ბრიუსელი – გზამკვლევი მოგზაურობის დაგეგმვისთვის

ბრიუსელის ისტორიული ცენტრი (Brussels’ Historic Center) – ეს არეა მათთვისაა, ვინც პირველად აპირებს ქალაქში მოგზაურობას. აქ უამრავი ისტორიული ღირსშესანიშნაობა დაგხვდებათ, შესაბამისად გადაადგილება არ გაგიჭირდებათ.

საბლონის უბანი (Sablon District) – ეს უბანი კი განსაკუთრებით ხელოვნების მოყვარულებისთვისაა. აქ ნახავთ ბევრ ულამაზეს ქუჩას, მნიშვნელოვან გალერეებსა და ხელოვნების გამოფენებს.

გრან-პლასი (The Grand-Place) – ყველაზე ცნობილი უბანი ბრიუსელში. იგი ქალაქის შუაგულს წარმოადგენს. აქ ყველანაირი ღირსშესანიშნაობა თუ რეკრეაციული ზონა ახლოს გექნებათ.

მაროლეს უბანი (Marolles District) – ამ უბანშიიდეალურად იგრძნობთ ბოჰემიურ განწყობას. აქ დაგხვდებათ ვინტაჟური მაღაზიები და ვორქშოფები. ამ არეალში ნამდვილად არ მოიწყენთ.

ევროპული კვარტალი (European Quarter) – ეს უბანი ბევრად უფრო თანამედროვეა წინებთან შედარებით. თანაც, თუ გსურთ ტურისტებისგან გადატვირთულ უბნებს გაერიდოთ და შედარებით მშვიდ გარემოში დაისვენოთ, ევროპულ კვარტალში ამის საშუალება ნამდვილად გექნებათ.

ლუდის სამყარო არა მხოლოდ ქალაქის ღირსშესანიშნაობა, არამედ ინტერაქტიული მუზეუმიცაა. ლუდის მოყვარულებისათვის აქაურობა ნამდვილი სამოთხეა. იგი ლუდის ყველაზე დიდი ცენტრია სამყაროში.

ავტოსამყარო (Autoworld) – აქ ნახავთ მანქანების მსოფლიო კოლექციას, უძველესი წარმოებიდან დღევანდელობამდე. თუ გსურთ გრანდიოზულ ავტოსამყაროში ამოყოთ თავი და მომავლის მანქანებიც დაათვალიეროთ, ეწვიეთ ამ ადგილს ბრიუსელში მოგზაურობისას.

შოკო-სთორი (Choco-Story) – მათთვისაა, ვინც შოკოლადზე გიჟდება და ვილი ვონკას შოკოლადის ქარხანაში მოგზაურობა ერთხელ მაინც ნდომებია. იმოგზაურეთ შოკოლადის სამყაროში და გაიგეთ, თუ როგორ აკეთებდნენ ძველი მაიასა და აცტეკების ცივილიზაციების ხალხი შოკოლადს. ამ პროცესში პროფესიონალი გიდიც იქნება ჩართული და დაგეხმარებათ შოკოლადის სამყარო უკეთ აღმოაჩინოთ.

აფრიკის მუზეუმი (AfricaMuseum Brussels) –  საშუალებას მოგცემთ გაეცნოთ აფრიკის ისტორიასა და კულტურას ბრიუსელში მოგზაურობისას. აქ ნახავთ აფრიკულ არტეფაქტებს, კულტურული მნიშვნელობის გამოფენებს დაათვალიერებთ და მინი-აფრიკულ ტურს მოუწყობთ საკუთარ თავს.

გრან-პლასი ბრიუსელის მთავარ მოედანსა და ტურისტებისთვის აუცილებლად სანახავ ღირსშესანიშნაობას წარმოადგენს. აქ ყოველდღიურად უამრავი ადამიანი იყრის თავს. გრან-პლასზე მოთავსებული ულამაზესი სამეფო სასახლე თქვენს ყურადღებას აუცილებლად მიიქცევს. გრან-პლასს თავისი დიდი ისტორია აქვს და აქ ყოფნისას მისი სრულად მოსმენა ერთხელ მაინც აუცილებლად მოგიწევთ. თუ არქიტექტურული საოცრებების ნახვა გიყვართ, იაფი ფრენები ბრიუსელში ნამდვილ სურპრიზებს მოგიწყობთ.

ბელვიუს მუზეუმი (BELvue Museum) – კარგად დაგანახებთ იმას, თუ რატომ ეწოდება ბრიუსელს ევროპის დედაქალაქი. აქ თავმოყრილია ბელგიის ისტორიული და კულტურული ღირსშესანიშნაობები. ბელვიუს მუზეუმში გაეცნობით ბრიუსელისთვის დამახასიათებელ ტრადიციულ ელემენტებს.

