2024 წლის აპრილში, ვენეციაში ტურისტული ვიზიტი ფასიანი გახდა და მოგზაურებს ქალაქში შესასვლელად 5 ევროს გადახდა დაუწესა. ვინაიდან, ხელისუფლებას სჯეროდა, რომ აღნიშნული, ხელს შეუწყობდა ოვერტურიზმთან გამკლავებას. ახლა კი, სურთ ისტორიული ნაწილის დათვალიერების საფასურის გაზრდაც.
2025 წელს საფასურის 10 ევრომდე გაზრდაა დაგეგმილი. ხელისუფლების განცხადებით, ეს იმისათვისაა საჭირო, რომ შემცირდეს ვიზიტორების რაოდენობა და ადგილობრივები გახდნენ მოტივირებულნი, რომ დასახლდნენ ქალაქის ისტორიულ ნაწილშიც.
საცდელი პერიოდის განმავლობაში, ვენეციამ 2,2 მილიონი ევროს შემოსავალი მიიღო. თუმცა, ხელისუფლების თქმით, მათი გადაწყვეტილების მთავარ მიზანს, მატერიალური მხარე არ წარმოადგენს. ქალაქი ასევე დააწესებს ჯარიმებს მათზე, ვინც შესვლის გადასახადს არ/ვერ გადაიხდის.
აღსანიშნავია, რომ ტურისტული გადასახადის გადახდა იმ ტურისტებს მოუწევთ, რომლებიც მხოლოდ ერთი დღით სტუმრობენ ვენეციას და ღამის გათევას არ აპირებენ. ხოლო ისინი, ვინც ქალაქში ერთი ღამით მაინც დარჩებიან, გადასახადისგან განთავისუფლდებიან.
გადასახადისგან ასევე სრულიად გათავისუფლდებიან სტუდენტები, იტალიის რეზიდენტები, ის მგზავრები, რომლებიც ქალაქგარეთ სამსახურისთვის გადაადგილდებიან და 14 წლამდე ასაკის ბავშვები.
