Wizz Air -ის მგზავრებს უკვე შეუძლიათ შეუფერხებლად დაჯავშნონ სხვადასხვა ღირსშესანიშნაობის ტურები, ატრაქციონებისა და მუზეუმების ბილეთები, სპორტული აქტივობები, თეატრალური წარმოდგენები და ღონისძიებები ავიაკომპანიის ვებსაიტისა და აპლიკაციის საშუალებით.
ევროპის ყველაზე სწრაფად მზარდი და ყველაზე მდგრადი ავიაკომპანია, მგზავრებს ახალ სერვისს სთავაზობს. WIZZ Experiences შეიქმნა Coras-თან პარტნიორობით, რომელიც ერთადერთი API-ის მეშვეობით, საუკეთესო ღონისძიებებისა და აქტივობების ბილეთების უმსხვილესი ონლაინ პროვაიდერია.
იზეარი ს მომხმარებლებისთვის, უკვე ხელმისაწვდომია 10 მილიონზე მეტი ბილეთი, რომელიც მოიცავს 65-ზე მეტი ქვეყნის ღირსშესანიშნაობასა თუ გასართობ აქტივობას 300 ქალაქში, 20 ენაზე. ფრენის შერჩევის შემდეგ, მგზავრებს შეუძლიათ დაათვალიერონ შეთავაზებები მხოლოდ ერთი დაწკაპუნებით. ყველა ბილეთი ხელმისაწვდომია Wizz Air-ის ოფიციალურ ვებსაიტზე და აპლიკაციაზე, მარტივი დაჯავშნის პროცესის მეშვეობით.
Wizz Air-ის სხვადასხვა მიმართულებაზე ყველაზე პოპულარული აქტივობებია:
- საბერძნეთი : დაივინგი, ბერძნული ტრადიციული მუსიკის საღამო, ზეითუნის ზეთის დეგუსტაცია და ვახშამი;
- დიდი ბრიტანეთი : საუკეთესო სპორტული ღონისძიებები, ცოცხალი მუსიკა და უესტ-ენდის შოუები, მათ შორის ჰამილტონი და მეფე ლომი;
- ესპანეთი : პრადოს მუზეუმის ტური მადრიდში ან საგრადა ფამილიას ტური ბარსელონაში; ველოტური მადრიდის ღირსშესანიშნაობების მოსანახულებლად და მალაგას სამი საუკეთესო ტაპას ბარის ვიზიტი ადგილობრივ გიდთან ერთად; ბილეთები ბარსელონას საფეხბურთო მატჩზე;
- საფრანგეთი : ბილეთების შეძენა რიგში დგომის გარეშე ისეთ ადგილებში, როგორებიცაა: პარიზის ეიფელის კოშკი, ლუვრის მუზეუმი ან ტური ვერსალის სასახლისა და ბაღების მიმართულებით;
- იტალია : მცირე ჯგუფური ტური პომპეიში არქეოლოგთან ერთად; ტური ვატიკანში გიდთან ერთად; ბილეთები კოლიზეუმში ან უფიცის გალერეაში ან მილანის საფეხბურთო გუნდის თამაშებზე დასწრება.
Wizz Air პირდაპირი ფრენები ქუთაისიდან
| დანიშნულების ადგილი | გამგზავრება | დაბრუნება | ავიაკომპანია | ბილეთების პოვნა |
|---|---|---|---|---|
| ათენი | 19 ნოემბერი 2025 | 26 ნოემბერი 2025 |  | ავიაბილეთები 322 -დან |
| ბარსელონა | 27 ოქტომბერი 2025 | 7 ნოემბერი 2025 | | ავიაბილეთები 716 -დან |
| ბერლინი | 6 აგვისტო 2025 | 13 აგვისტო 2025 | | ავიაბილეთები 850 -დან |
| ბრიუსელი | 2 ოქტომბერი 2025 | 5 ოქტომბერი 2025 | | ავიაბილეთები 492 -დან |
| ბუდაპეშტი | 26 სექტემბერი 2025 | 30 სექტემბერი 2025 | | ავიაბილეთები 325 -დან |
| დორტმუნდი | 26 ივლისი 2025 | 29 ივლისი 2025 | | ავიაბილეთები 990 -დან |
| მემინგენი | 20 ნოემბერი 2025 | 27 ნოემბერი 2025 | | ავიაბილეთები 339 -დან |
| ფრანკფურტი | 8 აგვისტო 2025 | 15 აგვისტო 2025 | | ავიაბილეთები 779 -დან |
| ჰამბურგი | 26 აგვისტო 2025 | 2 სექტემბერი 2025 | | ავიაბილეთები 855 -დან |
| კატოვიცა | 25 დეკემბერი 2025 | 3 იანვარი 2026 | | ავიაბილეთები 530 -დან |
ჯეიმს გუდვინი, Wizz Air-ის Ancillary Revenue-ის ხელმძღვანელი: „მოხარულები ვართ, რომ მომხმარებლებს კიდევ ერთ დამატებით სერვისს, WIZZ Experiences-ს ვთავაზობთ. ამ ახალი სერვისის საშუალებით მგზავრებს წვდომა, ერთ სივრცეში, 10 მილიონზე მეტი ატრაქციონის ბილეთზე ექნებათ. დამხმარე პროდუქტებისა და პარტნიორული სერვისების გამოყენებით, ჩვენს მგზავრებს შეუძლიათ დაგეგმონ მთელი მოგზაურობა Wizz Air-ის აპლიკაციით: ფრენის ოპტიმალური დროისა და ფასის არჩევა, ბორტზე შოპინგი, ტრანსფერები, სასტუმროების და ამიერიდან უკვე სხვადასხვა აქტივობის დაჯავშნაც. ჩვენ გავაგრძელებთ ჩვენი შეთავაზებების გამრავალფეროვნებას, რათა Wizz Air-მა ნებისმიერი მოგზაურის საჭიროებებს უპასუხოს.”
მარკ მაკლაფლინი, Coras-ის აღმასრულებელი დირექტორი: „Coras-ისა და Wizz Air-ის თანამშრომლობით, მგზავრები მარტივად და შეუფერხებლად შეძლებენ საუკეთესო ღონისძიებებისა და აქტივობების ბილეთების შეძენას – ცოცხალი კონცერტები და საკულტო ატრაქციონები, პრემიერ ლიგის ფეხბურთის თამაშები მოგზაურობისას მთავარი მამოძრავებელი ძალაა.”