ხელოვნებისა და ისტორიის მუზეუმი მიეძღვნა ბელგიის დამოუკიდებლობის 50 წლის თავს. აქ ნახავთ 6000-მდე არტეფაქტს, ეგვიპტური და რომაული დროიდან. მუზეუმს უდიდესი კოლექცია აქვს და ევროპის ყველაზე გრანდიოზულ მუზეუმად ითვლება.

ატომიუმი მთელი ევროპის ერთ-ერთი ყველაზე ცნობილი ღირსშესანიშნაობაა. საუცხოოა როგორც მისი ექსტერიერი, ასევე აქ მოწყობილი გამოფენები.  შენობიდან ბრიუსელის ულამაზესი პანორამული ხედებით ტკბობაც შეგიძლიათ.

ბრიუსელის არტ-ნუვო და არტ-დეკო სტილი (Brussels Art Nouveau and Art Deco Pass) – ქალაქს სხვა ევროპული ქალაქებისაგან გამოარჩევს. აუცილებლად შეუერთდრით ტურს, რომელიც ბრიუსელის არქიტექტურულ ძეგლებსა და მათ სტილს დაგათვალიერებინებთ.

წმინდა მიქაელისა და გუდულას ტაძარი ბრიუსელის კათოლიკური ეკლესიაა, რომელიც თავისი გოთიკური სტილით გამოირჩევა. ტაძარი ბრწყინვალეა თავისი არქიტექტურით, გრანდიოზული სიმაღლითა და სვეტებით.

Batch – ამ რესტორანში ძალიან მყუდრო და კოსმოპოლიტური გარემო დაგხვდებათ. თუ მნიშვნელოვან ვახშამს გეგმავთ, გირჩევთ აუცილებლად დაჯავშნოთ აქ მაგიდა.

Kolya – ამ ფრანგულ რესტორანში განსაკუთრებული გარემო დაგხვდებათ. გარდა ბრწყინვალე კერებისა, აქაურობა მდიდრული ატმოსფეროთიც დაგაჯილდოვებთ.

Maison Vincent – ეს რესტორანი კი ერთ-ერთი ყველაზე ცნობილია ბრიუსელში. იგი ქალაქის ისტორიულ ცენტრში მდებარეობს და კულინარიული მიგნებებითაც დაიკვეხნის.

ბელგიური ვაფლი რიუსელის სავიზიტო ბარათია. ეს კერძი ყველას თავს შეაყვარებს, მათ შორის მათაც, ვისაც ტკბილეული დიდად არ უყვარს.

Belgian Waffles – ამ პატარა საკონდიტროში ყველაზე გემრიელ ბელგიურ ვაფლებს დააგემოვნებთ.

Waffle Factory – ამ რესტორანში ასევე ნახავთ ბელგიურ ვაფლებს სხვადასხვა ტოპინგებით. არ გაუშვათ შანსი, მსოფლიოში ყველაზე გემრიელი ვაფლების დაგემოვნებისა.

Tope -ეს რესტორანი ქალაქის პანორამულ ხედებს შემოგთავაზებთ. დღის ნებისმიერ მონაკვეთში შეგიძლიათ აქ მოსვლა და ჭიქა სასმლით სიამოვნება.

Secret Rooftop by Warwick – ეს რესტორანი სასტუმროს სახურავზე მდებარეობს. აქ გადაიხდით შესვლის საფასურს და შეგეძლებათ ქალაქის ულამაზესი სანახაობებით დატკბეთ ჭიქა ღვინოსთან ერთად.

58 Brussels – ამ ბარ-რესტორანში ყოფნისას კი თავი ღრუბლებში გეგონებათ. ქალაქი კი თქვენს ხელისგულზე გადაიშლება.

თუ გსურთ ეწვიოთ ადგილს, სადაც ყველაფერი ერთ სივრცეშია თავმოყრილი აუცილებლად ეწვიეთ წმინდა ჰუბერტის გალერეას. გარდა იმისა, რომ გალერეაში უამრავი მაღაზია, კაფე, კინოთეატრიც კი დაგხვდებათ, აქ აუცილებლად მოგნუსხავთ იტალიური სტილით ინსპირირებული არქიტექტურა. გალერეის ჭერი კი შუშისაა და საუცხოო ელფერს სძენს მთელს შენობას.

Sablon and the Marolles – ამ უბნებში შეგეძლებათ ნახოთ ბევრი ბაზარი, ფლი მარკეტები და ვინტაჟური მაღაზიები. აქ შეძლებთ შეიძინოთ სუვენირებიც.

