უნგრული დაბალბიუჯეტიანი ავიაკომპანია Wizz Air -ის მარშრუტების ქსელის მორიგი შემცირება საქართველოზეც აისახა. როგორც მოგეხსენებათ, ავიაკომპანია ფრენებს ქუთაისის საერთაშორისო აეროპორტი -დან გვთავაზობს. სრულად შეჩერდება ფრენა ქუთაისსა და გდანსკს შორის. ხოლო იტალიის მიმართულებით, ქუთაისი რომი -ს რეისზე, თვითმფრინავი ფიუმიჩინოს საერთაშორისო აეროპორტის ნაცვლად, ჩამპინოს აეროპორტში დაჯდება. ამ გადაწყვეტილების შესახებ ცნობილი მანამდეც იყო და ძალაში მარტის ბოლოდან შედის.
რეისების შეჩერებისა და შეცვლის გადაწყვეტილება შეეხება სხვა ქვეყნებსაც, მათ შორის: იტალიას, საბერძნეთს, პორტუგალიას, საუდის არაბეთს, დიდ ბრიტანეთს, გერმანიას, საფრანგეთს, ავსტრიას, სერბეთს, ლიეტუვას, ლატვიასა და სხვა – წერს პორტალი LowcostAvia
ავიამიმოსვლის გრაფიკში შეტანილი ცვლილებების მიზეზად ავიაკომპანია ვიზეარი Airbus-ის ძრავების მომსახურებასთან დაკავშირებულ გამოწვევებს ასახელებს. Airbus -ების შემოწმების პროცესი 2023 წელს დაიწყო, Pratt & Whitney-ის PW1100G ძრავებში აღმოჩენილი ხარვეზის გამო, რაც ამცირებს ექსპლუატაციის ვადებს.
Wizz Air პირდაპირი ფრენები ქუთაისიდან
| დანიშნულების ადგილი | გამგზავრება | დაბრუნება | ავიაკომპანია | ბილეთების პოვნა |
|---|---|---|---|---|
| ათენი | 21 თებერვალი 2025 | 26 თებერვალი 2025 |  | ავიაბილეთები 175 -დან |
| ბარსელონა | 8 თებერვალი 2025 | 15 თებერვალი 2025 | | ავიაბილეთები 438 -დან |
| ბერლინი | 6 თებერვალი 2025 | 16 თებერვალი 2025 | | ავიაბილეთები 285 -დან |
| ბრიუსელი | 27 ნოემბერი 2024 | 4 დეკემბერი 2024 | | ავიაბილეთები 288 -დან |
| ბუდაპეშტი | 22 იანვარი 2025 | 28 იანვარი 2025 | | ავიაბილეთები 233 -დან |
| კოპენჰაგენი | 4 დეკემბერი 2024 | 15 დეკემბერი 2024 | | ავიაბილეთები 249 -დან |
| დორტმუნდი | 17 თებერვალი 2025 | 21 თებერვალი 2025 | | ავიაბილეთები 195 -დან |
| მემინგენი | 16 იანვარი 2025 | 25 იანვარი 2025 | | ავიაბილეთები 203 -დან |
| ფრანკფურტი | 23 დეკემბერი 2024 | 17 იანვარი 2025 | | ავიაბილეთები 246 -დან |
| კატოვიცა | 7 იანვარი 2025 | 11 იანვარი 2025 | | ავიაბილეთები 302 -დან |
შემოწმების პროცესი ავიაკომპანიისთვის დამატებითი საზრუნავი გახდა, რადგან საჰაერო ხომალდების გაჩერებას მოითხოვს. აღსანიშნავია, რომ მსგავს პრობლემებს წააწყდნენ ასევე სხვა ავიაკომპანიებიც.
LowcostAvia -ს ცნობით, არ არის გამორიცხული, რომ 2024 წლის პირველი კვარტლის ბოლოსთვის Wizz Air -ს, სულ ცოტა, 45 თვითმფრინავის გაჩერება მოუწიოს, რაც ავიაკომპანიის ავიაპარკის 1/5-ს შეადგენს.
Wizz Air საქართველოში 2012 წლიდან ოპერირებს და ქვეყანაში ბაზრის აბსოლუტური ლიდერია. ავიაკომპანიის ბაზა ქუთაისის აეროპორტში 2023 წლის განმავლობაში 4 თვითმფრინავამდე გაიზარდა.
