სულთან აჰმედის მეჩეთი, რომელიც ცნობილია როგორც ლურჯი მეჩეთი თავისი ლურჯი ფერის ინტერიერის გამო, ოსმალური არქიტექტურის კარგი ნიმუშია. მეჩეთი სტამბოლის ცენტრში მდებარეობს. იგი მე-17 საუკუნის ნაგებობაა. მეჩეთი კლასიკური სახისაა, მას აქვს ცენტრალური გუმბათი და პატარა თანა-გუმბათები. აქ ასევე ნახავთ სულთანი აჰმედის სამარხსაც. მეჩეთთან მდებარეობს მადრასეების შენობაც, რომლის მონახულებასაც ასევე შეძლებთ.
ლურჯი მეჩეთი აია სოფიას ტაძრის მოპირდაპირე მხარეს მდებარეობს – ეს ორი ნაგებობა ერთ სივრცეში იდეალურ კომპოზიციას ქმნის. აია სოფიას ტაძრის მსგავსად სულთან აჰმედის მეჩეთიც საოცარი ინტერიერის მქონეა. ლურჯი მეჩეთი გაფორმებულია 20 000-ზე მეტი ხელნაკეთი კერამიკის ფილით. მის გარშემო კი მცენარეები და ყვავილებია.
სულთან აჰმედის მეჩეთი ერთ-ერთი ყველაზე ცნობილი ღირსშესანიშნაობაა. მისი ნახვის შესაძლებლობა არ უნდა გამოტოვოთ სტამბულში მოგზაურობისას. თუ ოსმალური ისტორიითა და მუსლიმური არქიტექტურით დაინტერესებული ხართ, ეს მეჩეთი მათზე დაკვირვების კარგ შესაძლებლობას მოგცემთ. ამ ბლოგში შემოგთავაზებთ ლურჯი მეჩეთის შესახებ ტექნიკურ ინფორმაციას.