Rue Neuve (Nieuwstraat) – ამ ქუჩაზე დაგხვდებათ უამრავი მაღაზია, მათ შორის მდიდრული სტილის და ცნობილი ბრენდები. ამ ქუჩის გაყოლებაზე აუცილებლად აღმოაჩენთ თქვენთვის სასურველ ტანსაცმელსა თუ აქსესუარებს.

ბრიუსელის მეტროს 6 ხაზი აქვს. იგი მუშაობს დილის 5:30-დან შუაღამემდე. მეტრო ძალიან სწრაფ-სწრაფად, ყოველ 5-10 წუთში მოგემსახურებათ. შესაბამისად, ძალიან სწრაფად და მარტივად შეძლებთ ქალაქში გადაადგილებას.

მართალია ქალაქის უმრავლეს წერტილამდე მეტროთი შეძლებთ გადაადგილებას, თუმცა ავტობუსებიც საკმაოდ ხშირად მოგემსახურებიან, დილის 5:30-დან შუაღამემდე. თუმცა, ქალაქს ჰყავს თავისი ღამის ავტობუსებიც, რომლებიც იმ საათებში მოგემსახურებათ, როცა დღის ავტობუსები დაამთავრებენ მუშაობას. ერთჯერადი ბილეთი დაახლოებით 2 ევრო დაგიჯდებათ.

პრაღის ტაქსები შედარებით ძვირი ალტერნატივაა, თუმცა ძალიან კომფორტულად და სწრაფად შეძლებთ ასე გადაადგილებას. ტაქსის ტარიფი 2.60 ევროდან იწყება და ყოველ კილომეტრზე ემატება საფასური. თუმცა, თუ ქალაქგარეთ გეგმავთ ტაქსითი მგზავრობას, შედარებით ძვირი დაგიჯდებათ. Uber ყველაზე პოპულარული და სანდო ტაქსის სერვისია ბრიუსელში.

ბრიუსელს ტრამვაის 19 ხაზი აქვს. ტრამვაი მოგემსახურებათ დილის 6 საათიდან შუაღამემდე. ტრამვაი გადაადგილების ყველაზე სწრაფი საშუალებაა. ერთი გზა დაახლოებით 2 ევრო დაგიჯდებათ. არ დაგავიწყდეთ ბილეთის ვალიდაცია, რათა არ დაჯარიმდეთ.

ბრიუსელის ღირსშესანიშნაობების უმეტესობის მონახულებას ფეხით შეძლებთ. ქალაქის ცენტრში სეირნობა ძალიან მარტივია და კარგი გამოცდილებაცაა. ხოლო, გარეუბნებში უმჯობესია გადააადგილდეთ საზოგადოებრივი ტრანსპორტით.

წყლის ავტობუსი (WaterBus) – გადაადგილების განსაკუთრებით სასიამოვნო საშუალებაა. სენას არხზე შეგიძლიათ გადაადგილდეთ წყლის ავტობუსით. ერთი გზა ზრდასრულ ადამიანს 3.50 ევრომდე დაუჯდება. წყლის ავტობუსით მიიღებთ უნიკალურ გამოცდილებას ქალაქის დასათვალიერებლად. წყლის ავტობუსს სულ 6 გაჩერება აქვს.

ეს პარკი მე-19 საუკუნის ბოლოს იღებს სიმბოლურ მნიშვნელობას, როდესაც ლეოპოლდ მეორემ გადაწყვიტა ბრიუსელში მსოფლიო დონის გამოფენა მოეწყო ბელგიის თავისუფლების ორმოცდაათი წლისთავის ნიშნად. დღესაც პარკი ადგილობრივებისთვის დიდ კულტურულ მნიშვნელობას ატარებს.

ბრიუსელის პარკი ქალაქის ყველაზე დიდი საჯარო პარკია. იგი მდებარეობს ბრიუსელის სამეფო რეზიდენციის მაღლა. პარკი ფაქტობრივად ღირსშესანიშნაობებითაა გარშემორტყმული, ამიტომ თუ გადაიღლებით ბრიუსელის დათვალიერებით, ამ პარკში შეგიძლიათ განიტვირთოთ. სივრცე ადრე სანადიროდ გამოიყენებოდა, დღეს კი ქალაქის ღირსშესანიშნაობა და რეკრეაციული ზონაა.

ელისაბედის პარკი კარგი დასასვენებელი ადგილია. თუ გსურთ, ქალაქის ხმაურს თავი შეაფაროთ, ეს პარკი ამისთვის კარგ შესაძლებლობას მოგცემთ. აქ შეგიძლიათ ბუნებაში გაისეირნოთ ან რამდენიმე წუთით ან საათით დაისვენოთ მისი ხეების ჩრდილში.

