სწორი სამოქმედო გეგმისა და სტრატეგიის შესაბამისად, საქართველოში ტურიზმისა და ავიაციის ინდუსტრია ვითარდება, ძლიერდება და ძალიან სწრაფი ტემპებით უბრუნდება პანდემიამდელ ნიშნულს. იანვარი-ივნისის თვეების სტატისტიკური მონაცემებით, ამ პერიოდში საქართველოს 2,860,117 საერთაშორისო მოგზაური ეწვია.
როგორც ეკონომიკისა და მდგრადი განვითარების მინისტრი მარიამ ქვრივიშვილი აღნიშნავს, ეს სტატისტიკა ცხადყოფს, რომ პანდემიამდე პერიოდის მონაცემების 74%-იანი აღდგენაა, 2022 წლის ანალოგიურ პერიოდთან შედარებით კი ზრდა +75.9 %-ს შეადგენს.
ამასთან, 2023 წლის პირველ 6 თვეში ქვეყანაში 1,930,483 საერთაშორისო ტურისტული ვიზიტი შედგა, რაც 2019 წლის მონაცემის 90.8%-ით აღდგენაა, ხოლო 2022 წელთან შედარებით კი +59.6%-იანი ზრდაა.
„დღეს საქართველოს ბაზარზე, ქუთაისის , თბილისის და ბათუმის საერთაშორისო აეროპორტებიდან, 50-ზე მეტი ავიაკომპანია, 60-მდე პირდაპირი მიმართულებით ოპერირებს, რაც ნიშნავს, რომ ფაქტობრივად, ყოველთვიურად ვცდილობთ გავზარდოთ გამტარუნარიანობა და პირდაპირი კავშირი ჩვენთვის სტრატეგიულ სამიზნე – ევროკავშირის და სპარსეთის ყურის ქვეყნებთან, რათა ქვეყანაში კიდევ მეტი ტურისტი ჩამოვიდეს“, – აცხადებს ეკონომიკის მინისტრის მოადგილე.
პირდაპირი ფრენები ქუთაისიდან
| მიმართულება | გამგზავრების თარიღი | დაბრუნების თარიღი | ავიაკომპანიის ლოგო | ავიაბილეთების მოძებნა |
|---|---|---|---|---|
| ალმათი | 11 ნოემბერი 2026 | 18 ნოემბერი 2026 |  | ავიაბილეთები 609 -დან |
| ათენი | 4 დეკემბერი 2026 | 6 დეკემბერი 2026 |  | ავიაბილეთები 236 -დან |
| ბარსელონა | 20 დეკემბერი 2026 | 29 იანვარი 2027 | | ავიაბილეთები 364 -დან |
| ბერლინი | 5 დეკემბერი 2026 | 15 დეკემბერი 2026 | | ავიაბილეთები 401 -დან |
| ბრიუსელი | 26 ნოემბერი 2026 | 29 ნოემბერი 2026 | | ავიაბილეთები 336 -დან |
| ბრატისლავა | 14 იანვარი 2027 | 19 იანვარი 2027 | | ავიაბილეთები 256 -დან |
| ბუდაპეშტი | 5 დეკემბერი 2026 | 10 დეკემბერი 2026 | | ავიაბილეთები 263 -დან |
| დორტმუნდი | 29 დეკემბერი 2026 | 19 იანვარი 2027 | | ავიაბილეთები 334 -დან |
| მემინგენი | 3 თებერვალი 2027 | 10 თებერვალი 2027 | | ავიაბილეთები 286 -დან |
| ფრანკფურტი | 19 დეკემბერი 2026 | 2 იანვარი 2027 | | ავიაბილეთები 402 -დან |
მისი თქმით, მიმდინარე წლის იანვარი-ივნისის თვის მონაცემებით, საქართველოს აეროპორტებში მგზავრთნაკადის მონაცემები 100 %-ით აღდგა და პანდემიამდელ ნიშნულს გაუთანაბრდა.
რაც შეეხება 2023 წლის მე-2 კვარტლის მონაცემებს, საქართველოში 1,651,655 საერთაშორისო მოგზაურის ვიზიტი შედგა, რაც პანდემიამდე პერიოდის მონაცემების 73.6% აღდგენაა, 2022 წელთან შედარებით კი +57.4%-იანი ზრდაა.
