ამსტერდამის სამეფო სასახლე ქალაქის ერთ-ერთი ყველაზე ცნობილი ღირსშესანიშნაობაა. იგი ამსტერდამის ცნობილ მოედანზე, დამის მოედანზე მდებარეობს. აქ რამდენიმე ისტორიული შენობა ერთ სივრცეში ექცევა.
სამეფო სასახლე ამსტერდამის ოქროს ხანაში აშენდა. იგი ჰოლანდიურ ბრწყინვალებას კარგად გამოხატავს. თავიდან სასახლის მიზანი მერიის შენობის მოწყობა გახლდათ, თუმცა დრო და დრო სამეფო დარბაზად გადაიქცა. ამ ფუნქციას იგი დღემდე ინარჩუნებს. სასახლე გარდა ფუნქციური მნიშვნელობისა, ესთეტიკურადაც ულამაზესია და მუდამ იპყრობს ტურისტების ყურადღებას. შენობა ბაროკოს არქიტექტურულ სტილშია აგებული. მისი განათებები და ბრწყინვალე დარბაზები ტურისტულ სანახაობებს წარმოადგენს. სამეფო სასახლე ხელოვნების ნიმუშების კოლექციასაც ინახავს. ერთიანად ყველაფერი, მე-17 საუკუნის ჰოლანდიური ოქროს ხანის დადასტურებაა. შენობის რამდენიმე დარბაზი მნახველებისთვის მუდამ ღიაა. არ გირჩევთ ამ გამოცდილების გამოტოვებას ამსტერდამში ვიზიტისას. შემოგთავაზებთ ტექნიკურ დეტალებს მოგზაურობის გასამარტივებლად.
