კვიპროსი – გზამკვლევი მოგზაურობის დაგეგმვისთვის

კვიპროსზე საუბარი ცხადია მისი ყველაზე პოპულარული ქალაქი ლარნაკათი უნდა დავიწყოთ. იგი ერთ-ერთი ყველაზე მოთხოვნადი სანაპირო ქალაქია დასვენებისა და გართობის მოყვარულებისათვის. აქ კულტურულ და ისტორიულ ციხეებსა და ტაძრებსაც ნახავთ.

ლიმასოლი ადმინისტრაციული დატვირთვით მნიშვნელოვანი ქალაქია კვიპროსში, ხმელთაშა ზღვის სანაპიროზე. ლიმასოლი ცნობილია თავისი ალკოჰოლური სასმელების სიმრავლით. აქ ადგილობრივი წარმოების უგემრიელეს კონიაკს გასინჯავთ.

პაფოსი ასევე ტურისტული ქალაქია კვიპროსზე. იგი ორ ნაწილადაა დაყოფილი ღირსშესანიშნაობების, ტურისტული სანახაობებისა და კაფე-რესტორნების მიხედვით. პაფოსი კვიპროსის ადმინისტრაციული და კარგად განვითარებული ცენტრია.

ნიკოსია ქვეყნის დედაქალაქი და უდიდესი ქალაქია, იგი ჩრდილოეთ კვიპროსში მდებარეობს. აქ კულტურული და ისტორიული კერების თავშეყრს ნახავთ.

აია ნაპა კვიპროსის ერთ-ერთი ყველაზე ცნობილი ქალაქია. აქ გარდა სანაპიროებისა, ულამაზეს მონასტერსაც ნახავთ ქალაქის ცენტრში. აია ნაპა ითარგმნება, როგორც “წმინდა ტყე”, შესაბამისად აქ ულამაზესი ბუნება და დასვენებისათვის იდეალური გარემო დაგხვდებათ.

თუ არქიტექტურისა და ხელოვნების მოყვარული ხართ, აუცილებლად მოგხიბლავთ ლარნაკაში მდებარე წმინდა ლაზარეს ბიზანტიური ტიპის ეკლესია. გარდა იმისა, რომ იგი ისტორიული ძეგლი და კვიპროსის მთავარი ღირსშესანიშნაობაა, მართლმადიდებლური ტრადიციისთვის დიდ და მნიშვნელოვან ძეგლს წარმოადგენს, აქ ინახება წმინდა ლაზარეს სამარხიც. ეკლესიაში არსებული ფრესკები, მისი ქრისტიანული მოწყობა მყუდრო გარემოს ქმნის.

ლარნაკას სასახლე შუასაუკუნეების შენობაა. იგი ოსმალეთის იმპერიის ისტორიიდან იღებს სათავეს. ითვლება, რომ ლარნაკას ციხესიმაგრე აიგო პორტის მტრებისაგან თავდასაცავად. მეორე სართულზე მუზეუმიცაა განთავსებული და აუცილებლად ეწვიეთ მას.

კამარეს აკვედუკები მე-18 საუკუნის ნაგებობაა. იგი ქალაქის წყლის მოსამარაგებელი უდიდესი შენობაა. მისი თაღოვანი არქიტექტურა და გრანდიოზულობა მნახველებზე დიდ შთაბეჭდილებას მოახდენს.

ნიკოსიას საფორტიფიკაციო ნაგებობა მე-16 საუკუნეში აიგო ოსმალო თავდასხმებისაგან თავდაცვისათვის. კედლის 3 მთავარი კარიბჭე დღესაც შემორჩენილია. ეს ნაგებობა კვიპროსის წარსულში გამოგზაურებთ.

ლიმასოლის სასახლე ქალაქის ცენტრში, მის პორტთან ახლოს მდებარეობს. სასახლე შუასაუკუნეების ნაგებობაა და ბიზანტიური არქიტექტურული შტრიხები აქვს.