ლეოპოლდის პარკი ყველაზე ცნობილია ბრიუსელში. აქ შეგიძლიათ განიტვირთოთ ან ქალაქის ულამაზესი ბუნებით დატკბეთ. აქ ევროპული პარლამენტიც მდებარეობს. პარკში ულამაზესი ბაღები დაგხვდებათ. ეს პარკი მე-19 საუკუნეში გაშენდა და ქალაქის ერთ-ერთ ღირსშესანიშანაობას წარმოადგენს.

ბრიუსელის ბოტანიკური ბაღი ქალაქის ცალკე ღირსშესანიშნაობას წარმოადენს. გარდა იმისა, რომ აქ უამრავი ლამაზი ბაღი დაგხვდებათ, შეძლებთ გაისეირნოთ უალამზესად მოწყობილ ხეივნებში.

დუდენის პარკი ქალაქის საჯარო პარკია. პარკის დიდი ტერიტორია და აქ გაშენებული ტყეები კარგ გარემოს შეგიქმნით განსატვირთად და დასასვენებლად.

3 დღე საკმარისია ქალაქის დასათვალიერებლად, მაგრამ თუ აპირებთ რომ შეიძინოთ იაფი ფრენები ბრიუსელში , გირჩევდით ცოტა დიდხანს გაჩერდეთ ქალაქში, რადგან იგი თავს აუცილებლად შეგაყვარებთ და ადრე წამოსვლა დაგენანებათ.

პირველ რიგში, არ დაგავიწყდეთ მოგზაურობისათვის აუცილებელი დოკუმენტების მომზადება, იქნება ეს პასპორტი თუ საიდენტიფიკაციო ბარათი. ასევე, წაიღეთ რაც შეიძლება კომფორტული და სეზონისთვის შესაფერისი ტანსაცმელი და შეამოწმეთ ყველა გაჯეტი და დამტენი. უმჯობესი იქნება, თუ წაიღებთ კომფორტულ ზურგჩანთას, რადგან ბრიუსელში ბევრი სიარული მოგიწევთ და სასეირნო ადგილებიც ბევრია. ასევე, საჭიროებისამებრ, გირჩევდით წაიღოთ პორტატული დამტენი და ფოტოების გადაღების მოყვარულებს, არ დაგრჩეთ ფოტოაპარატიც. აქ ხშირად წვიმიანი ამინდებია, ამიტომ არ დაგრჩეთ ქოლგა და საწვიმარი.

ბრიუსელში ვიზიტისას არ უნდა გამოგრჩეთ მისი მუზეუმებისა და გალერეების დათვალიერება. აუცილებლად ისეირნეთ მის ქუჩებში და დატკბით ქალაქის საუცხოო არქიტექტურით.

ბრიუსელი ევროპის დედაქალაქია – აქ ვიზიტი არც ისე იაფია, თუმცა თუ მოგზაურობას სწორად და ადრიანად დააორგანიზებთ, საკმაოდ ბიუჯეტურად შეძლებთ ქალაქის მონახულებას და დასარჩენი ადგილის დაჯავშნასაც.

ბრიუსელში კრიმინალისა და წვრილმანი ხულინგნობების რიცხვი არც ისე დაბალია, თუმცა ტურისტულ ადგილებში თუ იმოგზაურებთ და მოერიდებით ღამით ბნელ ქუჩებში სიარულს, ქალაქში გადაადგილებას მშვიდად და უსაფრთხოდ შეძლებთ.

გაზაფხული საუკეთესო დროა ბრიუსელში ვიზიტისთვის, რადგან ამ დროს არც ცუდი ამინდები შეგაწუხებთ და არც ხალხმრავლობა ქალაქში გადაადგილებისას.

(BRU) – ბრიუსელის აეროპორტი ყველაზე ახლოს მდებარეობს ქალაქის ცენტრთან.

თბილისიდან და ბათუმიდან ბრიუსელში მხოლოდ გადაჯდომით, ქუთაისიდან კი პირდაპირი ავიარეისებით შეძლებთ გამგზავრებას.

ქუთაისიდან პირდაპირ ფრენებს ახორციელებს ავიაკომპანია Wizz Air. ბათუმიდან გადაჯდომით ფრენებს შემოგთავაზებთ Turkish Airlines, თბილისიდან კი Pegasus, SkyExpress, Lufthansa და სხვა.

მოგზაურობის მაქსიმალურად ბიუჯეტურად დაგეგმვისათვის, პირველ რიგში აუცილებელია 1 ან 2 თვით ადრე შეიძინოთ ავიაბილეთები და დასვენება არ დაამთხვიოთ დიდ დღესასწაულებს. ასევე, საუკეთესო ფასების მისაღებად უნდა გამოიყენოთ ავიაბილეთების საძიებო სისტემა, როგორიცაა avia.ge