მიეცით თქვენს თავს ბავშვური სიხარულის უფლება – ეწვიეთ პარიზის დისნეილენდს საფრანგეთში მოგზაურობისას. აქ დაუვიწყარი გარემო დაგხვდებათ როგორც სოლო, ისე ოჯახთან ერთად მოგზაურობისას დროის გასატარებლად. 50-ზე მეტი ატრაქციონი, დისნეის გაცოცხლებული პერსონაჟები და სადღესასწაულო გარემო სწორედ ისაა, რაც ყოველდღიურ ერთფეროვნებას გვიხალისებს და სამახსოვრო მოგონებებს გვიქმნის.
პარიზის დისნეილენდი მსოფლიოში ყველაზე ცნობილი და ყველაზე მეტად მონახულებადი პარკია. იგი 1992 წელს გაიხსნა და დღემდე 300 მილიონზე მეტმა ადამიანმა მოინახულა. დისნეილენდში დაგხვდებათ როგორც გასართობი სივრცეები, თემატურად მოწყობილი გარემო, ასევე რესტორნები, საშოპინგო ცენტრები და დასასვენებელი არეალები. აქ ერთი დიდი სამყაროა, რომელში დროებით ჩაძირვა ნამდვილად ღირს პარიზში მოგზაურობისას.
გულის სასიამოვნოდ აჩქარება ატრაქციონებზე ჯდომისას ნებისმიერი ასაკობრივი კატეგორიის ადამიანისთვის დაუვიწყარი თავგადასავალია. ამ პარკის შენებას 7 წელი დასჭირდა და 2000 ჰექტარზეა გადაჭიმული, რათა ყველაფერი დაიტიოს. მაგიური ატმოსფერო, ზღაპრებისა და მულტფილმების პერსონაჟები და ჟრიამულისა და სიცილის ხმები თქვენი ბავშვობის ოცნებების ახდენის წინაპირობა იქნება. თუ ოჯახთან ერთად აპირებთ მოგზაურობას, გაითვალისწინეთ, რომ ეს გამოცდილება ბავშვებს სიცოცხლის ბოლომდე ემახსოვრებათ და შეგიძლიათ მათ ერთი დისნეილენდური თავგადასავალი მოუწყოთ. ამ სტატიაში ამოიკითხავთ მნიშვნელოვან ფაქტებსა და საყურადღებო ინფორმაციას დისნეილენდში ვიზიტისთვის.