შეგიძლიათ ესტუმროთ მარილიან ტბებს ლარნაკაში მოგზაურობისას. ტბების გარშემო თოვლიანი მთებია, რაც მაგიურ ატმოსფეროს ქმნის. ტბებთან აუცილებლად შეხვდებით ჩიტებს, რომლებიც დამსვენებლების ერთგული კომპანიონები იქნებიან. თუ სიმშვიდე და ყოველდღიური ცხოვრებისაგან დასვენება გსურთ, მარილიანი ტბების სანაპიროზე დაგეგმეთ გასვლა და დატკბით აქ არსებული ბუნებით.

ჰალა სულთანის თეკე არის ძველი ისლამური კომპლექტი ლარნაკაში – აქ არის მეჩეთი, სამარხი და მავზოლეული. ჰალა სულთანის თეკე მარილის ტბების სანაპიროზე მდებარეობს. ეს შუასაუკუნეების კომპლექტი აუცილებლად უნდა მოინახულოთ ლარნაკაში მოგზაურობისას.

ლარნაკას წმინდა ლაზარეს ბიზანტიური მუზეუმი ბიზანტიურ არტეფაქტებს – ხატებსა და ისტორიულ ნივთებს ინახავს. აქაურობა ლარნაკას კულტურულ ძეგლს წარმოადგენს.

აია ნაპას მონასტერი ქალაქის მთავარი ღირსშესანიშნაობაა. იგი მე-14 საუკუნის ტაძარია. აქ ღვთისმშობლის ხატი იპოვეს და მას მიუძღვნეს მონასტერი. ეკლესიის აგებას მითოლოგიური მნიშვნელობა აქვს.

პაფოსი UNESCO-ს ძეგლთა დაცვის სიაშია შეტანილი. მისი არქეოლოგიური ტერიტორია უძველესი განსახლების კერებიდან შემორჩენილ არტეფაქტებს ინახავს. ისტორიის მოყვარულებს აქაურობა ნამდვილად მოეწონებათ.

თუ ხორცის მოყვარული ხართ, მთავარ კერძად აუცილებლად გასინჯეთ Kleftiko. იგი მზადდება ბატკნის ხორცითა და ბოსტნეულით. გარნირად კი მოყვება კარტოფილი. Kleftiko ტრადიციული ბერძნული კერძია, მისი მომზადება საკმაოდ მარტივია და ნებისმიერ რესტორანში შეძლებთ გასინჯვას. თუ ხორცის მოყვარული ხართ, Kleftiko ნამდვილად მოგეწონებათ.

კვიპროსი პასტას განსხვავებული ვერსიითაც შეძლებს თქვენ გაკვირვებას. მაგალითისთვის, ეს კერძი მზადდება ქათმის ხორცითა და პასტით, მას ზემოდან ასხამენ ლიმონის წვენს. ასევე, შეგიძლიათ მასთან ერთად მიირთვათ ყველიც. როგორც წესი, პასტას პიტნით, დარიჩინით ან ლიმნით მიირთმევენ. აუცილებლად გირჩევდით ბერძნული პასტას დაგემოვნებას.

აფელა კვიპროსის სახასიათო კერძია. იგი სპეციალურად დამარინადებულ ხორცს გულისხმობს. ხორცეულის მოყვარულებს იგი ნამდვილად მოგეწონებათ.

ბერძნული კულინარია გამორჩეულია სალათებით. ალბათ ამიტომაც ვეგეტარიანელებისათვის განსაკუთრებით კომფორტულია კვიპროსში მოგზაურობა. აქ შეხვდებით სალათების მარტივ თუმცა გენიალურ რეცეპტებს, მათი გემო კი ნამდვილად დიდხანს გემახსოვრებათ. მაგალითისთვის გასინჯეთ პომიდვრისა და გრილზე შემწვარი ყველის სალათა. არ დაგავიწყდეთ ბერძნული ზეითუნის ზეთის გამოყენება სალათებში.

