სტამბოლში მოგზაურობისას არ უნდა გამოგრჩეთ დოლმაბაჩეს სასახლის ნახვა. იგი მდებარეობს ბოსფორის სრუტის ევროპულ მხარეს. სასახლეს დიდი ისტორიული ფუნქცია ჰქონდა, იგი წარმოადგენდა ოსმალეთის იმპერიისა და თურქეთის მთავრობების ადმინისტრაციულ ცენტრს, შესაბამისად კულტურული და ისტორიული სიმბოლური დატვირთვაც აქვს. მანამდე ქვეყნის ადმინისტრაციული ცენტრი ტოპკაპის შასაუკუნეების სასახლეში მდებარეობდა, შემდეგ კი ოსმალეთის მმართველმა წრემ გადაწყვიტა უფრო მეტად მოდერნისტული, ევროპული სასახლეების სადარი, ყოფილიყო.
სასახლის მშენებლობა მილიონობით ოქროს ლირა დაჯდა, თუმცა მას რომ ნახავთ, დარწმუნდებით რომ ნამდვილად ღირდა. სასახლე მართლაც ევროპული ყაიდის არქიტექტურისაა. იგი იმეორებს ბაროკოს, როკოკოსა და ნეოკლასიკურ არქიტექტურულ სტილს. აქ უამრავ ოთახს ნახავთ, ასევე ბრილიანტის შანდლებსა და ოსმალეთის დროინდელ არტეფაქტებს. დოლმაბაჩეში ათათურქის მიძღვნილი ოთახიც კია. მან სიცოცხლის ბოლო დღეები სწორედ ამ სასახლეში გაატარა.
