სტამბოლის საერთაშორისო აეროპორტი (IST) მსოფლიო ავიაციის ერთ-ერთი უმსხვილესი კვანძია, სადაც ათასობით ქართველი მგზავრი ყოველდღიურად გადის ტრანზიტს. სიახლე, რომელიც აეროპორტის ადმინისტრაციამ გააჟღერა, მოგზაურობის გამოცდილებას რადიკალურად ცვლის: აეროპორტში პირველი დამოუკიდებელი ბიზნეს-დარბაზი Mileonair გაიხსნა.
აქამდე კომფორტული მოსასვენებელი სივრცეები უმეტესად კონკრეტული ავიაკომპანიების (მაგალითად, Turkish Airlines) პრივილეგირებული მგზავრებისთვის იყო ხელმისაწვდომი. Mileonair კი სრულიად ახალი კონცეფციაა – ის ყველასთვის ღიაა, მიუხედავად იმისა, თუ რომელი ავიაკომპანიით მიფრინავთ.
რატომ არის Mileonair იდეალური არჩევანი ქართველი მგზავრისთვის
ქართველი მომხმარებლები ხშირად ეძებენ ყველაზე იაფ ავიაბილეთებს ამ შემთხვევაში კი, დაბალფასიანი რეისები ევროპის თუ ამერიკის მიმართულებით სწორედ სტამბოლის გავლით მიფრინავს დანიშნულების წერტილამდე და ძირითადად მოცდის დროც საკმაოდ ხანგრძლივია.
თუ თქვენ სარგებლობთ ისეთი ავიაკომპანიებით, როგორიცაა Pegasus Airlines, Lufthansa, Air France ან თუნდაც Turkish Airlines-ის ეკონომ-კლასი, Mileonair საშუალებას გაძლევთ, აეროპორტის ხმაურიან დარბაზებში სკამებზე ლოდინის ნაცვლად, დრო პრემიუმ გარემოში გაატაროთ.
რას გთავაზობთ Mileonair-ის სივრცე
დარბაზი ყველა ტიპის მოგზაურზეა გათვლილი – იქნება ეს ბიზნეს ტურისტი, რომელიც მუშაობას გეგმავს, თუ ოჯახთან ერთად მოგზაური პირი.
- კვების მრავალფეროვნება: დარბაზში ე.წ Buffet სისტემა დაგხვდებათ, სადაც გექნებათ საშუალება თურქული და საერთაშორისო სამზარეულოს კერძები, დესერტები და გამაგრილებელი სასმელები დააგემოვნოთ.
- სამუშაო გარემო: მაღალი სიჩქარის Wi-Fi და იზოლირებული სამუშაო კუთხეები მათთვის, ვისაც ლოდინის დროს საქმეების მოგვარება სურს.
- რელაქსაცია: კომფორტული სავარძლები და მოსასვენებელი ზონები, სადაც შეგიძლიათ რეისებს შორის სრულფასოვნად გამოიძინოთ.
- საშხაპეები: ეს არის ერთ-ერთი ყველაზე მოთხოვნადი სერვისი შორეული ფრენების წინ, რაც გეხმარებათ ენერგიის აღდგენაში.
- საბავშვო კუთხე: თუ ბავშვებთან ერთად მოგზაურობთ, Mileonair-ში მათთვის სპეციალური გასართობი სივრცეა გამოყოფილი.
როგორ მოვხვდეთ Mileonair-ში
ბიზნეს-დარბაზი მდებარეობს სტამბოლის აეროპორტის საერთაშორისო გაფრენის ზონაში. მასში მოხვედრა შეგიძლიათ:
- ადგილზე გადახდით: ერთჯერადი შესვლის საფასურის გადახდის შემთხვევაში.
- წევრობის ბარათებით: სხვადასხვა საერთაშორისო Lounge Pass სისტემების მეშვეობით.
- სპეციალური აქციებით: ხშირად, ბილეთების დაჯავშნისას ან სხვადასხვა საბანკო ბარათების გამოყენებისას, მგზავრები სპეციალური ფასდაკლებებით სარგებლობენ.
თუ თქვენი მომავალი მოგზაურობა სტამბოლის გავლით იგეგმება, ნუ დახარჯავთ ენერგიას აეროპორტის გადატვირთულ დერეფნებში, აუცილებლად ისარგებლეთ ახალი და კომფრტული სივრცით
Avia.ge – თქვენი მოგზაურობის ერთგული მეგობარი. დაგვირეკე: 551 907 907