კვიპროსში აუცილებლად უნდა გასინჯოთ ბერძნული კულინარიის საპატიო წარმომადგენელი სუვლაკი. იგი პიტაში გახვეული ხორცისა და ბოსტნეულის ერთობას წარმოადგენს. თუმცა, შეგიძლიათ ხორცის გარეშეც მიირთვათ.

შემწვარი ყველი კვიპროსელების საყვარელი პროდუქტია. ჰალუმის უგემრიელესი შემწვარი ყველი რძის პროდუქტების მოყვარულებისათვის ნამდვილი სამოთხეა.

Mall of Cyprus – ნიკოსიაში ყველაზე დიდი საშოპინგო ცენტრი დაგხვდებათ. აქ ნებისმიერ ნივთს იპოვით, იქნება ეს საერთაშორისო ბრენდების თუ ადგილობრივი წარმოების ტანსაცმელი და აქსესუარები.

Metropolis Mall – ყველაზე ცნობილი მოლი ლარნაკაში. აქ შეგიძლიათ იშოპინგოთ, შეხვიდეთ სალონებში თუ ეწვიოთ ადგილზე მდებარე კაფე-რესტორნებს.

Kings Avenue Mall – ეს საშოპინგო ცენტრი ქალაქ პაფოსში მდებარეობს. აქ ყველა ასაკის ადამიანისათვის უნიკალური ნივთები მოიპოვება. მოლში შეძლებთ შოპინგს, დასვენებასა თუ გართობას. ეწვიეთ მის კვების ობიექტებსაც.

ლიმასოლი, ნიკოსია და ლარნაკა შოპინგისთვის იდეალურ შესაძლებლობას მოგცემთ. აქაურ მოლებსა და ბაზრობებზე ნახავთ საკმაოდ ბიუჯეტურ პროდუქციას. საერთაშორისოდ ცნობილი ბრენდების ნაწარმი შეგიძლიათ მისაღებ ფასად იყიდოთ. იაფად ნახავთ სუვენირებსა და კულინარიულ პროდუქტებსაც. ქალაქების მარკეტებში კი ყოველდღიური მოხმარების კერძებსა და პროდუქტებს ბიუჯეტურად შეიძენთ.

Larnaca Municipal Market – ამ ბაზარს ლარნაკას მოსახლეობა დილაობით სტუმრობს. აქ ნახავთ როგორც ხილსა და ბოსტნეულს და ადგილობრივი წარმოების სხვა პროდუქტებს, ასევე შეგიძლიათ დაათვალიეროთ მყიდველების მიერ გამოტანილი სხვადასხვა საოჯახო თუ სასუვენირო ნივთები.

Finikoudes Market – ეს ბაზარი ლარნაკაში ფუნქციონირებს შაბათ-კვირას. აქ შეგიძლიათ ნახოთ სუვენირები, ტანსაცმელი თუ აქსესუარები.

Nicosia’s Old Town Market –  ისტორიითა და კულტურული მნიშვნელობითაა გაჟღენთილი, რაც ვიზიტორებს კვიპროსის უნიკალური გამოცდილების მიღების შესაძლებლობასსთავაზობს. ამ ხმაურიან ბაზარზე შეგიძლიათ იპოვოთ არტისტული ნივთები, გემრიელი ადგილობრივი სამზარეულოს კერძები და ორიგინალური სუვენირები.

Limassol’s Municipal Market –  ლიმასოლის მუნიციპალური ბაზარი კიდევ ერთი ადგილია, რომელიც აუცილებლად უნდა მოინახულონ ლიმასოლში მოგზაურმა შოპოჰოლიკებმა. აქ ნახავთ უნიკალურ ნივთებს, რომლებიც ადგილობრივი მოსახლეობის შემოქმედებითობასა და ოსტატობას წარმოაჩენს.

