დან |
| 1 აგვისტო 2024 | 7 აგვისტო 2024 | 3 Გაჩერება |  | ავიაბილეთები 2 063 -დან |
