ირლანდიური დაბალბიუჯეტური ავიაკომპანია Ryanair უკრაინის მიმართულებით ფრენების განახლებას გეგმავს. ავიაკომპანიის აღმასრულებელმა დირექტორმა, მაიკლ ო’ლირიმ, The Telegraph-თან ინტერვიუში აღნიშნა, რომ რაინეარი ამზადებს სტრატეგიას, რომელიც საშუალებას მისცემს ფრენები განაახლოს ომის დასრულებიდან ექვსი კვირის განმავლობაში.
მისი თქმით, ფრენების განახლებისთვის აუცილებელია საომარი მოქმედებების ოფიციალური შეწყვეტა, რათა შესრულდეს ევროპის საავიაციო უსაფრთხოების სააგენტოს (EASA) მოთხოვნები.
Ryanair გეგმავს, რომ კიევისა და ლვოვის მიმართულებით დაახლოებით 24 მარშრუტი შეასრულოს, რისთვისაც გამოიყენებს ლონდონის სტენსტედისა და პარიზის ორლიის აეროპორტებიდან გადამისამართებულ რეისებს. ოდესაში ფრენების განახლება შესაძლოა უფრო მეტ დროს მოითხოვდეს, რადგან აღმოსავლეთ და სამხრეთ რეგიონებში, მათ შორის ხერსონის აეროპორტში, მნიშვნელოვანი ნგრევაა.
პირდაპირი ფრენები თბილისიდან
| დანიშნულების ადგილი | გამგზავრება | დაბრუნება | ავიაკომპანია | ბილეთების პოვნა |
|---|---|---|---|---|
| სოჭი | 19 ივნისი 2026 | 23 ივნისი 2026 |  | ავიაბილეთები 492 -დან |
| ალმაატა | 18 სექტემბერი 2026 | 25 სექტემბერი 2026 |  | ავიაბილეთები 1 114 -დან |
| ამსტერდამი | 8 ოქტომბერი 2026 | 11 ოქტომბერი 2026 |  | ავიაბილეთები 732 -დან |
| ანკარა | 19 ნოემბერი 2026 | 22 ნოემბერი 2026 |  | ავიაბილეთები 377 -დან |
| ათენი | 24 ოქტომბერი 2026 | 28 ოქტომბერი 2026 |  | ავიაბილეთები 535 -დან |
შეგახსენებთ, რომ Marsh McLennan-ის უფროსმა პარტნიორმა, კრისპინ ელისონმა განაცხადა, რომ უკრაინის აეროპორტები შესაძლოა 2025 წელს გაიხსნას .
ამასთან, უკრაინა აქტიურად მართავს მოლაპარაკებებს აშშ-სა და ევროკავშირის მარეგულირებლებთან საჰაერო მიმოსვლის აღდგენის საკითხზე და ასევე კონსულტაციებს გადის ისრაელის სამოქალაქო ავიაციის სამსახურთან. ლვოვის საერთაშორისო აეროპორტი სწავლობს ფრენების აღდგენის შესაძლებლობას საომარი მდგომარეობის პირობებში უსაფრთხოების დაცვით.
დაეგეგმეთ მოგზაურობა ყველაზე მარტივად Avia.ge-სთან ერთად! დაგვირეკეთ: 551 907 907