კვიპროსში ავტობუსები ერთ-ერთი ყველაზე პოპულარული გადაადგილების საშუალებაა. არსებობს როგორც საქალაქო ავტობუსები, არამედ – ქალაქთაშორისიც. ფასები საკმაოდ იაფია, ძირითადად 1-2 ევროს შორის მერყეობს. დღიური ბილეთი 5 ევრო ღირს, 1 კვირაზე გათვლილი ბილეთი კი შეგიძლიათ შეიძინოთ 20 ევროდ.

კვიპროსში ფეხით გადაადგილებას მარტივად შეძლებთ. მის ქალაქებში ძალიან კარგი სასეირნო ბილიკები და ქუჩებია. ღირსშესანიშნაობებამდეც მარტივად მიხვალთ ქალაქის ცენტრში. ფეხით სეირნობისას ქალაქების ბუნებასა და სანახაობებს სხვა თვალით აღმოაჩენს.

შეგიძლიათ მანქანა დაიქირაოთ და კვიპროსის ქალაქებს შორის უპრობლემოდ იმოგზაუროთ. თანაც, სპეციალურ მანქანებსაც დაიქირავებთ ქვიშიან და შედარებით მთიან ადგილებში სამოგზაუროდ. ზაფხულში 50 ევროდან იქირავებთ მანქანას, არატურისტულ სეზონებზე კი 25 ევროდან.

ტაქსით გადაადგილება კვიპროსში მთავრობის მიერ კონტროლდება. მისი ფასი 3 ევროდან იწყება და თითოეულ კილომეტრზე 1 ევრო ემატება. შეგილიათ გამოიძახოთ “საზიარო ტაქსი”, რომელიც 8 მოგზაურს იტევს. საზიარო ტაქსები მთავარ ქალაქებში მარტივად მოგემსახურებათ.

ლარნაკას სანაპირო (Larnaca Beach) – ეს ყველაზე პოპულარული სანაპირო ზოლია ლარნაკაში. იგი ქალაქის ცენტრთან ახლოს მდებარეობს. აქ ნახავთ სხვადასხვა გასართობ სივრცეებს, კაფე-ბარებს და ადგილობრივ ღირსშესანიშნაობებს. ლარნაკას სანაპირო პალმის სასეირნო ბილიკებითაა ცნობილი.

დეკელიას სანაპირო (Dhekelia Beach) – ეს ყველაზე დიდი სანაპირო ზოლია ლარკანაში, მისი სანაპირო თითქოს არასოდეს მთავრდება. აქ ნახავთ რესტორნებსა და კაფე-ბარებსაც, სადაც ადგილობრივი თუ საერთაშორისო კულინარიული შედევრების დაგემოვნებას შეძლებთ.

ნისის სანაპირო (Nissi Beach) – კურორტ აია ნაპაზე მდებარე საოცნებო სანაპირო თავისი ოქროს ქვიშებით, გამჭვირვალე წყლითა და კეთილმოწყობილი სივრცით. სანაპიროს ხშირად მოგზაურების ახდენილ ოცნებასაც ეძახიან.

მაკენზის სანაპირო (Makenzie Beach) – მაკენზის სანაპირო აეროპორტთან ახლოს მდებარეობს. შეგიძლიათ აქ დაისვენოთ და თანაც უყუროთ თვითმფრინავების გადაფრენას.

ლეღვის სანაპირო (Fig Tree Bay) – აია ნაპასთან ახლოს მდებარე სანაპირო. იგი ცნობილია, როგორც ევროპაში მესამე საუკეთესო სანაპირო.

კონოსის სანაპირო (Konnosi Beach) – აია ნაპადან რამდენიმე წუთით სასიარულოა ტრანსპორტით. იგი ცნობილია თავისი კრისტალური წყლითა და ულამაზესი გარემოთი.

ლიმასოლის კარნავალი (Limassol Carnival Festival) – გაზაფხულში მიმდინარე უდიდესი ევროპული კარნავალი. იგი აღდგომიდან 50 დღის შემდეგ იმართება.

