უნგრეთში სამუშაო ვიზიტით მყოფი ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი, უნგრული დაბალბიუჯეტიანი ავიაკომპანიის Wizz Air – ის პრეზიდენტს, რობერტ კერის შეხვდა. შეხვედრას ასევე მინისტრის მოადგილე მარიამ ქვრივიშვილი და საქართველოს ელჩი უნგრეთში თამარ ლილუაშვილიც დაესწრნენ.
შეხვედრაზე დადებითად შეფასდა ვიზეარ -ის საქმიანობა საქართველოში. ავიაკომპანიის ხელმძღვანელობის მხრიდან აღინიშნა, რომ ქუთაისის მიმართულება ავიაკომპანიისთვის ერთ-ერთი ყველაზე წარმატებულია მიმართულებაა და ითქვა, რომ მგზავრების გადაყვანის კუთხით wizzair -ს საქართველოს საავიაციო ბაზარზე მოწინავე ადგილი უკავია.
ამასთან, ყურადღება გამახვილდა ქუთაისის აეროპორტი -ში უნგრული ავიაკომპანიის მეოთხე ბაზირებული ხომალდის დამატების საკითხზეც, რომელიც 2023 წლის პირველი დეკემბრიდან იგეგმება. ამას კი 1 ახალი ევროპული მიმართულებით ოპერირების დაწყება მოჰყვება.
პირდაპირი ფრენა მეოთხე ბაზირებული თვითმფრინავით ქუთაისიდან კოპენჰაგენის მიმართულებით დაიწყება და ავიაკომპანიის მიერ საქართველოდან ოპერირებული მიმართულებების ჯამი 28-ს გახდება, მათ შორის, 20 მიმართულება ბაზირებული საჰაერო ხომალდით შესრულდება.
ქუთაისი კოპენჰაგენი
| Departure at | Return at | Stops | Airline | Find tickets |
|---|---|---|---|---|
| 12 August 2026 | 19 August 2026 | 2 Stops |  | ავიაბილეთები 1 008 -დან |
| 22 August 2026 | 30 August 2026 | 1 Stop |  | ავიაბილეთები 1 317 -დან |
| 26 September 2026 | 29 September 2026 | 2 Stops | | ავიაბილეთები 891 -დან |
| 22 November 2026 | 29 November 2026 | 2 Stops | | ავიაბილეთები 397 -დან |
| 3 January 2027 | 10 January 2027 | 2 Stops | | ავიაბილეთები 909 -დან |
შეხვედრაზე მხარეებმა ასევე განიხილეს და შეთანხმდნენ საქართველოს მოქალაქეების ავიაკომპანიაში დასაქმების ხელშეწყობის პროგრამების ერთობლივ შემუშავებაზე. გამომდინარე იქიდან, რომ Wizz Air -ი ერთ-ერთი მსხვილი დამსაქმებელია გლობალურ საავიაციო ინდუსტრიაში, შემუშავდება ერთობლივი პროექტები, რომლებიც, ერთი მხრივ, ხელს შეუწყობს საქართველოს ავიაციის ინდუსტრიაში პროფესიულ განათლების განვითარებას, მეორე მხრივ კი, საქართველოს მოქალაქეებს მისცემს ისეთ მსხვილ ავიაკომპანიებში დასაქმების შესაძლებლობას, როგორიცაა Wizz Air.
