პიკასოს მუზეუმი ბარსელონას ერთ-ერთი ღირსშესანიშნაობაა. ადგილობრივები ამაყობენ იმ ფაქტით, რომ ეს მუზეუმი პიკასოს სიცოცხლეშივე აშენდა და თანაც, პირველ მუზეუმს წარმოადგენდა, რომელიც მხატვარს მიეძღვნა. მუზეუმი ინახავს კუბიზმის მამის, პაბლო პიკასოს 4000-ზე მეტ ნახატს. თუ იმპრესიონისტული ხელოვნება გიზიდავთ, პიკასოს მუზეუმი ნამდვილად არ გაგიცრუებთ იმედებს.
თავდაპირველად მუზეუმის იდეა პაბლო პიკასოს ბევრი ნამუშევრის მფლობელს, მისივე მეგობარს გაუჩნდა. მეგობრის იდეა პიკასოსაც მოეწონა და თავადვე გადაწყვიტა, მუზეუმი ბარსელონაში რომ ყოფილიყო. ეს მუზეუმი მთელი კატალონიისათვის საამაყოა. ნახატების გარდა აქ მხატვრის პირადი ცხოვრების ნივთებსა და დოკუმენტებსაც იხილავთ. აქ ფაქტობრივად მე-20 საუკუნის მხატვრობის ისტორია გადაგეშლებათ თვალწინ. ამ ბლოგში კი შემოგთავაზებთ ინფორმაციას ტექნიკური დეტალების შესახებ, თუ მუზეუმში სტუმრობას გადაწყვეტთ.