მწვანე ორშაბათი (Green Monday) – მარხვის დაწყებამდე რამდენიმე დღით ადრე აღინიშნება. იგი ქალაქ პაფოსში იმართება. აქაურები ფრანებს ჰაერში უშვებენ, პიკნიკს აწყობენ და ისვენებენ.

კიპრიას ფესტივალი (Kypria festival) – კიპრიას ფესტივალი კვიპროსის უდიდესი კულტურული და სახელოვნებო ფესტივალია. ამ დროს ქალაქში მუსიკალური შოუები ეწყობა, მას კვიპროსის მთავრობა აორგანიზებს.

ლიმასოლის ღვინის ფესტივალი (Limassol Wine Festival) – ზაფხულში მიმდინარე ღვინის დიდი ფესტივალი. კვიპროსელები ღვინოს უძველესი დროებიდან აყენებენ. შესაბამისად, აქ ღვინის ფესტივალი განსაკუთრებული მოწადინებით აღინიშნება.

აია ნაპას საერთაშორისო ფესტივალი (Ayia Napa International festival) – აია ნაპას უდიდესი ფესტივალი ოქტომბრის დასაწყისში. ამ დროს ცეცხლით მოცეკვავეები სპეციალურ წარმოდგენებს მართავენ.

გირჩევდით ნახოთ აია ნაპა, ლარნაკა, ლიმასოლი, პაფოსი, ნიკოსია.

პირველ რიგში, ფრენისათვის საჭირო ნივთების წაღება არ დაგავიწყდეთ, იქნება ეს დოკუმენტები, პასპორტი თუ კომფორტული ბალიში. ასევე, შეამოწმეთ ყველა გაჯეტი და დამტენი. კვიპროსში შეგიძლიათ ბევრი იცურაოთ და მზეზე განიტვირთოთ, ამიტომ წაიღეთ საცურაო კოსტიუმები.

კვიპროსის ქალაქები ბრწყინვალე სანაპიროებს გთავაზობთ. აქვე ნახავთ ძველ კულტურულ და ისტორიულ შენობა-ნაგებობებს.

კვიპროსის ქალაქები საკმაოდ იაფია სამოგზაუროდ. აქ ბიუჯეტურად შეძლებთ დასარჩენი ადგილების მოძიებას, კერძების დაგემოვნებას თუ ფრენების შეძენას.

კვიპროსი უსაფრთხო ადგილია ტურისტებისთვის, აქაური ქალაქები მყუდრო, მოწესრიგებული და სანდოდ მოწყობილია. თუმცა, ცხადია, ფრთხილად უნდა იყოთ პირად ნივთებთან სანაპიროებსა თუ ტურისტულ ადგილებში.

კვიპროსში მოგზაურობა უმჯობესია გაზაფხული-ზაფხულის სეზონზე დაგეგმოთ. ამ დროს იდეალური ტემპერატურაა მის ქალაქებში და სანაპიროებზე განტვირთვასა და დასვენებას იდეალურად შეძლებთ.

• ლარნაკას საერთაშორისო აეროპორტი (LCA)
• პაფოსის საერთაშორისო აეროპორტი (PFO)
• ერჯანის საერთაშორისო აეროპორტი (ECN)

საქართველოდან კვიპროსში ფრენები შეგიძლიათ ნახოთ თბილისის, ქუთაისისა და ბათუმის აეროპორტებიდან. ფრენები სრულდება როგორც პირდაპირ, ასევე გადაჯდომით.

საქართველოდან კვიპროსში პირდაპირ ავიარეისებს ახორციელებენ Georgian Airways და  Wizz Air,  გადაჯდომით კი დაფრინავენ: Lufthansa, Pegasus, Turkish Airlines და სხვა ავიაკომპანიები.

გირჩევდით, რომ ავიაბილეთები დაჯავშნოთ 1 ან 2 თვით ადრე. ასევე, უმჯობესია ფრენები შეიძინოთ კვირის დღეებში და არა შაბათ-კვირას. ყველაზე იაფი ფასის მისაღებად კი ეწვიეთ საძიებო პლატფორმა Avia.ge -ს.