ვერსალის სასახლე საფრანგეთის ერთ-ერთი გამორჩეული ღირსშესანიშნაობაა. იგი ოდნავ მოშორებით, 18 კილომეტრში მდებარეობს, თუმცა სწრაფად და მარტივად მოხვდებით აქ პარიზის ცენტრიდან.
ვერსალის სასახლე ლუი მე-14-ის განკარგულებით აშენდა. აქ საფრანგეთის სამეფო კარი ცხოვრობდა, შესაბამისად ვერსალი დიდებული ნაგებობაა. მისი ფრანგული არქიტექტურა, გაფორმება და მდიდრული ატმოსფერო ნებისმიერ ტურისტს დაამახსოვრებს თავს. ვერსალი საფრანგეთის აბსოლუტური მონარქიული ეპოქის ცოცხალი დადასტურებაა. ვერსალის სასახლე მსოფლიო მემკვიდრეობის სიაშია შეტანილი. იგი მე-17 საუკუნის საფრანგეთის სულს გამოხატავს და დიდი კულტურული თუ ისტორიული ღირებულება აქვს. ვერსალში შეგიძლიათ დაათვალიეროთ აქ შემონახული არტეფაქტები, ესტუმროთ სარკეებიან დარბაზს ან გაისეირნოთ მის დიდებულ ბაღში. ამ ბლოგში წაიკითხავთ მნიშვნელოვან ინფორმაციას ვერსალში ვიზიტისათვის.
