2024 წლის იანვარ-ნოემბერში საქართველოს აეროპორტებმა მგზავრთნაკადის 42%-იანი ზრდა აჩვენეს პანდემიამდელ დონესთან შედარებით. ეკონომიკისა და მდგრადი განვითარების სამინისტროს სამოქალაქო ავიაციის სააგენტოს მონაცემებით, ამ პერიოდში ქვეყნის აეროპორტებმა რეგულარული და არარეგულარული რეისებით 6 908 493 მგზავრი მოემსახურა, რაც 2023 წლის ანალოგიური პერიოდის მაჩვენებელს 25%-ით, ხოლო 2022 წლისას 70%-ით აჭარბებს.
სტატისტიკის მიხედვით, პანდემიამდე, 2019 წლის იანვარ-ნოემბერში, საქართველოს აეროპორტებში 4 877 967 მგზავრი დაფიქსირდა, 2022 წელს – 4 059 453, 2023 წელს – 5 525 365, ხოლო 2024 წელს – 6 908 493 მგზავრი.
პირდაპირი ფრენები თბილისიდან
| დანიშნულების ადგილი | გამგზავრება | დაბრუნება | ავიაკომპანია | ბილეთების პოვნა |
|---|---|---|---|---|
| სოჭი | 20 ივნისი 2026 | 22 ივნისი 2026 |  | ავიაბილეთები 484 -დან |
| ალმაატა | 16 ოქტომბერი 2026 | 19 ოქტომბერი 2026 |  | ავიაბილეთები 1 119 -დან |
| ამსტერდამი | 15 ოქტომბერი 2026 | 22 ოქტომბერი 2026 |  | ავიაბილეთები 637 -დან |
| ანკარა | 17 სექტემბერი 2026 | 19 სექტემბერი 2026 |  | ავიაბილეთები 381 -დან |
| ათენი | 28 სექტემბერი 2026 | 2 ოქტომბერი 2026 |  | ავიაბილეთები 497 -დან |
| აბუ დაბი | 20 ივნისი 2026 | 23 ივნისი 2026 |  | ავიაბილეთები 864 -დან |
თბილისის საერთაშორისო აეროპორტი – 2024 წლის იანვარ-ნოემბერში 4 406 773 მგზავრი გაატარა, რაც 2023 წლის იმავე პერიოდთან შედარებით 30%-იანი ზრდაა. 2023 წელს აეროპორტმა 3 390 432 მგზავრს, 2022 წელს — 2 736 990, ხოლო 2019 წელს — 3 470 415 მგზავრს მოემსახურა. 2024 წლის მონაცემები აჩვენებს, რომ 2019 წელთან შედარებით ზრდამ 27%, ხოლო 2022 წელთან შედარებით 61% შეადგინა.
ბათუმის საერთაშორისო აეროპორტი – 2024 წლის იანვარ-ნოემბერში მგზავრთნაკადი 897 159-ს შეადგენდა, რაც 2019 წლის მაჩვენებელთან შედარებით 50%-იანი ზრდაა. 2023 წლის ანალოგიური პერიოდის 592 958 მგზავრთან შედარებით ზრდა 51%-ს, ხოლო 2022 წლის 584 114 მგზავრთან შედარებით 54%-ს შეადგენს.
ქუთაისის საერთაშორისო აეროპორტი – 2024 წლის იანვარ-ნოემბერში 1 580 203 მგზავრს მოემსახურა, რაც 2019 წლის მონაცემებთან შედარებით 100%-იანი ზრდაა. 2023 წელს აეროპორტმა 1 514 105 მგზავრი გაატარა, 2022 წელს — 710 764 მგზავრი, ხოლო 2019 წელს — 791 399 მგზავრი. 2024 წელს 2023 წელთან შედარებით 4%-იანი და 2022 წელთან შედარებით 122%-იანი ზრდა დაფიქსირდა.
დაჯავშნეთ ავიაბილეთები იაფად ნებისმიერი მიმართულებით. დაგვირეკეთ: 551 907 907
