Wizz Air 2025 წლის 1 სექტემბრიდან აბუ-დაბიში ყველა რეისს აჩერებს, რისი მიზეზიც რეგიონში არსებული ბაზრის დინამიკა, ოპერაციული სირთულეები და რთული გეოპოლიტიკური ვითარებაა. ამის შესახებ ავიაკომპანიამ განაცხადა.
როგორც იცით, Wizz Air Abu Dhabi-ის ფრენები ქუთაისიდანაც სრულდება, კომპანიის ცნობით კი ავიამიმოსვლა ქუთაისი აბუ-დაბი -ს მიმართულებითაც შეჩერდება.
Wizz Air-ის განცხადების ძირითადი მიზეზები და შედეგები:
Wizz Air Abu Dhabi-ს ბოლო ერთი წლის განმავლობაში შეექმნა გრძელვადიანი ოპერაციული სირთულეები, მათ შორის:
- ტექნიკური პრობლემები ცხელი და რთული კლიმატის გამო, რამაც გავლენა მოახდინა თვითმფრინავების ხელმისაწვდომობასა და ოპერაციულ ეფექტურობაზე.
- გეოპოლიტიკური არასტაბილურობა, რამაც გამოიწვია საჰაერო სივრცის დახურვა, რეგიონული შეფერხებები და მოთხოვნის შემცირება.
- რეგულატორული ბარიერები, რომლებმაც შეზღუდეს კომპანიის შესაძლებლობები, გასულიყო სხვა მნიშვნელოვან ბაზრებზე და გაფართოებულიყო.
ეს ფაქტორები მნიშვნელოვნად ზღუდავს Wizz Air-ის ულტრა-დაბალბიუჯეტიანი მოდელის სიცოცხლისუნარიანობას რეგიონში და არ აძლევს მას საშუალებას, მიაღწიოს მომგებიანობას ევროპულ მიმართულებებთან შედარებით.
Wizz Air აძლიერებს ყურადღებას თავის ძირითად ბაზრებზე ცენტრალურ და აღმოსავლეთ ევროპაში, ასევე დასავლეთ ევროპის ქვეყნებში, როგორიცაა ავსტრია, იტალია და გაერთიანებული სამეფო. ამ სტრატეგიული გადაწყვეტილებით კომპანია რესურსებს მიმართავს იმ რეგიონებისკენ, სადაც გრძელვადიან პერსპექტივაში ზრდისა და მომგებიანობის მეტი პოტენციალია.
Wizz Air პირდაპირი ფრენები ქუთაისიდან
| დანიშნულების ადგილი | გამგზავრება | დაბრუნება | ავიაკომპანია | ბილეთების პოვნა |
|---|---|---|---|---|
| ათენი | 1 ოქტომბერი 2025 | 6 ოქტომბერი 2025 |  | ავიაბილეთები 307 -დან |
| ბარსელონა | 22 ოქტომბერი 2025 | 29 ოქტომბერი 2025 | | ავიაბილეთები 582 -დან |
| ბერლინი | 8 ოქტომბერი 2025 | 15 ოქტომბერი 2025 | | ავიაბილეთები 657 -დან |
| ბრიუსელი | 9 ოქტომბერი 2025 | 12 ოქტომბერი 2025 | | ავიაბილეთები 488 -დან |
| ბუდაპეშტი | 22 ოქტომბერი 2025 | 30 ოქტომბერი 2025 | | ავიაბილეთები 243 -დან |
| მემინგენი | 1 ნოემბერი 2025 | 15 ნოემბერი 2025 | | ავიაბილეთები 576 -დან |
| ფრანკფურტი | 1 აგვისტო 2025 | 8 აგვისტო 2025 | | ავიაბილეთები 753 -დან |
| ჰამბურგი | 7 ოქტომბერი 2025 | 25 ოქტომბერი 2025 | | ავიაბილეთები 315 -დან |
| კატოვიცა | 25 დეკემბერი 2025 | 3 იანვარი 2026 | | ავიაბილეთები 547 -დან |
| ლარნაკა | 31 ივლისი 2025 | 29 აგვისტო 2025 | | ავიაბილეთები 169 -დან |
Wizz Air-ის აღმასრულებელმა დირექტორმა, იოზეფ ვარადიმ განაცხადა:
„ეს იყო შესანიშნავი მოგზაურობა ახლო აღმოსავლეთში და ვამაყობთ იმით, რაც შევქმენით. მადლობას ვუხდი ჩვენს ერთგულ თანამშრომლებს თავიანთი დაუღალავი ძალისხმევისა და ერთგულებისთვის WIZZ ბრენდის განვითარებაში ახალ და დინამიკურ ბაზრებზე. თუმცა, საოპერაციო გარემო მნიშვნელოვნად შეიცვალა: გეოპოლიტიკურმა არასტაბილურობამ და ბაზარზე შეზღუდულმა წვდომამ გაართულა ჩვენი საწყისი მიზნების შესრულება. მიუხედავად იმისა, რომ ეს იყო რთული გადაწყვეტილება, არსებული ვითარებიდან გამომდინარე, ეს სწორი ნაბიჯია. ჩვენ გავაგრძელებთ ფოკუსირებას ჩვენს ძირითად ბაზრებზე და ინიციატივებზე, რომლებიც აძლიერებს Wizz Air-ის მომხმარებელთა კმაყოფილებას და ქმნის აქციონერთათვის ღირებულებას.“
მგზავრთა საყურადღებოდ:
მგზავრები, რომლებსაც ავიაბილეთები 2025 წლის 31 აგვისტოს შემდეგ აქვთ დაჯავშნილი, ელექტრონული ფოსტით მიიღებენ ინფორმაციას თანხის უკან დაბრუნების ან ალტერნატიული მგზავრობის შესახებ. მომხმარებლებმა, რომლებმაც ავიაბილეთები მესამე მხარის მეშვეობით შეიძინეს, შესაბამის სააგენტოებს უნდა დაუკავშირდნენ. აღნიშნული შეჩერება არ ეხება Wizz Air-ის სხვა რეისებს.
Avia.ge – 8 წელი თქვენს სამსახურში! საიმედო პარტნიორი მოგზაურობაში. დაგვირეკე: 551 907 907
