მადრიდი მდიდრული შენობების სამშობლოა. მადრიდის სამეფო სასახლე ერთ-ერთი გამორჩეული ძეგლია. იგი მე-18 საუკუნეში აშენდა და სამეფო კარის ადგილსამყოფელს წარმოადგენდა. მართალია დღეს სასახლეს მხოლოდ ცერემონიალური დატვირთვა აქვს, თუმცა ადგილობრივებისთვის მნიშვნელოვან კულტურულ და ისტორიულ ძეგლს წარმოადგენს. სასახლეს ესპანელებისთვის სიმბოლური მნიშვნელობა აქვს, ტურისტები კი მიდი დიდებულებით იხიბლებიან, ამიტომ თითქმის 4 საუკუნეა სასახლე ესპანეთის პოპულარული შენობაა.
იცოდით, რომ სამეფო სასახლეს თითქმის 4000 ოთახი აქვს?! თუმცა, მხოლოდ რამდენიმე მათგანია ტურისტებისათვის ღია. სასახლეს ბაროკოსა და ნეოკლასიკური არქიტექტურული სტილის მახასიათებლები აქვს, ამიტომ მისი სიდიადე ვიზუალურადაც დასტურდება. მადრიდის სამეფო სასახლე დასავლეთ ევროპის ყველაზე დიდი სასახლეა, მსოფლიოში კი ერთ-ერთი უდიდესი. სასახლე ფაქტობრივად ისტორიულ დროში გამოგზაურებთ. ამ ბლოგში მნიშვნელოვან ინფორმაციას ნახავთ მადრიდის სამეფო სასახლის შესახებ. თუ მადრიდში მოგზაურობას აპირებთ, გირჩევთ აუცილებლად ეწვიოთ ამ შენობას. თანაც, მისი ბაღის ულამაზესია და ტურისტული ღირსშესანიშნაობების დათვალიერებით თუ გადაიღლებით, აქ განტვირთვას თავისუფლად შეძლებთ.
